Sambhajinagar Crime news: मुले चोरणाऱ्या टोळीच्या संशयावरून मारहाण; पोलिसांच्या मध्यस्थीने वाचला एकाचा जीव

मिळालेल्या माहितीनुसार, वाळूज येथील रामराई रोड परिसरात घराच्या समोर लहान मुलगा व त्याची बहीण खेळत होते. त्यावेळी गेटमधून आलेल्या एका व्यक्तीने मुलाला उचलले. हे पाहून बहिणीने आरडाओरड करत घरात धाव घेताच आई बाहेर आली. तिने पाहिले असता तीन जण मुलाला घेऊन जात असल्याचे दिसले. महिलेने आरडाओरड करत त्यांचा पाठलाग सुरू केला. परिसरातील इतर महिलाही मदतीला धावल्या आणि त्यापैकी एका व्यक्तीस पकडण्यात यश मिळाले. दोन आरोपी मात्र पसार झाले. (crime news)

घटनास्थळी जमाव जमल्याने पकडलेल्या व्यक्तीस मारहाण करण्यात आली. मुलांचे अपहरण करणारी टोळी फिरत असल्याच्या अफवेमुळे नागरिकांमध्ये संताप व्यक्त केला. माहिती मिळताच पोलिसांनी घटनास्थळी धाव घेऊन आरोपीला ताब्यात घेतले आणि परिस्थिती नियंत्रणात आणली.पोलिसांकडून पुढील तपास सुरू आहे.

पोलिसांची वेळीच धाव

रामराई रस्त्यावर मोठा जमावाकडून एका माणसाला मारहाण होत आहे. अशी माहिती मिळताच वाळूज पोलिसांनी वेळीच घटनास्थळी धाव घेत आरोपीला ताब्यात घेतले. आणि जमावाची समजूत काढून शांत केले. त्यामुळे पुढील अनर्थ टळला. नाहीतर जमावाकडून झालेल्या मारहणीतून त्याचा जीव गेला असता, दरम्यान, वाळूज पोलिसांनी आरोपीची चौकशी करून त्याच्यावर प्रतिबंधक कारवाई केली. याबाबत वाळूज पोलिस ठाण्याचे निरीक्षक शिवचरण पांढरे यांच्याशी संपर्क साधला असता ते म्हणाले की, – मुले चोरणारी कोणतीही टोळी आलेली नाही. आमची रात्रंदिवस गस्त असते. तसा प्रकार अद्यापही दिसून आला नाही. हा जो प्रकार घडला, तो केवळ अफवेमुळे घडला. कोणीही अफवांवर विश्वास ठेवू – नका, पोलिसांशी संपर्क साधा असे आवाहनही करण्यात आले आहे.

कोथरूडमधील ‘त्या’ महिलेच्या अडचणीत वाढ; मुंढवा पोलिसांत आणखी एक गुन्हा दाखल

पैशांसाठी विवाहित महिलेचा छळ; पतीसह सासरच्या मंडळींवर गुन्हा दाखल

छत्रपती संभाजीनगर (शहर प्रतिनिधी) घर बांधण्यासाठी ३ लाख रुपये माहेरहून आण असा तगादा लावत विवाहितेला वारंवार शिवीगाळ व मारहाण करुन छळ करण्यात आला. ही घटना २३ एप्रिल २०२४ ते २० डिसेंबर २०२४ दरम्यान रमानगरात घडली. प्रकरणात २० वर्षीय विवाहींनि फिर्याद दिली. त्यानुसार, पत्ती विजय गंगावणे, सासू संगीता गंगावणे, सासरे विजय गंगावणे, नणंद आम्रपाली दाणे, दीपाली बनकर, रुपाली मोकळे तसेच सुजाता (सर्व छत्रपती संभाजीनगर) यांनी सतत वाद घालून पीडितेचा मानसिक छळ केला. तू काळी आहेस असे म्हणत तिचा वेळोवेळी अपमान करण्यात आला. शिवीगाळ करून मारहाण करण्यात आल्याचेही तिने तक्रारीत नमूद केले आहे.

लग्नाच्या वेळी पन्नास हजार रुपये स्वीकारूनही सासरच्या मंडळींनी तिला पुन्हा माहेरहून घर बांधण्यासाठी तीन लाख रुपये आणण्याचा तगादा लावला. पैसे आणण्यास नकार दिल्यावर तिच्यावर अत्याचार करण्यात आल्याचे फिर्यादीत म्हंटले आहे. प्रकरणात उस्मानपुरा पोलिस ठाण्यात गुन्हा दाखल करण्यात आला आहे. पुढील तपास हवालदार फिरंगे करीत आहेत.

संबंधित बातम्या