'मुंबई शेअर बाजारात आरडीएक्स पेरले, ३ वाजता स्फोट होईल...' ईमेलद्वारे धमकी, पोलिसांना सतर्कतेचा इशारा (फोटो सौजन्य-X)
Bombay Stock Exchange gets bomb threat News in Marathi : बॉम्बे स्टॉक एक्सचेंज (BSE) ला आज (15 जुलै) पहाटे एका ईमेलद्वारे बॉम्बची धमकी मिळाली. या ईमेलमध्ये दावा करण्यात आला की BSE च्या टॉवर बिल्डिंगमध्ये चार RDX बॉम्ब ठेवण्यात आले आहेत. ज्याचा स्फोट दुपारी ३ वाजता होईल. ‘कॉम्रेड पिनारायी विजयन’ नावाच्या अकाउंटवरून धमकीचा ईमेल पाठवण्यात आला होता. धमकी मिळाल्यानंतर, बॉम्ब शोध पथक आणि मुंबई पोलिसांच्या पथकाने BSE इमारतीची कसून तपासणी केली आणि झडती घेतली, परंतु कोणतीही संशयास्पद वस्तू आढळली नाही.
या प्रकरणात, भारतीय दंड संहिता (BNS) च्या कलम ३५१(१)(ब), ३५३(२), ३५१(३), ३५१(४) अंतर्गत अज्ञात आरोपीविरुद्ध माता रमाबाई आंबेडकर मार्ग पोलीस ठाण्यात एफआयआर दाखल करण्यात आला आहे. पोलीस आता ईमेल पाठवणाऱ्याची ओळख पटवून अटक करण्यासाठी तपास करत आहेत. ईमेल कुठून आणि कोणी पाठवला हे शोधण्यासाठी सायबर सेल देखील तपासात गुंतला आहे. खबरदारी म्हणून सुरक्षा एजन्सींनी BSE आणि आसपासच्या परिसरात सुरक्षा व्यवस्था कडक केली आहे.
मुंबई पोलिसांनी सांगितले की, माता रमाबाई आंबेडकर मार्ग पोलीस ठाण्यात एका अज्ञात व्यक्तीविरुद्ध बीएनएसच्या कलम ३५१(१)(ब), ३५३(२), ३५१(३), ३५१(४) अंतर्गत गुन्हा दाखल करण्यात आला आहे आणि पुढील तपास सुरू करण्यात आला आहे. ही घटना अशा वेळी घडली आहे जेव्हा सोमवारी अमृतसरमधील प्रतिष्ठित सुवर्ण मंदिराला बॉम्बने उडवण्याची धमकी मिळाली होती, त्यानंतर शिरोमणी गुरुद्वारा प्रबंधक समितीने (एसजीपीसी) पोलिस तक्रार दाखल केली आहे. याच दरम्यान मंगळवारी द्वारकेतील सेंट थॉमस स्कूल आणि दिल्ली विद्यापीठाच्या सेंट स्टीफन्स कॉलेजला ईमेलद्वारे बॉम्बने उडवण्याची धमकी मिळाली.
चार सत्रांच्या घसरणीनंतर मंगळवारी देशांतर्गत शेअर बाजार सेन्सेक्स आणि निफ्टी सुरुवातीच्या व्यवहारात वधारले. सुरुवातीच्या व्यवहारात बीएसई सेन्सेक्स २०३.९५ अंकांनी वाढून ८२,४५७.४१ वर पोहोचला तर एनएसई निफ्टी ६८.८५ अंकांनी वाढून २५,१५१.१५ वर पोहोचला. सेन्सेक्सवर सूचीबद्ध असलेल्या ३० कंपन्यांपैकी सन फार्मा, भारती एअरटेल, महिंद्रा अँड महिंद्रा, भारत इलेक्ट्रॉनिक्स, टाटा मोटर्स आणि इन्फोसिस सर्वाधिक वधारले. त्याच वेळी, एचसीएल टेकचा शेअर सुमारे तीन टक्क्यांनी घसरला. इटरनल (पूर्वीचे झोमॅटो), अल्ट्राटेक सिमेंट, टाटा स्टील आणि आयसीआयसीआय बँकेचे शेअर्सही तोट्यात गेले. शेअर बाजाराच्या आकडेवारीनुसार, सोमवारी परदेशी संस्थात्मक गुंतवणूकदार (एफआयआय) विक्रेते होते आणि त्यांनी १,६१४.३२ कोटी रुपयांचे शेअर्स निव्वळ विकले. त्याच वेळी, देशांतर्गत संस्थात्मक गुंतवणूकदारांनी (डीआयआय) १,७८७.६८ कोटी रुपयांचे शेअर्स खरेदी केले.
.png "Videos"){kind=small}
