बलात्कार प्रकरणी मल्याळम अभिनेता दिलीपची निर्दोष सुटका, तर सहा आरोपी दोषी; २०१७ च्या प्रकरणात केरळ न्यायालयाचा निकाल

२०१७ मध्ये दक्षिणात्य अभिनेत्रीचे अपहरण करून सामूहिक अत्याचार प्रकरणात ८ वर्षानंतर मोठा निकाल. एर्नाकुलम कोर्टाने अभिनेता दिलीपला पुरावे अपुरे असल्याने निर्दोष मुक्त केले, तर मुख्य आरोपीसह ६ जण दोषी ठरले.

• २०१७ मध्ये अभिनेत्रीचे अपहरण व चालत्या कारमध्ये अत्याचार
• पल्सर सुनी व साथीदारांनी घटना रेकॉर्ड केल्याचे आरोप
• ८ वर्षे सुरू असलेल्या खटल्यात अभिनेता दिलीप निर्दोष

२०१७ मध्ये दक्षिणात्य फिल्म इंडस्ट्रीमध्ये एक हादरवणारा प्रकार घडला होता. एका अभिनेत्रीचा अपहरण करून लैंगिक अत्याचार करण्यात आल्याचे समोर आले होते. याप्रकरणी न्यायालयात सुनावणी सुरु होती. ८ वर्षाच्या कालावधीनंतर आज (सोमवारी) याला एक मोठा वळण आला आहे. एर्नाकुलम प्रिंसिपल सेशंस कोर्टने अभिनेता दिलीपला क्लीन चिट दिल्याचे समोर आले आहे. त्यांना सर्व आरोपांमधून निर्दोष मुक्त करण्यात आले. तर या प्रकरणी सहा आरोपींना दोषी ठरवले आहे. आठ वर्षांपासून हा खटला सुरु होता. कायदेशीर लढाईनंतर आणि शेकडो साक्षीदारांनंतर हा निकाल देण्यात आला.

Goa Nightclub Fire प्रकरणी मोठी कारवाई, रेस्टॉरंटला परवानगी देण्याची भूमिका घेतल्याबद्दल 3 वरिष्ठ अधिकारी निलंबीत

नेमकं प्रकरण काय?

१७ फेब्रुवारी २०१७ला मुख्य आरोपी पल्सर सुनी आणि त्याच्या साथीदारांनी रात्री अभिनेत्रीचे तिच्या कारमध्ये घुसून अपहरण केले. त्यानंतर चालत्या गाडीत तिच्यावर हल्ला करत सामूहिक बलात्कार करण्यात आल्याचे समोर आले आहे. एवढेच नाही तर, आरोपींनी या संपूर्ण घटनेचा व्हिडीओ देखील काढले. याप्रकरणी न्यायालयाने ही घटना एक सुनियोजित कट असून सर्व सहा मुख्य आरोपींना अपहरण, गुन्हेगारी कट, सामूहिक बलात्कार, चुकीच्या पद्धतीने बंदिस्त ठेवणे आणि आणि आयटी कायद्यांतर्गत आरोप सिद्ध झाल्याचे सांगितले.

सुनाविनीत काय घडलं?

न्यायाधीश हनी एम. वर्गीस यांनी त्यांच्या आदेशात म्हटले आहे की सरकारी वकिलांचे पुरावे मुख्य आरोपीपुरते मर्यादित होते आणि दिलीपचा सहभाग सिद्ध होऊ शकला नाही असे त्यांनी आदेशात म्हंटले आहे. हे प्रकरण हाय-प्रोफाइल होता. त्यामुळे यात २०० हून अधिक साक्षीदार यात सहभागी होते. या प्रकरणात फिल्म इंडस्ट्रीमधील अनेक मोठ्या नावांच्या साक्षींचा समावेश होता. अनेक तपास अधिकारी व तपास पथक बदलण्यात आले, इलेक्ट्रॉनिक पुराव्यांची देखील फॉरेन्सिक तपासणी करण्यात आली. जामीन रद्द करण्याच्या प्रयत्नांमुळेही हा खटला चर्चेत राहिला.

अभिनेता दिलीपवर कोणते आरोप?

मल्याळम इंडस्ट्रीतील सुपरस्टार दिलीपला तपास यंत्रणेने या प्रकरणात आठवा आरोपी म्हंटले होते. पल्सर सुनी टोळीसोबत या गुन्ह्याचा कट रचल्याचा आणि नंतर पुरावे लपवण्याचा आणि तपासादरम्यान साक्षीदारांवर दबाव टाकण्याचा प्रयत्न असे आरोप करण्यात आले होते. एवढेच नाही तर त्याच्यावर जामीन अटींचे उल्लंघन केल्याचाही आरोप होता. दरम्यान, वर्षानुवर्षे साक्ष, उलटतपासणी आणि तांत्रिक पुराव्यांची तपासणी केल्यानंतर न्यायालयाने दिलीपविरुद्ध पुरेसे पुरावे नाही असे निकष काढत त्याला निर्दोष सोडले.

सहा आरोपींवर आरोप सिद्ध

दिलीपला न्यायालयाने क्लीन चिट दिली. तर या प्रकरणातील मुख्य आरोपीसह ६ जणांना न्यायालयाने दोषी ठरवले आहे. त्यांच्यावर भारतीय दंड संहितेच्या कलम १२० ब (गुन्हेगारी कट) , भारतीय दंड संहितेच्या कलम ३४२ (बेकायदेशीरपणे बंदिस्तात ठेवणे), ३५४ आणि ३५४ ब (विनम्रता आणि कपडे उतरवण्याचा प्रयत्न), ३६६ (अपहरण), भारतीय दंड संहितेच्या कलम ३७६ ड (सामूहिक बलात्कार) आणि माहिती तंत्रज्ञान कायद्याच्या (आयटी कायदा) कलम ६७ आणि ६७ अ अंतर्गत अश्लील साहित्य तयार करणे आणि प्रसारित करणे हे गुन्हे दाखल करण्यात आले आहे.

Nashik Accident: दुःखद! सप्तश्रृंगी घाटात इनोव्हा 600 फूट खोल दरीत कोसळली; 6 भाविकांचा मृत्यू