TET परीक्षा परवावर! परीक्षाकेंद्रावर मोठी सुरक्षा, उमेदवारांनो! ‘हे’ नियम लक्षात असू द्या

२३ नोव्हेंबरला होणाऱ्या TET परीक्षेसाठी राज्यभर काटेकोर सुरक्षा ठेवत सर्व उमेदवारांचे ‘फेस रेकग्निशन’ अनिवार्य करण्यात आले आहे.

• २३ नोव्हेंबर रोजी या परीक्षेचे आयोजन
• ‘फोटो व्हा’ आणि ‘कनेक्ट व्यू’ प्रणालीचा वापर
• ओळखपत्र आणि प्रवेशपत्र तपासूनच त्याला आत एंट्री

देशभरातून मोठ्या संख्येने उमेदवार TET परीक्षा (Teacher Eligibility Test) पात्र करण्यासाठी तयारी करत आहेत. शिक्षक पदी काम करण्यास इच्छुक असणारे उमेदवार लाखोंच्या संख्येत या परीक्षेसाठी उपस्थित राहतात. २३ नोव्हेंबर रोजी या परीक्षेचे आयोजन करण्यात आले आहे. उमेदवारांना दिलेल्या वेळेत परीक्षाकेंद्रावर उपस्थित राहणे अनिवार्य आहे. ही परीक्षा राज्यातील ठिकठिकाणी घेतली जात आहे. त्यामुळे राज्य शिक्षण प्रशासनाने राज्यातील विविध परीक्षा केंद्रावर सुरक्षा व्यवस्था केली आहे. (TET Exam Instructions)

शासनाकडून निर्णय नाही! शिक्षकांमध्ये नाराजी, टीईटी परीक्षा सक्तीविरोधात निवेदन

यंदाच्या TET परीक्षेत उमेदवारांचे ‘फेस रेकग्निशन’ अनिवार्य करण्यात आले आहे. ही प्रणाली आवश्यक करण्या मागचे हेतू म्हणजे, बनावट उमेदवारांना किंवा बोगस उमेदवारांना परीक्षा केंद्रावरून हद्दपार करणे अशी आहे. त्यासाठी ‘फोटो व्हा’ आणि ‘कनेक्ट व्यू’ प्रणालीचा वापर करण्यात आला आहे. या सर्व सुरक्षा व्यवस्थांना पाहता परीक्षा केंद्रावर शिस्तीचे अगदी काटेकोरपणे पालन होणार असल्याचे दिसून येत आहे.

मूळ उमेदवाराऐवजी इतर कुणी आत घुसण्याचा प्रयत्न केला तर त्यावर कठोर कारवाई करण्याचे निर्देश शासनाने दिले आहे. तसेच परीक्षा केंद्रावर कोणत्याही प्रकारचे स्मार्ट वॉच, स्मार्ट फोन तसेच कॅल्क्युलेटरसह इतर कोणतीही इलेकट्रोनिक उपकरणे नेण्यास बंदी आहे. उमेदवाराची अतिशय निरखून तपासणी केली जाईल. केलेल्या अर्जात आणि उमेदवारात थोडीही तफावत आढळ्यास उमेदवाराला एंट्री दिली जाणार नाही. जर तफावत असेल तर केंद्र संचालक त्या उमेदवाराची प्रत्यक्ष ओळख पाहणार तसेच त्या व्यक्तीचे ओळखपत्र आणि प्रवेशपत्र तपासूनच त्याला आत एंट्री दिली जाईल. एकंदरीत, अर्जातील माहिती आणि प्रत्यक्ष उमेदवार यांच्यात साधर्म्य असल्यासच प्रवेश देण्यात येणार आहे.

मुंबईतील नायर दंत महाविद्यालयात १८ वी जागतिक दंत विज्ञान परिषद आयोजित! तब्बल पाच मानाचे पुरस्कार पटकावले

दरम्यान, शिक्षण मंडळाने एक महत्वाची सूचना जाहीर केली आहे. सोशल मीडियावरील चुकीच्या माहितीवर विश्वास न ठेवण्याचे आवाहन करण्यात आले आहे. तसेच या TET परीक्षेबद्दल असणाऱ्या अधिकृत सूचना परीक्षा परिषदेच्या संकेतस्थळावर म्हणजेच https://mahatet.in/ वर प्रसिद्ध करण्यात येईल.