Khandala Ammonium Nitrate Truck Case: खंडाळ्यात तब्बल १०५ टन स्फोटक अमोनियम नायट्रेट जप्त; चालकांसह कंपनी अधिकाऱ्यांवर गुन्हा

Khandala Crime: संशयास्पद स्थिती पाहताच कर्मचाऱ्यांनी तात्काळ खंडाळा पोलीस ठाण्याचे वरिष्ठ पोलीस निरीक्षक महेंद्र जगताप यांना माहिती दिली. त्यानंतर महेंद्र जगताप यांनी पोलीस पथकासह घटनास्थळी धाव घेऊन गाड्यांची पाहणी केली.

• खंडाळा तालुक्यातील पारगाव येथे १०५ टन स्फोटक अमोनियम नायट्रेट जप्त
• सुरक्षेचे नियम धाब्यावर बसवून ३ ट्रकद्वारे केली जात होती तेलंगणाकडे वाहतूक
• रात्रगस्तीवरील पोलिसांच्या सतर्कतेमुळे बसस्थानकाजवळ उघडकीस आला प्रकार

Khandala Crime : खंडाळा तालुक्यातील पारगाव-खंडाळा येथे अमोनियम नायट्रेट या स्फोटक पदार्थाची ३ मालट्रकमधून एकूण १०५ टन सुरक्षिततेच्या मानकाचे उल्लंघन करीत वाहतूक केल्याप्रकरणी तीन मालट्रक चालकांसह पनवेल,तळोजा येथील फर्टिलायझर कंपनीच्या वाहतूक अधिका-यांविरुध्द खंडाळा पोलीस स्टेशनला गुन्हा दाखल करण्यात आला आहे.या घटनेमुळे खंडाळा तालुक्यात खळबळ उडाली आहे.खंडाळा पोलीसांनी दाखविलेल्या तत्परतेने पुढील मोठा अनर्थ टळला आहे.

Raj Thackeray-Rahul Gandhi Politics: राज ठाकरे अन् राहुल गांधी एकत्र येणार? बड्या नेत्याच्या दाव्याने खळबळ

 

पनवेल, तळोजा येथील दिपक फर्टिलायझर येथून तेलंगणा राज्यातील हैद्राबादमार्गे नलगोंडाजवळील चित्याल याठिकाणी मालट्रक (क्रं-टिएस-०२-युडी-३१७०,टिएस-०२-युडी-३१७७,टिएस-०२-३१७२)मधून तब्बल १०५ टन अमोनियम नायट्रेट या स्फोटक पदार्थाची सुरक्षिततेच्या नियमांचे उल्लंघन करीत पारगाव-खंडाळा येथील एसटी बसस्थानकाजवळ उभे असल्याचे खंडाळा पोलीस स्टेशनच्या रात्रगस्तीवर असलेल्या पोलीस कर्मचारी यांच्या निदर्शनास आले. त्यानुसार याबाबतची माहिती संबंधितांनी तत्काळ खंडाळा पोलीस स्टेशनचे वरिष्ठ पोलीस निरीक्षक महेंद्र जगताप यांना दिली.

त्यानंतर पोलीस निरीक्षक महेंद्र जगताप यांनी तत्काळ घटनास्थळी पोलीस अधिकारी व कर्मचाऱ्यांसहित धाव घेतली.यावेळी संबंधित मालट्रक चालक रुपेशकुमार परमेश्वर तांती (वय४६,रा.सरकपुर,तालुका बलदोर जि.खागरिया राज्य बिहार),अजकुमार अशोक प्रसाद(वय ३६,रा.गोपालवाडा जिल्हा मध्यपुरा राज्य बिहार),फुलचंद झालु पासवान (वय ४६,रा.महेशकुट,तालुका गोगरी जिल्हा खगडिया राज्य बिहार) व दिपक फर्टिलायझर कंपनीचे वाहतूक अधिकारी यांनी अमोनियम नायट्रेट हा स्फोटक पदार्थ असल्याचे माहित असतानाही वाहतूक परवाना नियमांचे व सुरक्षिततेच्या नियमांचा भंग केल्याप्रकरणी खंडाळा पोलीस स्टेशनला गुन्हा दाखल करण्यात आला आहे.

अधिकाऱ्यांना आता ‘तिसरा डोळा’; वाहन तपासणी होणार पारदर्शक, 10 बॉडीवेअर कॅमेरे मिळाले

याप्रकरणी तीन मालट्रकसह तब्बल १०५ टन अमोनियम नायट्रेट जप्त करीत खंडाळा पोलीसांनी सुरक्षिततेच्यादृष्टीने संबंधित मालट्रक जप्त केली आहे. या   घटनेची माहिती मिळताच घटनास्थळी शासनाच्या सुरक्षा विभागाचे अधिकारी,सातारा येथील स्थानिक गुन्हे अन्वेषण विभागाचे सहाय्यक पोलीस निरीक्षक अभिजीत यादव व अधिकारी कर्मचारी यांनी भेट देऊन पाहणी केली.याप्रकरणी मालट्रक चालक रुपेशकुमार परमेश्वर तांती,अजकुमार अशोक प्रसाद,फुलचंद झालु पासवान व दिपक फर्टिलायझर कंपनीचे वाहतूक अधिकारी यांच्याविरुध्द खंडाळा पोलीस स्टेशनला गुन्हा दाखल करण्यात आला आहे.या घटनेची पोलीस अंमलदार सुरज पवार यांनी खंडाळा पोलीस स्टेशनला फिर्याद दिली असून पोलीस उपनिरीक्षक शितल माने ह्या करीत आहे.