मात्र, काही भागात घाटाचे लिलाय केल्यानंतर सदर घाटातून करारनाम्यातील अटी-शर्ती डावलून चालणाऱ्या वाळूतस्करीमध्ये महसूलच्याच काही अधिकारी-कर्मचाऱ्यांनी हप्तासंस्कृती विकसित केली. त्यामुळे महसूलची अघोषित एनओसी वाळूतस्करीसाठी मिळताच त्या-त्या भागातील पोलीस यंत्रणेलाही मॅनेज करण्याचे प्रकार घडले. इतकेच काय तर खनिकर्म विभागाच्या भरारी पथकातील कर्मचाऱ्यांपर्यंत सेटींग लावण्याचे प्रकार तस्करांनी केले. आरटीओंच्या पथकांनाही प्रसाद देण्याचे मासिक सूत्र ठरविले. एकंदरीत वाळूतस्करीचा हा गोरखधंदा अगदी यंत्रणांच्या छुप्या पाठबळातून चालतो आहे. त्यातच आता पंढरपूर तालुक्यातून वाहणाऱ्या चंद्रभागा नदीच्या पात्रात वाळूतस्करांची जत्रा भरत आहे. दररोज वाळूतस्करांची जत्रा भरत आहे.
इसबावी जॅकवेल, शिरढोण, गुरसाळे, मुंडेवाडी या भागातील वाळूतस्करीत सक्रिय झालेला एक व्यक्ती सध्या बराच चर्चेत आला. पोलीस दलात सिंघम अधिकारी म्हणून ज्यांचे नाव घेतले जाते त्याच अधिकाऱ्याचे हा वाळूतस्कर सर्वत्र नाव सांगत असल्याचे या भागातील काही नागरिकांनी दै. ‘नवराष्ट्र’ला सांगितले. आपले त्या अधिकाऱ्यााची थेट संबंध असल्याचे सांगून लोकांशी मुजोरी करण्याचा प्रकारही त्याने चालविल्याचे बोलले जाते. त्यामुळे विनाकारण एखाद्या चांगल्या पोलीस अधिकाऱ्याची बदनामी अशा प्रकारचे तस्कर करीत असेल तर त्यावर प्रतिबंध लावणे गरजेचे आहे.
चुटूरपुटूर रॉयल्टी घेऊन हजारो ब्रास मातीचे उत्खनन
इसबावीजॅकवेल, शंकरगाव, देगाव, अजनसोड, शेगाव, सरकोली, मुंढेवाडी, सुस्ते, गुरसाळे, शिरढोण या भागातील अनेकांची वाळूची वाहने बिनधास्त धावत आहेत. वाळूतस्करांवर कुठलाही लगाम लावण्यास महसूल यंत्रणा लावायला तयार नाही. या भागातील एसडीओंसह तहसीलदारांची तर अवैध गौण खनिजाच्या प्रकरणांमध्ये कारवाई किती हा प्रश्न आहे. वाळूतस्करीच नव्हेतर वीट भट्टीधारकांसाठी चुटपूट रॉयल्टी घेऊन हजारो ब्रास मातीचे उत्खनन व वाहतूक या तालुक्यात होत आहे. प्रदूषण नियंत्रण परवानग्याविना मंडळाच्या पंढरपूर तालुक्यात अनेक वीटभट्टी ही चालविल्या जात आहे, त्यावर स्थानीक महसूल यंत्रणेचे अर्थपूर्ण मौन असताना वाळूतस्करानी चक या तालुक्यात धुडगूस घातला आहे. कधीकाळी साजेची सोय नसलेल्या अनेकांनी वाळूतस्करानी गडगंज माया कमावली, आता त्यांच्याकडूनच स्थानिक यंत्रणेला सुखरूप वाळूतस्करीसाठी मोठी रसदही पुरविली जात असल्याची माहिती आहे.
पंढरपूर पोलिसांची अवैध धंद्यांवरच डोळेझाक
पोलीस दलात सध्या अवैध धंद्यावर कारवाया नेमक्या कुठल्या भागात करायच्या अथवा कुठल्या भागात करायच्या नाही, अत्ता काहीसा प्रकार चालला की काय अशी अवस्था आहे. पंढरपूर पोलीसांच्या हद्दीत चालणाऱ्या जुगार अड्नुधांवर कारवाई झाली नाही. वृत्तपत्रातून वृत्त प्रकाशित झाले की काही दिवसांकरीता अवैध धंदे गुंडाळले जातात. सामसुम झाली की, पुन्हा अवैध धंदे चालक सक्रिय होतात. विशेष म्हणजे माध्यमांच्या प्रतिनिधींचीही वरिष्ठांकडे बदनामी करण्याचे प्रकार केले जातात. माध्यमातील सर्वांनाच एका रांगेत बसविण्याचे प्रकार काही अधिकारी करून वरिष्टांची दिशाभूल करीत असल्याचेही समजते. जाहिराती अथवा पाकीट न दिल्याने पत्रकार बातम्या छापतात, असे सांगूनहीं बदनाम्या करण्याचे प्रयोग केले जातात, त्यामुळे माध्यमातील प्रतिनिधींनीही अशा अधिकारी किंवा कर्मचायाविरुद्ध कठोर भूमिका घेण्याची गरज आहे.
.png "Videos"){kind=small}
