Lawyer Panel Recruitment 2026 : वकिलांसाठी सुवर्णसंधी! बीड विधिज्ञ पॅनल नियुक्तीसाठी अर्ज करण्याची मुदत वाढवली

ZP Beed Lawyer Panel Recruitment 2026 : जिल्हा परिषद बीड अंतर्गत न्यायालयांमध्ये बाजू मांडण्यासाठी विधिज्ञांची पॅनेलची मुदत १८ सप्टेंबर २०२६ पर्यंत वाढवली.

• बीड विधिज्ञ पॅनल नियुक्तीसाठी अर्ज मुदतीत वाढ
• १५ वर्ष व्यवसायिक वकिलीचा अनुभव आवश्यक
• अधिक माहितीसाठी इच्छुक उमेदवारांनी ‘या’ संकेतस्थळाला भेट द्या

ZP Beed Lawyer Panel Recruitment 2026 :  महाराष्ट्रातील बीड जिल्ह्यातील वकिलांसाठी एक आनंदाची बातमी आहे. सामान्य प्रशासन विभाग, जिल्हा परिषद, बीड अंतर्गत सर्वोच्च न्यायालय, उच्च न्यायालय खंडपीठ औरंगाबाद, कामगार व औद्योगिक न्यायालय, महाराष्ट्र प्रशासकीय न्यायाधीकरण (MAT) तसेच बीड जिल्ह्यातील जिल्हा व तालुका न्यायालयांमध्ये जिल्हा परिषदेच्या वतीने बाजू मांडण्यासाठी आणि कायदेशीर सल्ला देण्यासाठी पात्र विधिज्ञांचे (वकिलांचे) पॅनल गठित करण्यात येत आहे. यापूर्वी प्रसिद्ध केलेल्या जाहिरातीस अनुसरून अर्ज सादर करण्याची अंतिम मुदत वाढवून आता दि. १८ सप्टेंबर २०२६ करण्यात आली आहे.

इच्छुक आणि पात्र वकिलांनी दि. १४ सप्टेंबर २०२६ पूर्वी (वाढवलेल्या मुदतीनुसार विहित मुदतीत) आपले अर्ज मा. मुख्य कार्यकारी अधिकारी, जिल्हा परिषद, बीड यांच्याकडे सादर करावेत. या पॅनलसाठी एकूण २६ पदे निश्चित करण्यात आली असून, त्यामध्ये सर्वोच्च न्यायालयासाठी २, उच्च न्यायालय खंडपीठ,मॅट,कामगार व औद्योगिक न्यायालयासाठी १५ आणि जिल्हा व सत्र न्यायालय, बीड व तालुका न्यायालयांसाठी ९ जागांचा समावेश आहे.

National Competition 2026: गणिती कौशल्यांचा महासंगम! ७ हजारांहून अधिक विद्यार्थ्यांच्या गणितीय कौशल्यांनी वेधले लक्ष

१५ वर्ष व्यवसायिक वकिलीचा अनुभव आवश्यक

या नियुक्तीसाठी विधिज्ञांकडे उच्च न्यायालयासाठी किमान १० वर्षे तर जिल्हा व तालुका न्यायालयासाठी किमान ५ वर्षे वकिली व्यवसायाचा अनुभव असणे आवश्यक आहे. तसेच बार कौन्सिलचे नोंदणी प्रमाणपत्र आणि सक्षम प्राधिकाऱ्याचे अनुभव प्रमाणपत्र जोडणे बंधनकारक आहे.

विद्यार्थ्यांच्या संघर्षाला यश! MPSC मध्ये पारदर्शकतेसाठी उच्चस्तरीय समिती गठित; मुख्यमंत्र्यांची मोठी घोषणा

अधिक माहितीसाठी इच्छुक उमेदवारांनी ‘या’ संकेतस्थळाला भेट द्या

निवड झालेल्या वकिलांना न्यायालयातील कामकाज, त्रैमासिक अहवाल सादर करणे, तसेच मानधन आणि आनुषंगिक अटी व शर्ती लागू राहतील. यासंदर्भातील सविस्तर जाहिरात, आवश्यक अर्हता, अटी व शर्ती आणि अर्जाचा नमुना जिल्हा परिषदेच्या अधिकृत https://zpbeed.gov.in या संकेतस्थळावर उपलब्ध आहे.