बाबा सिद्धीकी हत्याकांडाच्या मास्टरमाइंडला कॅनडात अटक; भारतात आणायची प्रक्रिया सुरू

जिशान पंजाबच्या जालंधरचा राहणार आहे. तो लॉरेन्स बिश्नोई गँगशी संबंधित आहे. तो हत्येच्या कटात सहभागी होता. जीशान अख्तरला बाबा सिद्दीकी यांच्या कॉन्ट्रॅक्ट किलिंगचा मास्टरमाइंड मानलं जातं. मिळलेल्या माहितीनुसार, जिशान हत्येनंतर फरार झाला होता. कथित पाकिस्तानी डॉन शहजाद भट्टीच्या मदतीने तो कॅनडात पोहोचला. कॅनडा पोलिसांनी जिशान अख्तरला कुठल्या आरोपांखाली अटक केली आहे त्याची पुष्टी झालेली नाही आहे. मुंबई पोलीस आता त्याच प्रत्यार्पण करून त्याला भारतात आणण्याची प्रक्रिया सुरु करू शकतात.

बाबा सिद्धीकी यांची हत्या 12 ऑक्टोंबर 2024 रोजी वांद्रे कार्यालयाबाहेर गोळ्या झाडून हत्या करण्यात आली होती. सिद्दीकी यांना तात्काळ लीलावती रुग्णालयात नेत्यांत आलं होत. डॉक्टरांच्या टीमने बरेच प्रयत्न केले परंतु त्यांना वाचवता आलं नाही. डॉक्टरांनी त्यांना मृत घोधित केलं. वांद्रयातून तीनवेळा आमदार आणि महाराष्ट्र सरकारमधील माजी कॅबिनेट मंत्री म्हणून ते कार्यरत होते. या केसचा उलगडा करण्यात आणि आरोपींना पकडण्याचा प्रयत्न महाराष्ट्र पोलीस करत आहे.

या हाय-प्रोफाइल हत्याकांडात ज्या प्रारंभिक अटका झाल्यात त्यावरुन लॉरेन्स बिश्नोई गँगच कनेक्शन समोर आलं. आरोपींना चौकशीत सांगितलं की, ते जवळपास एक महिन्यापासून रेकी करत होते. यात कथित मुख्य शुटर शिव कुमार गौतम आणि जेलमध्ये बंद असलेला गँगस्टर लॉरेंस बिश्नोईचा भाऊ अनमोल बिश्नोई आहे. त्याला अमेरिकेत अटक करण्यात आली होती. बाबा सिद्दीकी हत्या प्रकरणात आतापर्यंत २६ जणांना अटक करण्यात आली आहे.

मद्यधुंद कारचालकाचा कोल्हापुरात थरार; अनेक महिलांसह भाविकांना धडक