शुक्रवार, 6 नोव्हेंबर 2026
सौजन्य फोटो - AI Gemini
एनडीटीव्हीने दिलेल्या वृत्तानुसार, ५ नोव्हेंबर रोजी कर्नाटकच्या चिक्काबल्लापूर जिल्ह्यातील ताताहल्ली गावाच्या बाहेरील भागात ही घटना घडली. ३४ वर्षीय चंद्रा याने त्याची ३० वर्षीय पत्नी पद्मा हिच्यावर धारदार शस्त्राने वार केले. पद्माची हत्या केल्यानंतर आरोपी चंद्राने लगेच सासू नरसम्मा यांना फोन केला आणि “तुझ्या मुलीला मारून टाकलंय,” अशी माहिती दिली. सासूचा फोन कट केल्यानंतर चंद्रा पळून जाण्याचा प्रयत्न केला नाही, उलट तो थेट जवळच्या पोलीस स्टेशनला पोहोचला आणि आपणच पत्नीची हत्या केल्याची कबुली दिली. यानंतर गौरीबिदानूर ग्रामीण पोलिसांनी त्याला अटक केली.
नातेवाईकांनी दिलेल्या माहितीनुसार, चंद्रा आणि पद्मा यांचे अनेक वर्षांपूर्वी लग्न झाले होते आणि त्यांना तीन मुलेही आहेत. मात्र, चंद्राचे गोरामुनहल्लीत राहणाऱ्या श्वेता नावाच्या महिलेसोबत संबंध होते, यावरून चंद्रा आणि पद्मा यांच्यात सतत वाद होत असत. कुटुंबातील प्रमुख व्यक्तींनीही चंद्राला याबाबत समजावले होते, पण त्याने त्याकडे दुर्लक्ष केले. ४ नोव्हेंबर रोजी कुटुंबातील एका व्यक्तीचे निधन झाल्याने घरातील सर्वजण बाहेर गेले होते. याच संधीचा फायदा घेत चंद्राने सासूलाही बाहेर पाठवले आणि पद्माला तिच्या आई-वडिलांनी विकत घेतलेल्या ओसाड शेतात घेऊन गेला. तिथेच त्याने पद्माच्या गळ्यावर आणि शरीरावर धारदार शस्त्राने वार करत तिचा जीव घेतला.
काजूच्या शेतातून सासूला फोन करून माहिती दिल्यानंतर चंद्राने थेट पोलीस ठाणे गाठले. पोलिसांनी घटनास्थळी धाव घेऊन पद्माचा मृतदेह ताब्यात घेतला आणि शवविच्छेदनासाठी पाठवला. तसेच हत्येसाठी वापरण्यात आलेल्या हत्याराचा शोध पोलीस घेत असून, याप्रकरणी पुढील कायदेशीर कारवाई सुरू आहे.
Ans: कर्नाटकच्या चिक्काबल्लापूर जिल्ह्यातील ताताहल्ली गावात ही घटना घडली आहे.
Ans: पत्नीची हत्या केल्यानंतर आरोपी चंद्राने सासूला फोन करून हत्येची माहिती दिली आणि त्यानंतर तो स्वतः पोलीस ठाण्यात जाऊन शरण आला.
Ans: पतीचे इतर महिलेसोबत असलेल्या विवाहबाह्य संबंधांवरून दोघांमध्ये मागील दोन वर्षांपासून सतत वाद सुरू होते, ज्यातून हा खून झाला.
