Fake Death Drama: “मी वेडी नाही, माझा पती जिवंत आहे!” ४ वर्षांनंतर आलेल्या एका DNA रिपोर्टने पोलिसांचे धाबे दणाणले!

Fake Death Drama: "माझा पती जिवंत आहे!" ओरडून सांगणाऱ्या पत्नीला पोलिसांच्या मदतीने वेडी ठरवून मनोरुग्णालयात धाडले; पण ४ वर्षांनंतर हाती आलेल्या एका डीएनए (DNA) अहवालाने असा भयंकर कट उघड केला की पोलीस यंत्रणाही हादरली! कल्याणमधील या थरारक सत्यघटनेने खळबळ उडवून दिली आहे.

• पत्नीवर खोटा गुन्हा दाखल करून अटक केली
• बनावट मृतदेह दाखवून पत्नीला मनोरुग्णालयात पाठवले
• ४ वर्षांनंतर मृतदेह पतीचा नसल्याचे उघड झाले

Fake Death Drama: कल्याणमधून एका थ्रिलर चित्रपटालाही मागे टाकेल अशी अत्यंत धक्कादायक आणि अंगावर काटा आणणारी घटना समोर आली आहे. घरगुती हिंसाचाराची तक्रार देण्यासाठी पोलीस ठाण्यात गेलेल्या एका पीडित महिलेला पतीने पोलिसांशी संगनमत करून चक्क स्वतःच्याच हत्येच्या/आत्महत्येच्या खोट्या गुन्ह्यात अडकवले. पती जिवंत असल्याचा ओरडा ही महिला सतत करत होती, मात्र तिला वेडी ठरवून थेट मनोरुग्णालयात डांबण्यात आले. अखेर चार वर्षांनंतर माहितीच्या अधिकारातून हाती आलेल्या डीएनए (DNA) अहवालाने पोलिसांचा आणि फरार पतीचा हा भयंकर कट उघड पाडला आहे.

हेही वाचा: Husband Kills Wife: “मी तुमची मुलगी पद्माची हत्या केलीय!” खुनानंतर जावयाचा थेट सासूला फोन अन् हत्येनंतर …

तक्रार देण्यासाठी गेली अन् स्वतःच अडकली

या धक्कादायक घटनेची सुरुवात सप्टेंबर २०२२ मध्ये झाली. कल्याण येथील नम्रता (नाव बदललेले) या आपल्या पतीविरोधात तक्रार देण्यासाठी नवघर पोलीस ठाण्यात गेल्या होत्या. मात्र, पोलिसांनी त्यांची तक्रार न घेता उलट त्यांच्याशी वाद घातला आणि खोट्या गुन्ह्यात अडकवण्याची धमकी देत मारहाण केली.

यानंतर १९ सप्टेंबर रोजी पती घर सोडून गेल्याची तक्रार नम्रता यांनी दिली. परंतु, त्यानंतरच्या घडामोडी चक्रावून टाकणाऱ्या होत्या. पोलिसांच्या दाव्यानुसार, तक्रारीच्या दुसऱ्याच दिवशी खाडीत एका पुरुषाचा मृतदेह आढळला. मृतदेह नम्रता यांना दाखवण्यात आला नाही, तर पतीच्या भावानेच हा मृतदेह आपल्या भावाचा असल्याचे सांगत ओळख पटवली. यानंतर पोलिसांनी नम्रता यांच्यावरच पतीला आत्महत्येस प्रवृत्त केल्याचा गंभीर गुन्हा दाखल करून त्यांना अटक केली.

पती जिवंतचा दावा अन् वेडी ठरवून मनोरुग्णालयात रवानगी

खाडीत सापडलेला मृतदेह पतीचा नाहीच आणि पती जिवंत असून अनेकांनी त्याला पाहिले आहे, असा टाओ नम्रता वारंवार मारत होत्या. मात्र, पोलिसांनी आणि सासरच्या लोकांनी त्यांच्या दाव्याकडे दुर्लक्ष करत त्यांना ‘मानसिकदृष्ट्या आजारी’ ठरवले आणि थेट मनोरुग्णालयात पाठवून दिले. मृतदेहाची ओळख पटवण्यासाठी पतीच्या भावाचे आणि मुलाचे डीएनए (DNA) नमुने घेण्यात आले होते, परंतु त्याचा अहवाल नम्रता यांच्यापासून लपवून ठेवण्यात आला.

हेही वाचा: Husband Decapitates Wife: एका हातात रक्ताने माखलेला कोयता, दुसऱ्या हातात पत्नीचं मुंडकं अन् थेट मंदिरात…

RTI मधून DNA अहवाल समोर अन् मोठा खुलासा!

मनोरुग्णालयातून परत आल्यानंतर नम्रता यांनी डीएनए अहवालाची सातत्याने मागणी केली. मात्र, प्रशासन अहवाल देण्यास टाळाटाळ करत असल्याने त्यांनी थेट माहितीच्या अधिकाराचा (RTI) वापर केला. तब्बल ४ वर्षांनंतर हाती आलेल्या या डीएनए अहवालाने सर्वांचेच धाबे दणाणले. अहवालात स्पष्ट नमूद होते की, खाडीत सापडलेला तो मृतदेह नम्रता यांच्या पतीचा नव्हताच! या खुलाशाने नम्रता यांचा दावा खरा ठरला असून पतीने पोलिसांच्या मदतीने हा संपूर्ण कट रचल्याचे उघड झाले आहे. यानंतर नम्रता यांनी न्यायालयात धाव घेतली असून फरार पती, त्याचा भाऊ, वहिनी आणि या कटात साथ देणाऱ्या पोलिसांवर कठोर कारवाई करण्याची मागणी केली आहे.