Ratnagiri Crime: संतापजनक! रत्नागिरीत अल्पवयीन मुलावर अत्याचार; कृत्याचा VIDEO सोशल मीडियावर व्हायरल

रत्नागिरीमध्ये अल्पवयीन मुलावर अनैसर्गिक लैंगिक अत्याचार करून त्याचा व्हिडिओ सोशल मीडियावर व्हायरल केल्याची संतापजनक घटना उघड झाली. पोलिसांनी दोन आरोपींना अटक करून POCSO Act अंतर्गत गुन्हा दाखल केला आहे.

• रत्नागिरीमधील राजीवडा परिसरात अल्पवयीन मुलावर अत्याचार.
• आरोपींनी कृत्याचा व्हिडिओ बनवून सोशल मीडियावर व्हायरल केला.
• पोलिसांनी दोघांना अटक; POCSO Act अंतर्गत गुन्हा दाखल.

रत्नागिरी: रत्नागिरी शहरातून एक धक्कदायक आणि संतापजनक घटना समोर आली आहे. एका अल्पवयीन मुलावर अनैसर्गिक लैंगिक अत्याचार करून त्या कृत्याचा व्हिडीओ सोशल मीडियावर प्रसारित केल्याचे समोर आले आहे. रत्नागिरी शहर पोलिसांनी दोन तरुणांना अटक केली आहे. या घटनेने संताप व्यक्त केला जात आहे.

काय घडलं नेमकं?

घडलेली घटना २२ फेब्रुवारी २०२६ रोजी घडली. राजीवडा येथील जुबेर सलीम शेख आणि मुस्तकीन गडकरी या दोघांनी एका अल्पवयीन मुलावर अनैसर्गिक लैंगिक अत्याचार केले. या घटनेने पीडित अल्पवयीन घाबरला आणि त्याने सुरुवातीला या प्रकाराची कल्पना आपल्या पालकांना दिली नाही. मात्र आरोपींनी या कृत्याचा व्हिडीओ बनवून तो सोशल मीडियावर व्हायरल केला. हा व्हिडीओ पीडित मुलाच्या वडिलांच्या निर्दशनास पडला. हा व्हिडीओ पाहिल्यानंतर त्यांना मोठा धक्का बसला.

Beed Crime: ‘बाजूला हो’ म्हणल्याचा राग; बीडमध्ये हॉटेल वेटरला अमानुष मारहाण, CCTV समोर

आरोपींना अटक

त्यांनी थेट रत्नागिरी शहर पोलीस ठाणे गाठले आणि तक्रार नोंदवली. तक्रारीवरून शहर पोलिसांनी जुबेर शेख आणि मुस्तकिन गडकरी यांच्या विरोधात भारतीय दंड संहितेच्या संबंधित कलमांसह अत्यंत कडक अशा बालकांचे लैंगिक अपराधांपासून संरक्षण अधिनियम (POCSO Act) अंतर्गत गुन्हा दाखल केला. पोलिसांनी दोन्ही संशयित आरोपींना अटक केली. त्यांनी हा व्हिडिओ आणखी कुठे प्रसारित केला आहे का, याचा तांत्रिक तपास पोलिस करत आहेत. पोलीस पुढील कारवाई करत आहे.

चलो निकलो यहा से! रत्नागिरी पोलिसांची मोठी कारवाई; बांग्लादेशी महिलेला केली अटक

संगमेश्वर तालुक्यात सुरक्षेच्या दृष्टीने अत्यंत गंभीर आणि खळबळजनक प्रकार उघडकीस आला असून, बांगलादेशातून बेकायदेशीरपणे भारतात घुसखोरी केलेल्या एका महिलेला संगमेश्वरमधील आंबेड खुर्द येथे चक्क आश्रय देण्यात आल्याचा धक्कादायक प्रकार समोर आला आहे. याप्रकरणी संगमेश्वर पोलिसांनी (Ratnagiri) ६ मार्च २०२६ रोजी रात्री उशिरा मोठी धडक कारवाई करत, संबंधित बांगलादेशी महिलेसह तिला मदत करणाऱ्या तिच्या पतीवर गुन्हा दाखल केला आहे.

संगमेश्वर तालुक्यातील आंबेड खुर्द मुस्लिम मीहल्ला येथील युसूफ महंमद सय्यद याने सिनेम युसूफ सय्यद उर्फ शांतना अहमद खान (मूळ रा. खिलगाव, जिल्हा गाजीपुर, ढाका, बांगलादेश) ही परदेशी नागरिक आहे, हे पूर्णपणे माहित असतानाही तिच्याशी लग्न केले, आरोपी युसूफने तिला भारतात बेकायदेशीरपणे वास्तव्य करण्यासाठी केवळ आश्रयच दिला नाही, तर ती भारतीय नागरिक असल्याचे भासवण्यासाठी तिची बनावट सरकारी कागदपत्रे तयार करून घेतली. या बनावट आधारकार्ड आणि पॅनकार्डच्या आधारे चक्क कॅनरा बँकेत खाते उघडून भारतीय प्रशासकीय आणि बँकिंग व्यवस्थेची मोठी फसवणूक केल्याचे तपासात निष्पन्न झाले आहे.

Solapur Accident: रोजा इफ्तारनंतर चहा पिण्यासाठी बाहेर पडले अन्… सोलापूरमध्ये कार-कंटेनर अपघातात दोघांचा मृत्यू