University of Melbourne Scholarship for Indians: ऑस्ट्रेलियात मोफत शिक्षणाची संधी! ३० लाखांहून अधिक स्कॉलरशिप कशी मिळवाल?

University of Melbourne Scholarship for Indians: मेलबर्न विद्यापीठात मोफत शिक्षणाची संधी! मानवाधिकार विषयात संशोधनासाठी ३०.४० लाख रुपयांपर्यंतची शिष्यवृत्ती भारतीय विद्यार्थ्यांना कशी मिळेल? सविस्तर माहिती.

• मेलबर्न विद्यापीठाची भारतीय विद्यार्थ्यांसाठी शिष्यवृत्ती
• सामाजिक न्याय आणि मानवाधिकारांवर आधारित शिष्यवृत्ती
• ऑस्ट्रेलियातील वास्तवासाठी $४४,५०० ऑस्ट्रेलियन डॉलर्स

University of Melbourne Scholarship for Indians : उच्च शिक्षणासाठी ऑस्ट्रेलिया हा जगातील सर्वोत्तम देशांपैकी एक आहे. म्हणूनच तेथे हजारो भारतीय विद्यार्थी पदवी मिळवण्यासाठी जातात. ऑस्ट्रेलियातील शिक्षणाच्या दर्जाप्रमाणे तेथील शैक्षणिक शुल्कही लाखो रूपयांमध्ये आहे. परंतु जर तुम्हाला येथील नामांकित विद्यापीठातून कोणतीही फी न भरता शिक्षण घ्यायचे असेल तर तुमच्यासाठी अशी एक सुवर्णसंधी आहे जी तुमचे करियर बदलू शकते. चला तर मग या सुवर्णसंधीबद्दल सविस्तर जाणून घेऊया…

मेलबर्न विद्यापीठाची भारतीय विद्यार्थ्यांसाठी शिष्यवृत्ती

ऑस्ट्रेलियातील मेलबर्न विद्यापीठ भारतीय विद्यार्थ्यांसाठी शिष्यवृत्ती देत आहे. तुम्हाला सामाजिक न्याय आणि मानवाधिकारांमध्ये रस असेल. तर तुम्ही यातून तुमचे संशोधनआधारित पदव्युत्तर शिक्षण (मास्टर्स बाय रिसर्च) पदवी आणि डॉक्टरेट शिक्षण पूर्ण करू शकता. या शिष्यवृत्तीसाठी पात्र होण्यासाठी भारतीय विद्यार्थ्यांनी खालील अटी पूर्ण करणे आवश्यक आहे.

Thalapathy Vijay Education and Politics: अभिनयासाठी शिक्षण सोडणारा सुपरस्टार आता तामिळनाडूच्या सत्तेच्या जवळ? पाहा रंजक प्रवास.

शिष्यवृत्तीसाठी पात्रता निकष

शिष्यवृत्तीसाठी पात्र होण्यासाठी संशोधनआधारित पदव्युत्तर शिक्षण आणि पीएचडीच्या प्रवेशाची पुष्टी करणारे प्रवेशपत्र असणे आवश्यक आहे.

विद्यार्थ्यांचे संशोधन मानवाधिकारांवर आधारित असले पाहिजे.

जर विद्यार्थ्यांने यावर आधारित आधीच संशोधन पूर्ण केले असेल किंवा उच्च शिक्षण घेतले असेल तर त्याला ही शिष्यवृत्ती दिली जाणार नाही.

शिष्यवृत्तीमध्ये काय समाविष्ट आहे?

• मानवाधिकार शिष्यवृत्ती मिळवणाऱ्या विद्यार्थ्याना कोणतेही शिक्षण शुल्क भरावे लागणार नाही.
• त्यांना ऑस्ट्रेलियातील वास्तवासाठी $४४,५०० ऑस्ट्रेलियन डॉलर्स (अंदाजे ₹३०.४० लाख) दिले जातील.
• मास्टर्सच्या विद्यार्थ्यांना दोन वर्षांसाठी तर पीएचडीच्या विद्यार्थ्यांना साडेतीन ते चार वर्षांसाठी शिष्यवृत्ती दिली जाईल.
• विद्यार्थ्यांना ऑस्ट्रेलियाच्या प्रवासखर्चासाठी $3,000 मिळतील.
• विद्यार्थ्यांना आरोग्य विमा मिळेल.

First Governor of RBI Sir Osborne Smith: आरबीआयचे पहिले गव्हर्नर भारतीय नव्हते? ऑस्ट्रेलियन बँकरच्या हाती का होती भारताची सूत्रे?

अर्ज कुठे करायचा?

मेलबर्न विद्यापीठीची ही शिष्यवृत्ती अत्यंत स्पर्धात्मक असून अनेक विद्यार्थ्यांना आकर्षित करते. या शिष्यवृत्तीसाठी अर्ज करण्याची अंतिम मुदत ३१ ऑक्टोबर, २०२६ आहे. तरी तुम्ही विद्यापीठाच्या अधिकृत वेबसाइटला भेट देऊन शिष्यवृत्तीसाठी अर्ज करू शकता.