Jalna Crime: जालना हादरलं! मुलीला वाचवताना आईची उडी; खदानीत बुडून दोघींचा मृत्यू

जालना जिल्ह्यातील भोकरदन तालुक्यात खदानीत कपडे धुताना 12 वर्षीय मुलगी पाण्यात पडली. तिला वाचवण्यासाठी आईने उडी घेतली, पण खोल पाण्याचा अंदाज न आल्याने दोघींचाही बुडून मृत्यू झाला.

• मायलेकी कपडे धुण्यासाठी खदानीवर गेल्या
• मुलगी पाय घसरून पाण्यात पडली
• आईने वाचवण्यासाठी उडी घेतली
• दोघांचाही बुडून मृत्यू

जालना: जालना येथून एक हृदयद्रावक घटना घडल्याचे समोर आले आहे. खदानीवर कपडे धुण्यासाठी गेलेल्या ३० वर्षीय विवाहित आणि त्यांच्या १२ वर्षीय मुलीचा पाण्यात बुडून मृत्यू झाल्याचे समोर आले आहे. पोटच्या मुलीला वाचवण्यासाठी आईने पाण्यात उडी मारली. मात्र यात दोघीनींही आपले प्राण गमावले. ही घटना जालना तालुक्यातील पंढरपूर वाडी परिसरात शक्रवारी दुपारी घडली. या घटनेने संपूर्ण परिसरात हळहळ व्यक्त केली जात आहे.

काय घडलं नेमकं?

कावेरी दशरथ मोहिते (३०) आणि त्यांची मुलगी सोनाली दशरथ मोहिते (१२) असे मृत्यू झालेल्या माय लेकींचे नावे आहेत. या दोघी शुक्रवारी दुपारी अडीच ते तीन वाजेच्या सुमारास कपडे धुण्यासाठी खदानीवर गेल्या होत्या. कावेरी कपडे धुण्यात मग्न असताना, सोमालीचा पाय घसरला आणि ती खोल पाण्यात पडली. आपल्या मुलीला बुडताना पाहून आई कावेरी यांनी क्षणाचाही विचार न करता तिला वाचवण्यासाठी पाण्यात उडी घेतली. मात्र, पाण्याचा अंदाज न आल्याने आणि खदान खोल असल्याने दोघींचाही बुडून मृत्यू झाला.

Ashok Kharat Case: रुपाली चाकणकरांनंतर आणखी एक राजकीय कनेक्शन; खरात प्रकरणाचा तपास थेट मंत्र्यांच्या दालनापर्यंत?

या घटनेची माहिती पोलिसांना मिळताच पोलिसांचे पथक तातडीने घटनास्थळी धाव घेतली. मात्र, पोलीस पोहोचेपर्यंत दोघींचीही प्राणज्योत मालवली होती. पोलिसांनी मृतदेह बाहेर काढून शवविच्छेदनासाठी भोकरदन ग्रामीण रुग्णलयात पाठवले. शवविच्छेदनानंतर मृतदेह नातेवाईकांच्या स्वाधीन करण्यात आले. या घटनेमुळे मोहिते कुटुंबावर दुःखाचा डोंगर कोसळला असून गावात शोककळा पसरली आहे.

लग्नाचे आमिष, अत्याचार आणि चार महिन्यांची गर्भवती; शिक्षा टाळण्यासाठी आरोपीने काय केलं बघा…

जालना जिल्ह्यातून एक धक्कादायक घटना समोर आली आहे. एका तरुणीला विवाहाचे आमिष दाखवून तरुणीवर अत्याचार केल्याची धक्कादायक घटना समोर आली आहे. यात तरुणी चार महिन्यांची गर्भवर्ती राहिल्याचे समोर आले आहे. पीडित तरुणीला फसवणूक झाल्याचे लक्षात येताच तिने पोलीस ठाण्यात धाव घेऊन तक्रार दाखल केली. पोलिसांनी आरोपीला अटक केले मात्र आरोपीने शिक्षा टाळण्यासाठी जे केले ते ऐकून तुम्हालाही धक्काच बसेल. ही घटना बदनापूर पोलीस ठाण्याच्या हद्दीत घडली. या घटनेने खळबळ उडाली आहे.

Yavatmal Crime: भररस्त्यात चाकू हल्ला; पाठीत अडकला चाकू, तरीही ‘साधा गुन्हा’ नोंद