Chhatrapati Sambhajinagar: बनावट UPSC अधिकारी बनून ६ महिने पंचतारांकित हॉटेलमध्ये वास्तव्यास; अफगाण–पाक संबंध उघड

छत्रपती संभाजीनगरात बनावट UPSC अधिकारी असल्याचे भासवणारी कल्पना भागवत सहा महिने पंचतारांकित हॉटेलमध्ये राहताना पकडली. तिचे अफगाण–पाक संबंध, बनावट कागदपत्रे आणि मोठ्या आर्थिक व्यवहारांमुळे ATS-IB तपास सुरू.

• बनावट UPSC यादी, बदललेले आधार कार्ड आणि परदेशातून आलेल्या रक्कमेचे पुरावे पोलिसांना मिळाले.
• अफगाणिस्तानातील बॉयफ्रेंड व पाकिस्तानातील त्याच्या भावाशी आर्थिक व्यवहार उघड.
• दिल्ली मंत्रालयांना भेटी, व्हिसा मिळवून देण्याचे दावे, अनेक नेत्यांशी संपर्काचा आरोप.

छत्रपती संभाजीनगर: छत्रपती संभाजीनगर येथून बनवत IAS अधिकारी महिलेला अटक केली आहे. चौकशीत अफगाणिस्तान आणि पाकिस्तान येथील संबंध देखील उघड झाले आहे. ताब्यात घेण्यात आलेली महिला तब्बल सहा महिने छत्रपती संभाजीनगरातील जालना रोडवरील एका पंचतारांकित हॉटेलमध्ये राहिली.
कसं हे प्रकरण उघड झालं? आणि कोणती धक्कदायक माहिती समोर आली आहे? जाणून घ्या.

अफगाण आणि पाकमधील संबंध

एक महिला पंचतारांकित हॉटेलमध्ये तब्बल सहा महिने बनावट कागदपत्रांच्या आधारे मुक्काम ठोकल्याचा धक्कादायक प्रकार उघडकीस आला आहे. महिलेचे नाव कल्पना त्र्यंबकराव भागवत (वय 45) असे आहे. ती जालना रोडवरील अॅम्बेसेडर या फाइव्ह स्टार हॉटेलमध्ये राहत होती. सिडको पोलिसांनी संशयाच्या आधारे कारवाई करत खोलीची झडती घेतली. महिलेच्या बॅगेत २०१७ च्या यूपीएससी निवड यादीची प्रत आढळली, ज्यात तिचे नाव ३३३ व्या क्रमांकावर होते. मात्र छाननीत ही यादीही बनावट असल्याचं निष्पन्न झालं आहे. आधार कार्डवरही खाडाखोड केल्याचे स्पष्ट झाले. चौकशीत तिच्या खात्यात अफगाणिस्तानातील बॉयफ्रेंड अशरफ खलील व पाकिस्तानातील त्याचा भाऊ आवेद यांच्या खात्यांतून मोठ्या रकमा आल्याचे समोर आले. दोघांचे पासपोर्ट, व्हिसा आणि भारतात येण्याच्या अर्जाचे फोटोही तिच्या मोबाइलमध्ये आढळून आले आहेत. संपूर्ण प्रकरण अत्यंत संशयास्पद ठरल्याने एटीएस व आयबीकडून महिलेची कसून चौकशी सुरू आहे. बनावट ओळखपत्र देऊन हॉटेलमध्ये राहिल्याप्रकरणी तिच्या विरोधात गुन्हा दाखल करून पोलिसांनी तिला अटक केली आहे.

Solapur News: सोलापुरातील हृदयद्रावक घटना! जिवलग मित्राची आत्महत्या…, धक्का सहन न झाल्याने दुसऱ्या मित्राने लावला गळफास

पोलीस तपासात काय काय समोर आलं

• कल्पना हि जयपूर दिल्लीला सातत्याने गेल्याची समोर आली आहे.
• ती दिल्लीच्या पावर मिनिस्ट्रीमध्ये अनेकांना भेटली. गृह विभागात देखील अनेकांना भेटल्याचा तिचा दावा आहे.
• ज्यांना व्हिजा मिळत नाही त्यांना व्हीजा मिळून देण्याचं ती आश्वासन देते.
• मोठ्या बदल्याचं काम करण्याचं आश्वासन देखील ती देते.
• पुण्यातील एका माजी कुलगुरूचं ही बेस्ट आयएस अधिकारी, सामाजिक काम असल्याचे सर्टिफिकेट तिच्याकडे आहे. तिने ते बनवलं का खरोखर दिल याचा पोलीस तपास करत आहेत.
• लिव्ह इन रिलेशनशिप मध्ये ती राहत होती. तिचा मित्र अफगाणचा आहे, तो तिच्यापेक्षा दहा वर्षांनी लहान आहे.
• सदरील मित्राची आई आणि भाऊ पाकिस्तानमध्ये राहतो या अनुषंगाने पोलीस तपास करत आहेत.
• महाराष्ट्रातील अनेक नेत्यांना भेटल्याचा तिचा दावा आहे.
• प्रति दिवस सात हजार रुपये भाडं असलेल्या शहरातील एका पंचतारांकित हॉटेलमध्ये सहा महिन्यांपासून आईसोबत वास्तव्यास होती.

किरकोळ कारणावरून तरुणावर चाकूने वार करून खून; मध्यस्थी करण्यासाठी गेलेल्या तरुणावरही हल्ला

विजय कुंभार यांची सोशल मीडिया पोस्ट

विजय कुंभार यांनी या प्रकरणी सोशल मीडियावर पोस्ट केली आहे. याबाबतचे त्यांनी कागदपत्र शेअर केले आहेत. त्यांनी पोस्टमध्ये लिहिले आहे की, महाराष्ट्रात संशयास्पद परदेशी संबंध असलेल्या बनावट आयएएस अधिकाऱ्याला अटक केली आहे, कल्पना त्र्यंबकराव भागवत (४५) ही सहा महिने बनावट आधार वापरून एका आलिशान हॉटेलमध्ये राहिली. तिने विद्यापीठाची नोकरी सोडल्यानंतर तिने “यूपीएससी उत्तीर्ण” असल्याचा दावा करून आयएएस असल्याचे भासवले. पोलिसांनी बनावट आयएएस नियुक्ती पत्र आणि फोन जप्त केला. ती एका अफगाण नागरिकाच्या जवळच्या संपर्कात होती आणि कथितपणे #पाकिस्तान आणि #अफगाणिस्तानमध्ये त्याच्या कुटुंबासाठी व्हिसा मिळवण्याचा प्रयत्न करत होती. केंद्रीय संस्था आता गंभीर राष्ट्रीय सुरक्षेच्या दृष्टिकोनातून तपास करत आहेत. हे बनावटीकरणाच्या पलीकडे आहे – संभाव्य हेरगिरीचा रेड अलर्ट आहे, असंही विजय कुंभार यांनी म्हटलं आहे.

See more

Fake IAS officer with suspicious foreign links arrested in Maharashtra! Kalpana Trimbakrao Bhagwat (45) stayed in a luxury hotel for 6 months using forged Aadhaar, posed as IAS after quitting her university job claiming she “cleared UPSC”. Police recover fake IAS appointment… pic.twitter.com/VOKrkDO0pD — Vijay Kumbhar (@VijayKumbhar62) November 25, 2025