nda
Defence Jobs: भारतीय भूदल सेना, नौदल आणि हवाई दलात अधिकारी म्हणून सामील होण्याचे स्वप्न पाहणाऱ्या तरुणांसाठी महत्त्वाची बातमी आहे. संघ लोक सेवा आयोगाने नॅशनल डिफेन्स अकादमी (NDA) आणि नॅशनल अकादमी (NA) परीक्षा (II) २०२६ चे वेळापत्रक जाहीर केले आहे. आयोगाच्या वतीने जारी केलेल्या कार्यक्रमामानुसार, एनडीए आणि एनए परीक्षा १३ सिप्टेंबर २०२६ रोजी देशभरातील विविध परीक्षा केंद्रांवर घेतली जाईल.
जे उमेदवार यूपीएससी एनडीए आणि एनए परीक्षेची तयारी करत आहेत, त्यांच्यासाठी आता अंतिम रणनीती बनवण्याची वेळ आली आहे. एनडीए आणि एनए परीक्षा एकाच दिवशी दोन वेगवेगळ्या शिफ्टमध्ये होईल. यात पहिला पेपर गणिताचा असेल आणि दुसरा पेपर जनरल एबिलिटी टेस्टचा असेल. जर तुम्हीही १३ सप्टेंबर रोजी यूपीएससी एनडीए आणि एनए परीक्षा देणार असाल, तर परीक्षेचे वेळापत्रक आणि परीक्षा केंद्रासाठी ठरवलेले आवश्यक नियम लगेच जाणून घ्या.
संघ लोक सेवा आयोग एनडीए (II) परीक्षा २०२६ चे आयोजन १३ सप्टेंबर रोजी दोन वेगवेगळ्या शिफ्टमध्ये करेल. दोन्ही पेपर देणे उमेदवारांसाठी अनिवार्य आहे:
एनडीए आणि एनए परीक्षेच्या काही दिवस आधी यूपीएससीच्या अधिकृत वेबसाइट upsc.gov.in वर ई-प्रवेशपत्र जारी केले जातील. ते डाऊनलोड करून त्याची प्रिंटआऊट काढून घ्यावी.
परीक्षा सुरू होण्यापूर्वी बरोबर ३० मिनिटे आधी प्रवेशद्वार (गेट्स) बंद केले जातील. सकाळच्या शिफ्टसाठी ०९:३० नंतर आणि दुपारच्या शिफ्टसाठी ०१:३० नंतर कोणत्याही उमेदवाराला केंद्रात प्रवेश दिला जाणार नाही.
परीक्षा हॉलमध्ये प्रवेश करण्यासाठी आपल्यासोबत छापील ई-प्रवेशपत्र आणि एक वैध फोटो ओळखपत्र असणे अनिवार्य आहे. उत्तर पत्रिकेत वर्तुळे भरण्यासाठी केवळ काळ्या बॉलपॉइंट पेनचाच वापर करावा लागेल. मोबाईल फोन, स्मार्टवॉच, कॅलक्युलेटर आणि कोणत्याही प्रकारचे इलेक्ट्रॉनिक गॅझेट परीक्षा हॉलच्या आत नेण्यास सक्त मनाई आहे.
.png "Videos"){kind=small}
