जगातील सर्वोच्च एजन्सी एफबीआय अडकली हॅकींच्या जाळ्यात! संगणक नेटवर्क हॅक, तपास सुरू!

हॅक झालेल्या संगणकांमध्ये बाल लैंगिक अत्याचाराशी संबंधित प्रकरणांच्या तपासाशी संबंधित कागदपत्रे आहेत. मात्र हॅकिंगची घटना कधी घडली हे अद्याप स्पष्ट झालेले नाही.

जगातील सर्वोच्च गुप्तचर संस्था एफबीआयचे संगणक नेटवर्क हॅक (FBI Computer Network Hack) झाल्याची बातमी समोर आली आहे. एफबीआय या प्रकरणाचा तपास करत आहे. मीडिया रिपोर्ट्सनुसार, तपासात जे समोर येत आहे ते म्हणजे एफबीआयच्या न्यूयॉर्क कार्यालयातील संगणकांना लक्ष्य करण्यात आले आहे. हॅक झालेल्या संगणकांमध्ये बाल लैंगिक अत्याचाराशी संबंधित प्रकरणांच्या तपासाशी संबंधित कागदपत्रे आहेत.

[read_also content=”लिव्ह इन पार्टनर नव्हे पती पत्नी! साहिल आणि निक्कीबाबत हा धक्कादायक खुलासा, दोघंही विवाहीत? https://www.navarashtra.com/crime/sahil-and-nikki-got-married-in-temple-in-noida-nrps-370418.html”]

कधी घडली घटना

एफबीआयचे संगणक नेटवर्क हॅक झाल्याच्या घटनेने सर्वत्र एकच खळबळ उडाली आहे. मात्र हॅकिंगची घटना कधी घडली हे अद्याप स्पष्ट झालेले नाही. यासोबतच हे हॅकिंग कोठून करण्यात आले, याचाही तपास करण्यात येत आहे.

यापुर्वीही अमेरिकेत हॅकींगच्या घटना

विशेष म्हणजे अमेरिकेत हाय प्रोफाईल हॅकिंगची ही पहिलीच घटना नाही. अलिकडच्या वर्षांत, अशी अनेक प्रकरणे समोर आली आहेत, जिथे अमेरिकन सरकारशी संबंधित महत्त्वाच्या विभागांच्या संगणक नेटवर्कचा भंग झाला आहे. 2020 च्या शेवटी, फेडरल नेटवर्कच्या अनेक सिस्टम हॅक झाल्या. या हॅकिंगचे आरोप रशियाच्या गुप्तचर विभागावर होते. याआधी 2015 मध्ये यूएस सरकारच्या ऑफिस ऑफ पर्सोनेल मॅनेजमेंटच्या सिस्टममध्येही हॅकिंग करण्यात आले होते. या हॅकिंगमध्ये फेडरल कर्मचाऱ्यांचे रेकॉर्ड चोरीला गेले. या हॅकिंगचे आरोप चिनी हॅकर्सवर होते.