Ravindra Jadeja Century: जड्डूची बॅट तळपली! रणजी ट्रॉफीत ठोकलं खणखणीत शतक, न्यूझीलंड दौऱ्याआधी दाखवला दम

Ravindra Jadeja hit Century In ranji Trophy against Chhattisgarh: २०२६-२७ रणजी ट्रॉफीमध्ये सौराष्ट्र आपला पहिला सामना छत्तीसगडविरुद्ध खेळत आहे. सौराष्ट्रचा स्टार फलंदाज रवींद्र जडेजा उत्कृष्ट फलंदाजी करत शतक ठोकले आहे.

• जडेजाने रणजीत उडवला धुरळा
• शतकासह सौराष्ट्रला सावरलं
• आता नजर न्यूझीलंड दौऱ्यावर

Ranji Trophy 2026-27 Saurashtra vs Chhattisgarh: रणजी ट्रॉफी २०२६-२७ च्या स्पर्धेला सुरुवात झाली आहे. भारतीय संघाचे सर्व स्टार खेळाडू सध्या न्यूझीलंड दौऱ्याची तयारी करत आहेत. दरम्यान आज छत्तीसगड आणि सौराष्ट्र यांच्यात सामना खेळला जात आहे. या सामन्यात सौराष्ट्रने प्रथम फलंदाजी केली. टीम इंडियाचा स्टार खेळाडू रवींद्र जडेजाने प्रभावी फलंदाजी करत शानदार शतक झळकावले आहे. सौराष्ट्रने आपल्या पहिल्या डावात ३९२ धावांचा भक्कम डोंगर उभा केला आहे. (Ravindra Jadeja hit Century In ranji Trophy against Chhattisgarh)

IND vs WI 4th T20I: टीम इंडियाचा विजयाचा चौकार की विंडीजचा पलटवार? चौथा सामना कधी अन् कुठे?

रणजी ट्रॉफीमध्ये रवींद्र जडेजाची बॅट तळपली

रणजी ट्रॉफी एलिट गट ‘ब’ मध्ये सौराष्ट्र आणि छत्तीसगड यांच्यात सामना खेळला जात आहे . प्रथम फलंदाजी करताना, सौराष्ट्र संघाने आपल्या पहिल्या डावात ३९२ धावा केल्या आहेत. रवींद्र जडेजाने संघासाठी २०९ चेंडूंचा सामना करत १०२ धावा केल्या. प्रथम श्रेणी क्रिकेटमधील हे त्याचे १६ वे शतक आहे. यादरम्यान त्याने सात चौकार मारले. शानदार शतक झळकावून जडेजाने पुन्हा एकदा आपल्या फलंदाजीचे कौशल्य सिद्ध केले आहे. बॅटने केलेल्या शानदार कामगिरीनंतर, रवींद्र जडेजा आता गोलंदाजीनेही आपली छाप पाडण्याच्या प्रयत्नात असेल

याव्यतिरिक्त, सलामीवीर चिराग जानीने १४८ चेंडूंमध्ये ८३ धावांची महत्त्वपूर्ण खेळी केली. त्याने १२ चौकार आणि तीन षटकार मारले.यष्टीरक्षक-फलंदाज हरविक देसाईने महत्त्वपूर्ण २० धावा केल्या. तिसऱ्या क्रमांकावर फलंदाजी करणाऱ्या जय गोहिलनेही ३१ धावा केल्या. प्रेरक मांकडनेही १५० चेंडूंमध्ये १२९ धावा केल्या. ८६ च्या स्ट्राईक रेटने फलंदाजी करताना मांकडने १५ चौकार आणि १ षटकार मारून सौराष्ट्रला पहिल्या डावात ३९२ धावा करण्यास मदत केली.

न्यूझीलंड दौऱ्यासाठी जडेजाची दावेदारी

श्रीलंकेविरुद्धच्या कसोटी मालिकेतही जडेजाने चांगली कामगिरी केली होती. मात्र, त्यानंतर एकदिवसीय क्रिकेटमध्ये तो सपशेल अपयशी ठरला. ज्यामुळे त्याच्या कामगिरीवर प्रश्नचिन्ह निर्माण झाले. आता रणजी ट्रॉफीमध्ये शतक ठोकून जडेजाने निवड समितीला एक मोठा संकेत दिला आहे. न्यूझीलंड दौऱ्यावर जडेजा महत्त्वाची भूमिका बजावेल. त्याने इंग्लंडविरुद्धच्या कसोटी मालिकेतही महत्त्वाची भूमिका बजावली होती.

देव आदित्य सिंगने छत्तीसगडसाठी घेतले पाच विकेट्स

छत्तीसगडचा गोलंदाज देव आदित्य सिंगने उत्कृष्ट गोलंदाजी केली. त्याने २४ षटकांत ६७ धावा दिल्या आणि पाच फलंदाजांनी तंबूत पाठवले. रुद्र प्रताप आणि धर्मेंद्रसिंह जडेजा यांनी प्रत्येकी दोन विकेट्स घेतले. संदीप वॉरियरनेही एक विकेट घेतला.

Abhishek Sharma Record: अभिषेक शर्माचा मैदानात ‘रुद्रावतार’! T20I मध्ये सर्वात जलद २ हजार धावा; सूर्यकुमारचा विक्रम धुळीस