‘तू माझ्याशी बोलत जा, मला…’ असे म्हणत एकाने 13 वर्षीय मुलीवर केली बळजबरी

बदलापूरसह महाराष्ट्र आणि देशातील महिला तसेच विद्यार्थिनींवरील अत्याचाराविरोधात संताप व्यक्त होत आहे. अशातच देवरी 13 वर्षीय मुलगी गुरूवारी (दि. 22) आपल्या खासगी वसतिगृहातून सकाळी साडेदहाच्या सुमारास शाळेत जात होती. यावेळी शिवाजी चौकात खुशाल कैलाश राऊत (वय 18, रा. परसटोला) हा रोमिओ तिचा पाठलाग करत आला. त्याने त्या मुलीचा हात पकडत तिला मोबाईल दिला. मात्र, तिने तो घेण्यास नकार दिला असता तिला ठार मारण्याची धमकी दिली. त्यानंतर ती मुलगी आपल्या शाळेत निघून केली.

दुसऱ्या दिवशी आरोपीने केला पुन्हा पाठलाग

दुसऱ्या दिवशी शुक्रवारी पुन्हा ती सकाळी साडेदहाच्या सुमारास शाळेत जात असताना त्याने तिचा पाठलाग करत, तू माझ्याशी बोल, माझ्याशी संबंध ठेव. अन्यथा तुला मारून टाकीन, असे म्हणत शाळेसमोरच तिचा हात पकडला.

संताप अनावर होताच मुलीने केला आरडाओरड

या प्रकाराने त्या मुलीचा संताप अनावर झाला. तिने आरडाओरड केला. त्यानंतर खुशाल तेथून पळून गेला. मुलीने याची माहिती वसतिगृहात आल्यावर अधीक्षकांना दिली. महिला अधीक्षकांच्या सोबत देवरी पोलिस ठाणे गाठून विद्यार्थिनीने याची तक्रार दिली. तक्रारीवरून देवरी पोलिसांनी गुन्हा दाखल केला. त्या रोमिओला पोलिसांनी अटक केली. न्यायालयाने त्याची तुरूंगात रवानगी केली.

हेदेखील वाचा : ‘या’ कारणामुळे साडेतीन वर्षीय चिमुकलीची हत्या, मृतदेह ट्रॉली बॅगमधून फेकून दिला; आई प्रियकरासह फरार

संबंधित बातम्या