सुरक्षारक्षकाची दगडाने ठेचून हत्या, छत्रपती संभाजीनगर येथील धक्कादायक घटना, नेमकं प्रकरण काय?

सुरक्षारक्षक जेवणाचा डबा घेऊन गॅरेजवर कामाला हजर झाले. तर दुसऱ्यादिवशी सकाळी गॅरेजचे मालक अशोक दाभाडे हे गॅरेज उघडण्यासाठी आले असता त्यांना शेडच्या समोरील जागेत पडुळकर रक्ताच्या थारोळ्यात पडलेले दिसले. त्यानंतर दाभाडे यांनी तत्काळ पोलिस नियंत्रण कक्षाला घटनेची माहिती दिली.

ट्रक बॉडी रिपेअरिंग वर्क्स गॅरेजच्या सुरक्षेसाठी नियुक्त असलेल्या सुरक्षारक्षकाच्या तोंडावर दगड टाकून हत्या करण्यात आली. ही धक्कादायक घटना सोमवारी (8 जुलै) सकाळी 9 वाजता उघडकीस आली. मृत सुरक्षारक्षकाचे नाव भाऊसाहेब नामदेव पडुळकर (वय 52, रा. श्रद्धा कॉलनी, वाळूज) असे आहे. सुरक्षा रक्षकाच्या हत्येनंतर मारेकारांनी पळ काढला असून घटनास्थळावर जाळपोळीच्या खुणाही आढळल्या आहे. या हत्येचा तपास करण्यासाठी सातारा पोलीस आणि गुन्हे शाखा कसोशीने प्रयत्न करत आहेत.

पोलिस निरीक्षक ब्रह्म गिरी यांनी दिलेल्या प्राथमिक माहितीनुसार, भाऊसाहेब नामदेव पडुळकर हे जालना जिल्ह्यातील काजळा येथील रहिवासी आहेत. गेली अनेक वर्षे ते व त्यांचे कुटुंब वाळूज येथील रहिवासी आहे. गेल्या आठ महिन्यांपासून भाऊसाहेब पडुळकर हे आपल्या कुटुंबाचा उदरनिर्वाह करण्यासाठी अशोक मुकुंदा दाभाडे (रा. उस्मानपूर) यांच्या ट्रक बॉडी रिपेअर वर्क्स या गॅरेजवर यांच्या बजाज कंपनीत सुरक्षा रक्षक म्हणून काम करत होते.

नेहमीप्रमाणे रविवारी (7 जुलै) सायंकाळी सहाच्या सुमारास भाऊसाहेब जेवणाचा डबा घेऊन गॅरेजवर कामाला हजर झाले. तर दुसऱ्यादिवशी सकाळी गॅरेजचे मालक अशोक दाभाडे हे गॅरेज उघडण्यासाठी आले असता त्यांना शेडच्या समोरील जागेत पडुळकर रक्ताच्या थारोळ्यात पडलेले दिसले. त्यानंतर दाभाडे यांनी तत्काळ पोलिस नियंत्रण कक्षाला घटनेची माहिती दिली. ही माहिती मिळताच घटनास्थळी पोहोचताच सातारा पोलिस ठाण्याचे निरीक्षक ब्रह्मा गिरी यांच्यासह एमआयडीसी वाळूज पोलिस ठाण्याचे निरीक्षक कृष्णा शिंदे गुन्हे शाखेत पोहोचले. पोलीस घटनास्थळीची पाहणी केली असता पडुळकर यांचा चेहरा दगडाने ठेचून चेहऱ्याचे तुकडे केलेले दिसले. त्यानंतर पोलिसांनी भाऊसाहेब यांचा मृतदेह शवविच्छेदनासाठी घाटी रुग्णालयात पाठवला. घटनास्थळी मृतांच्या काही वस्तू सापडल्या आहेत. याप्रकरणी सातारा पोलीस ठाण्यात गुन्हा दाखल करण्यात आला असून सातारा पोलीस गुन्हे शाखेसह तपास करत आहेत.

पडुळकर यांच्या पहिल्या पतीचे निधन झाल्यानंतर त्यांनी जनाबाई हिच्याशी दुसरे लग्न केले. जनाबाई हिच्यापासून मुलगा आकाश, सोनूबाई, मोनूबाई या दोन विवाहित मुली आहे. अशी माहिती समोर आली.

वादानंतर हत्या

घटनास्थळी पडुळकर यांचा जेवणाचा डबा आणि त्यांच्या मोपेडचे स्पेअरपार्टस जळालेले आहेत. त्यांचा मोबाईल घटनास्थळापासून दूर सापडला. पडुळकर यांना आणि मरेकऱ्यांमध्ये वाद झाल्यानंतर त्यांचा खून करण्यात आला असण्याची शक्यता पोलिसांकडून वर्तविण्यात आली.