इस्रोच्या मोहिमेत झळकणार खटावची मुले! पळशीच्या जिल्हा परिषद शाळेतील ३ विद्यार्थ्यांची अंतराळ अभ्यास दौऱ्यासाठी निवड

विद्यार्थ्यांमध्ये विज्ञानाची आवड निर्माण व्हावी. अंतराळ विज्ञानाबाबत प्रत्यक्ष अनुभव मिळावा यासाठी शिक्षण विभागाने हा उपक्रम हाती घेतला आहे.

 

• इस्रोच्या मोहिमेत झळकणार खटावची मुले!
• पळशीच्या जिल्हा परिषद शाळेतील 3 विद्यार्थ्यांची अंतराळ अभ्यास दौऱ्यासाठी निवड

औंध : पळशी ता खटाव येथील जिल्हा परिषद आदर्श प्राथमिक शाळेतील तीन गुणवंत विद्यार्थ्यांनी आपल्या दैदीप्यमान कामगिरीने गावाची मान अभिमानाने उंचावली आहे. भारतीय अंतराळ संशोधन संस्थेच्या (ISRO) विशेष अभ्यास दौऱ्यासाठी शाळेतील तीन विद्यार्थ्यांची निवड झाली असून, त्यांच्यावर सर्व स्तरातून कौतुकाचा वर्षाव होत आहे.

विद्यार्थ्यांमध्ये विज्ञानाची आवड निर्माण व्हावी. अंतराळ विज्ञानाबाबत प्रत्यक्ष अनुभव मिळावा यासाठी शिक्षण विभागाने हा उपक्रम हाती घेतला आहे. या उपक्रमांतर्गत पळशी तालुका खटाव येथील जिल्हा परिषद प्राथमिक शाळेतील वैधवी तडाखे,शुभ्रा तडाखे,सार्थक जाधव हे तीन विद्यार्थी भारतीय अंतराळ संशोधन संस्था (इस्रो) येथे भेट देणार आहेत विद्यार्थ्यांना मिळालेली ही संधी त्यांच्या शैक्षणिक प्रवासात महत्त्वाची ठरणार आहे. पुढील काळात हेच विद्यार्थी अंतराळ संशोधन कामात योगदान देतील अशी अपेक्षा व्यक्त केली जात आहे.

Buldhana News : जि. प.चा ४१ कोटींचा अर्थसंकल्प! सीईओ खरात यांची मंजुरी; वाढीव अर्थसंकल्प केला सादर

विद्यार्थ्यांच्या शिक्षक ओनस्वी देशपांडे, सदाशिव जाधव, आनंदा खाडे, सचिन शिंदे आणि संतोष जाधव यांचे विशेष मार्गदर्शन लाभले. निवड झालेल्या विद्यार्थ्यांचे सरपंच रेश्मा राऊत, उपसरपंच विलास पवार व सर्व ग्रामपंचायत सदस्य, शाळा व्यवस्थापन समितीच्या अध्यक्षा शुभांगी गोडसे, उपाध्यक्ष रविंद्र पवार सर्व सदस्य आणि ग्रामस्थांनी अभिनंदन केले आहे.