Mumbai News: "मी फक्त दुचाकीजवळ फटाके फोडू नका म्हणालो होतो..." मुंबईत क्षुल्लक वादातून ५ नराधमांनी तरुणाला...
ही दुर्दैवी घटना मुंबईतील जुहू येथील व्ही. एम. रोड परिसरात घडली. काल लक्ष्मीपूजनाच्या रात्री सर्वत्र आतषबाजी सुरू होती आणि आनंदाचे वातावरण होते. यावेळी रस्त्याच्या कडेला काही तरुण फटाके फोडत होते. याच परिसरात राहणारा २१ वर्षीय विवेक सिंह आपल्या दुचाकीजवळ उभा होता. तिथेच काही जण फटाके फोडत असताना, विवेकने सुरक्षेच्या कारणास्तव त्यांना आपल्या दुचाकीजवळ फटाके न फोडण्याची विनंती केली.
वारंवार सांगूनही त्या तरुणांनी फटाके फोडणे सुरूच ठेवल्याने दोघांमध्ये वाद सुरू झाला. हा वाद इतका विकोपाला गेला की, फटाके फोडणाऱ्या चार ते पाच जणांच्या टोळीने विवेकला बेदम मारहाण करण्यास सुरुवात केली. यावेळी झालेल्या झटापटीत विवेकला जोरात धक्का लागल्याने तो खाली कोसळला. जमिनीवर आदळल्याने त्याला गंभीर दुखापत झाली आणि मोठ्या प्रमाणात रक्तस्राव होऊ लागला.
हा प्रकार पाहून स्थानिक नागरिकांनी तातडीने धाव घेत विवेकला विलेपार्ले येथील कूपर रुग्णालयात दाखल केले. मात्र, रुग्णालयात पोहोचण्यापूर्वीच त्याचा दुर्दैवी मृत्यू झाला होता. डॉक्टरांनी त्याला मृत घोषित केले. या प्रकरणी जुहू पोलिसांनी तात्काळ हत्येचा गुन्हा दाखल केला. पोलिसांनी तांत्रिक तपास आणि सीसीटीव्ही फुटेजच्या आधारे नेहरूनगर परिसरातून तीन आरोपींना अटक केली आहे. मोहनीश, सतीश आणि राकेश (नावे बदलली आहेत) अशी अटक करण्यात आलेल्यांची नावे आहेत. पोलीस अन्य आरोपींचा शोध घेत आहेत.
Ans: हत्या झालेल्या तरुणाचे नाव विवेक सिंह असून तो २१ वर्षांचा होता.
Ans: दुचाकीजवळ फटाके फोडण्यास मनाई केल्यावरून झालेल्या क्षुल्लक वादातून ही हत्या झाली.
Ans: जुहू पोलिसांनी हत्येप्रकरणी ३ आरोपींना अटक केली असून इतर आरोपींचा शोध सुरू आहे.
.png "Videos"){kind=small}
