UP Crime News: वाढदिवसा दिवशी GFला बोलावलं हॉटेलमध्ये; अन् प्रियकराच्या त्या कृत्याने पोलीसही हादरले!
शाळेपासून होते प्रेमसंबंध
मिळालेल्या माहितीनुसार, आरोपी राहुल सिंग आणि मृत तरुणी एकमेकांना शाळेपासून ओळखत होते. दोघांनी बारावीपर्यंत एकत्र शिक्षण घेतले. याच काळात त्यांच्यात प्रेमसंबंध निर्माण झाले. पुढे तरुणीच्या कुटुंबाची आर्थिक परिस्थिती हलाखीची असल्याने तिने काम करण्याचा निर्णय घेतला. कुटुंबाला आर्थिक हातभार लावण्यासाठी ती गुरुग्राम येथे ती ब्लिंकइट कंपनीत काम करत असल्याचे सांगण्यात येत आहे.
वाढदिवसानिमीत्त हॉटेलमध्ये भेट
रक्षाबंधनाच्या निमित्ताने तरुणी गुरुग्रामहून फिरोजाबादला आपल्या घरी जात होती. याचदरम्यान राहुलचा २६ ऑगस्ट रोजी वाढदिवस असल्याने दोघांनी भेटण्याचे ठरवले. वाढदिवस साजरा करण्यासाठी त्यांनी हॉटेलमधील रूम बुक केली. सुरुवातीला सर्व काही सुरळीत असल्याचे सांगण्यात येत आहे. मात्र, काही वेळानंतर परिस्थिती अचानक बदलली.
औषध घेतल्यानंतर परिस्थिती बिघडली
पोलिसांच्या प्राथमिक माहितीनुसार, राहुलने हॉटेलमध्ये लैंगिक उत्तेजक औषध घेतले. त्यानंतर दोघांमध्ये लैंगिक संबंध झाले. मात्र, त्यानंतर तरुणीची प्रकृती बिघडली आणि तिला मोठ्या प्रमाणात रक्तस्त्राव होऊ लागला. शारीरिक वेदनांमुळे ती त्रस्त झाली होती. काही वेळाने परिस्थिती नियंत्रणात आल्याचे वाटत असतानाच पहाटेच्या सुमारास राहुलने पुन्हा लैंगिक संबंध ठेवण्याचा प्रयत्न केला.
नकार दिल्याने प्रियकर संतापला
प्रकृती ठीक नसल्याने तरुणीने पुन्हा लैंगिक संबंध ठेवण्यास स्पष्ट नकार दिला. मात्र, राहुलने तिच्या नकाराकडे दुर्लक्ष करून जबरदस्ती करण्याचा प्रयत्न केल्याचा आरोप आहे. यावेळी तरुणीने त्याचा विरोध केला. त्यामुळे दोघांमध्ये झटापट झाली.
डोके भिंतीवर आपटल्याचा आरोप
पोलिसांच्या प्राथमिक तपासात समोर आले आहे की, रागाच्या भरात राहुलने तरुणीचे केस पकडून तिचे डोके भिंतीवर आपटले. या हल्ल्यात तिच्या डोक्याला गंभीर दुखापत झाली आणि रक्तस्त्राव सुरू झाला. आणि काही वेळातच ती बेशुद्ध पडली.
रुग्णालयात नेले, मात्र…
घटनेनंतर राहुलने मित्राच्या मदतीने तरुणीला रुग्णालयात दाखल केले. पण डॉक्टरांनी तपासल्यानंतर तिला मृत घोषित करण्यात आले. घटनेची माहिती मिळताच पोलिसांनी प्रकरणाचा तपास सुरू केला. हॉटेलमधील घटनाक्रम, सीसीटीव्ही फुटेज, आरोपीचे जबाब आणि इतर पुरावे तपासले जात आहेत. तरुणीच्या मृत्यूचे नेमके कारण वैद्यकीय तपासणीतून स्पष्ट होणार आहे. या प्रकरणाचा पुढील तपास पोलिसांकडून सुरू आहे.
.png "Videos"){kind=small}
