Mumbai Press Club: मुंबई प्रेस क्लबला बॉम्बची धमकी, एका ईमेलमुळे मोठी खळबळ

Mumbai Press Club Bomb Threat: धमकीचे सत्र सुरुच आता मुंबई प्रेस क्लबला (Mumbai Press Club) धमकीचा ईमेल मिळाला आहे. या घटनेची माहिती मिळताच मुंबई पोलीस तात्काळ घटनास्थळी दाखल झाले.

• मुंबई प्रेस कल्बला बॉम्बची धमकी
• एका ईमेलमुळे मोठी खळबळ
• संपूर्ण परिसरात सखोल तपास मोहीम सुरु

Mumbai Press Club Bomb Threat News in Marathi : गेल्या काही दिवसापासून धमकीचे सत्र सुरुच असल्याचं पाहायला मिळत आहे. अशातच मुंबईत एक धक्कादायक प्रकार समोर आला असून मुंबई प्रेस क्लबला (Mumbai Press Club) धमकीचा ईमेल मिळाला आहे. या ईमेलमध्ये क्लबच्या आवारात गॅस बॉम्ब ठेवल्याचा दावा करण्यात आला आहे. गुरुवारी (19 मार्च) सकाळी 7.33 वाजता प्रेस कल्बच्या ईमेलवर स्फोट घडवण्याची धमकी देण्यात आली होती.

या घटनेची माहिती मिळताच, मुंबई पोलीस तात्काळ घटनास्थळी पोहोचले. बॉम्ब शोधक आणि निवारण पथक (BDDS) आणि श्वान पथकाला तैनात करून संपूर्ण परिसरात सखोल तपास मोहीम राबवली जात आहे. सुरक्षेच्या कारणास्तव, कॅम्पसमधील हालचाल मर्यादित ठेवण्यावर लक्ष केंद्रित केले जात आहे.

Captain Ashok Kharat च्या साम्राज्यावर हातोडा; बंगल्यातून सहा लाख अन् मीरगाव येथून पिस्तूल हस्तगत

प्राथमिक तपासात असे समोर आले आहे की, हा ईमेल “नीरजा अजमल खान” या नावाने पाठवण्यात आला होता. पोलिसांनी माहिती दिली की, संबंधित व्यक्तीने ईमेलमध्ये काही अधिकृत दावे केले होते.

दरम्यान, सायबर स्टॉकिंगच्या या घटनेचा तपास सुरू झाला असून प्रोटॉन मेलद्वारे पाठवलेल्या ईमेलचा शोध घेण्याचे प्रयत्न सुरू आहेत. सध्या कोणताही स्फोटक पदार्थ आढळून आलेला नसला तरी पोलीस अधिक सतर्कता बाळगत आहेत.

See more

बीकेसीमधील पासपोर्ट कार्यालयात बॉम्बची धमकी

याआधी मुंबई येथील बीकेसीमधील पासपोर्ट कार्यालयात बुधवारी बॉम्बची धमकी मिळाल्यानंतर खळबळ उडाली. ही धमकी ईमेलद्वारे देण्यात आली होती, ज्यात पासपोर्ट कार्यालयात आणि कार्यालयाच्या स्वच्छतागृहांमध्ये सायनाइडने भरलेले १९ बॉम्ब ठेवल्याचा आणि ते दुपारी १:३० वाजता फुटतील असा दावा करण्यात आला होता. ही माहिती मिळताच पोलीस आणि बॉम्ब निकामी करणारे पथक घटनास्थळी दाखल झाले. पथकाने परिसर रिकामा करून शोध घेतला, परंतु काहीही आढळले नाही, ज्यामुळे अधिकाऱ्यांना दिलासा मिळाला. ज्या ईमेलमधून धमकी पाठवण्यात आली होती त्याचा तपशील आणि संपूर्ण प्रकरणाची चौकशी सुरू आहे.

संपूर्ण प्रकरण काय आहे?

बुधवारी, बीकेसीमधील पासपोर्ट कार्यालयाला तीन ईमेल प्राप्त झाले, ज्यात धमकी देण्यात आली होती की पासपोर्ट कार्यालयात आणि कार्यालयाच्या स्वच्छतागृहांमध्ये सायनाइडने भरलेले १९ बॉम्ब ठेवण्यात आले आहेत, जे आज दुपारी १:३० वाजता फुटतील. हे ईमेल कार्यालयाशी संबंधित होते. Sourav_biswas21@hotmail.com, rpo.mumbai@mea.gov.in, आणि rpo.mumbai@cpo.gov.in या तीन आयडींवर पाठवण्यात आले.

Nashik Crime: आधी माझी प्रेयसी हो नाही तर…; तंत्र मंत्राने गंडा घालून महिलेसोबत नको ते केल! ए टू झेड स्टोरी जशीच्या तशी