Navi mumbai Crime news: प्रेमसंबंधातून घडलं धक्कादायक कृत्य; गार्डनमध्ये भेट अन् मोठा ट्विस्ट
मिळालेल्या माहितीनुसार, नेरुळ परिसरात राहणाऱ्या एका अल्पवयीन मुलाचे त्याच वर्गात शिकणाऱ्या मुलीसोबत प्रेमसंबंध होते. काही दिवसांपूर्वी मुलाने शिक्षण अर्धवट सोडले. त्यानंतर काही काळाने संबंधित मुलीनेही शिक्षण सोडले. मात्र, शिक्षण सोडल्यानंतरही दोघांमध्ये भेटणे आणि बोलणे सुरू होते.
दरम्यान, काही कारणास्तव मुलाने हे प्रेमसंबंध संपवण्याचा निर्णय घेतला. यावरून दोघांमध्ये मतभेद निर्माण झाले. प्रेमसंबंध तोडण्याच्या विषयावर चर्चा करण्यासाठी दोघांनी नेरुळमधील एका उद्यानात भेटण्याचे ठरवले.
Navi Mumbai Crime : एमआयडीसीत दूध भेसळ रॅकेटचा पर्दाफाश; १५ व्यक्ती व संस्थांविरुद्ध गुन्हा दाखल
उद्यानातील भेटीत वाद विकोपाला
ठरल्याप्रमाणे दोघे उद्यानात भेटले. यावेळी प्रेमसंबंध तोडण्याच्या मुद्द्यावरून त्यांच्यात वाद झाला. हा वाद वाढत गेल्यानंतर अल्पवयीन मुलावर ब्लेडने वार करण्यात आल्याचा आरोप आहे. अचानक झालेल्या हल्ल्यात मुलाच्या शरीरावर गंभीर जखमा झाल्या.
हल्ल्यानंतर जखमी मुलाला पाहून त्याच्या मित्रांनी तातडीने मदत केली. त्याला उपचारासाठी जवळच्या रुग्णालयात दाखल करण्यात आले. या घटनेची माहिती पोलिसांना मिळाल्यानंतर नेरुळ पोलिसांनी प्रकरणाची चौकशी सुरू केली.
मुलीसह आईविरुद्ध गुन्हा
या प्रकरणी नेरुळ पोलीस ठाण्यात अल्पवयीन मुलीसह तिच्या आईविरुद्ध गुन्हा दाखल करण्यात आला आहे. प्रेमसंबंधातील वादातून हा हल्ला झाल्याचे प्राथमिक तपासात समोर आले आहे. या प्रकरणातील नेमका घटनाक्रम आणि हल्ल्यामागील कारणांचा पोलीस अधिक तपास करत आहेत.
अल्पवयीन मुलावर झालेल्या या हल्ल्यामुळे नेरुळ परिसरात खळबळ उडाली असून, पोलिसांकडून संबंधितांकडे चौकशी केली जात आहे.
.png "Videos"){kind=small}
