कुडाळमध्ये पर्यटकांचा धिंगाणा! मुंबईतील पर्यटकांनी स्थनिकांना केली मारहाण

कोकणात देखील मोठ्या संख्येनं पर्यटक दाखल झाले आहेत. दरम्यान कुडाळमध्ये पर्यटकांनी स्थानिकांशी हुज्जत घालत मारहाण केली आहे. इनोवा कारने तीन दुचाकी वाहनांना धडक दिल्यावरुन वादावादी झाली आहे.

कुडाळमध्ये पर्यटकांचा धिंगाणा! मुंबईतील पर्यटकांनी स्थनिकांना केली मारहाण

Follow Us:

Follow Us:

नवीन वर्षाचं स्वागत करण्यासाठी पर्यटकांना पर्यटन स्थळं आणि समुद्र किनाऱ्यावर मोठ्या प्रमाणात गर्दी केली आहे. कोकणात देखील मोठ्या संख्येनं पर्यटक दाखल झाले आहेत. दरम्यान कुडाळमध्ये पर्यटकांनी स्थानिकांशी हुज्जत घालत मारहाण केली आहे. इनोवा कारने तीन दुचाकी वाहनांना धडक दिल्यावरुन वादावादी झाली आहे. कुडाळमधील व्यावसायिकीला इनोवा कारमधील मुंबईमधील महिला पर्यटकांनी हुज्जत घालत बेदम मारहाण करत पर्यटकांनी कुडाळमध्ये धिंगाणा आतला. हे प्रकरण आता पोलीस ठाण्यात गेलं आहे.

राजकीय पदाचा वापर करुन पोलिसांवर दबाव टाकत असल्याच्या संशयावरून कविलकाटे गावातील नागरिकांनी कुडाळ पोलीस स्टेशनमध्ये गर्दी केली आहे. याप्रकरणी पोलिस परस्पर विरोधी तक्रारी घेऊन मिटवण्याचा प्रयत्न करत आहे. मात्र, स्थानिकांना मारहाण का केली? त्या पर्यटकांना आम्हाला सुपूर्द करा अशी मागणी पोलिसांकडे स्थानिकांनी केली आहे. त्यामुळे पोलीस ठाणे परिसरात तणावाचं वातावरण आहे.

दारूच्या नशेत विरुद्ध दिशेने सुसाट रिक्षा चालवली अन्

दारूच्या नशेत सुसाट रिक्षा चालविणे चालकाच्या अन् प्रवाशाच्या जीवावर बेतले. नगर रस्त्यावर आगाखाना पॅलेसजवळ विरूद्ध दिशेने जाणाऱ्या रिक्षा चालकाचे त्याचे भरधाव रिक्षावरील नियत्रंण सुटले आणि रिक्षा पलटी झाला. यात प्रवाशांना तसेच चालकाला गंभीर मार लागला आहे. धरमवीर राधेशाम सिंग (वय ३८, रा. वडगाव शेरी) असे मृत्यू झालेल्या प्रवाशाचे नाव आहे. याप्रकरणी रिक्षाचालकावर गुन्हा दाखल करण्यात आला.

पराग शर्मा (वय २८, रा. चंदननगर) यांनी येरवडा पोलीस ठाण्यात तक्रार दिली आहे. पोलिसांच्या माहितीनुसार, रविवारी मध्यरात्री सिंग हे रिक्षाने जात होते. त्यांनी रिक्षा घेतली. भरधाव रिक्षा नगर रस्त्याने विरुद्ध दिशेने निघाली होती. समोर आलेल्या वाहनामुळे तसेच त्याचे भरधाव रिक्षावरील नियत्रंण सुटले आणि त्यांचा आगाखान पॅलेसजवळ रिक्षा उलटली. रिक्षातील प्रवासी धरमवीर सिंग यांच्या डोक्याला गंभीर दुखापत झाली.

अपघातात रिक्षाचालकाला किरकोळ दुखापत झाली. अपघाताची माहिती मिळताच पोलिसांनी घटनास्थळी धाव घेतली. गंभीर जखमी झालेले धरमवीर यांना तातडीने रुग्णालयात दाखल करण्यात आले. उपचारांपूर्वीच त्यांचा मृत्यू झाला होता. रिक्षाचालकाला पोलिसांनी नोटीस बजावली आहे. रिक्षाचालकाने मद्यप्राशन केल्याची माहिती पोलिसांनी दिली. सहायक पोलीस निरीक्षक महेश लामखेडे तपास करत आहेत.

ट्रकच्या धडकेत दुचाकीस्वाराचा मृत्यू

नगर रस्त्यावर खराडी भागात भरधाव ट्रकच्या धडकेत दुचाकीस्वाराचा मृत्यू झाल्याची घटना घडली. दादासाहेब भगवान कुडक (वय ३६, रा. चंदननगर) असे मृत्युमुखी पडलेल्या दुचाकीस्वाराचे नाव आहे. या प्रकरणी ट्रकचालकावर गु्न्हा दाखल करण्यात आला आहे. याबाबत कुडक यांच्या पत्नी आरती (वय ३६) यांनी चंदननगर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, दुचाकीस्वार कुडक रविवारी दुपारी सव्वातीनच्या सुमारास नगर रस्त्याने निघाले होते. त्यावेळी खराडी बाह्यवळण मार्गाजवळ भरधाव ट्रकने दुचाकीस्वार कुडक यांना धडक दिली. अपघातात त्यांचा जागीचा मृत्यू झाला. पोलीस उपनिरीक्षक रवींद्र ढावरे तपास करत आहेत.

Web Title: Mumbai tourist beaten locals villagers in kudal sindhudurg news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com