Uttarpradesh Crime: ‘तू दुसऱ्याशी का बोलतेस?’… संशयातून 17 वर्षीय विद्यार्थिनीची गळा चिरून हत्या; प्रियकर अटकेत

लखनऊमध्ये 17 वर्षीय BCA विद्यार्थिनीची तिच्याच घरात गळा चिरून हत्या करण्यात आली. दुसऱ्या तरुणाशी बोलत असल्याच्या संशयातून प्रियकराने हा गुन्हा केल्याची कबुली पोलिसांसमोर दिली आहे. नातेवाइकांनी हत्येपूर्वी बलात्काराचा आरोप केल्यानंतर प्रकरणात POCSOसह अन्य गंभीर कलमे वाढवण्यात आली असून आरोपीला अटक करण्यात आली आहे.

• लखनऊमध्ये 17 वर्षीय विद्यार्थिनीची घरात गळा चिरून हत्या; प्रियकर अटकेत.
• दुसऱ्या तरुणाशी बोलत असल्याच्या संशयातून हत्या केल्याची आरोपीची कबुली.
• नातेवाइकांच्या आरोपानंतर प्रकरणात POCSOसह गंभीर कलमे वाढवून तपास सुरू.

उत्तरप्रदेश: उत्तरप्रदेश येथून एक धक्कादायक घटना समोर आली आहे. एका १७ वर्षीय विद्यार्थिनींची तिच्याच घरात गळा चिरून निर्घृण हत्या केल्याचे समोर आले आहे. या घटनेच्या वेळी ही विद्यार्थिनी घरात एकटीच होती. तिची हत्या तिच्या प्रियकराने संशयातून केली असल्याचे समोर आले आहे. पोलिसांनी आरोपीला ताब्यात घेतले असून हत्येपूर्वी तिचा बलात्कार केल्याचा आरोप केला आहे. या घटनेने खळबळ उडाली आहे. घडलेली घटना उत्तरप्रदेशची राजधानी लखनऊ येथील आहे.

‘फटाका’ सायलेन्सरवाल्यांनो सावधान! पुणे पोलिसांचा धडाका, तीन दिवसांत तब्बल…

नेमकं काय घडलं?

आरोपीचं नाव देवांश पाठक असे आहे. मृतक अल्पवयीन ही बीसीए (BCA) प्रथम वर्षात शिकत होती. घटनेच्या दिवशी तिचे आई-वडील हे मूळ गावी गेले होते. तर तिची मोठी बहीण कॉलेजमध्ये होती. मोठी बहीण घरी परतल्यावर ती पहिल्या मजल्यावर गेली असता तिला बहिणीचा रक्ताच्या थारोळ्यात पडलेला मृतदेह आढळला. हे दृश्य बघून ती खूप घाबरली. या घटनेची माहिती मिळताच पोलीस आणि फॉरेन्सिक टीमने तात्काळ घटनास्थळी पोहोचून तपासासाठी आवश्यक ते पुरावे गोळा केले. पोलिसांनी सखोल तपास करत आरोपीला अटक केली आहे.

हत्यामागचे कारण काय?

पोलिसांनी आरोपी देवांश पाठक याची चौकशी केली असता त्याने स्वतःच्या गुन्ह्याची कबुली दिली आहे. आरोपी आणि मृत मुलगी गेल्या दोन वर्षांपासून एकमेकांना ओळखत होते आणि त्यांनी एकत्र शिक्षणही घेतले होते. मृत विद्यार्थिनी दुसऱ्या एका तरुणाशी बोलत असल्याचा संशय देवांशला आला होता. याच कारणावरून त्यांच्यात वाद सुरू होता आणि एकमेकांशी बोलणेही बंद झाले होते. बुधवारी (5 जुलै) दुपारी देवांश संभाषणाच्या बहाण्याने तिच्या घरात शिरला. तिथे दोघांमध्ये बाचाबाची झाली आणि रागाच्या भरात देवांशने चाकूने तिचा गळा चिरून तिची हत्या केली.

हत्येपूर्वी बलात्कार केल्याचा आरोप

मृत अल्पवयीन विद्यार्थिनींच्या नातेवाईकांनी हत्येपूर्वी तिच्यावर बलात्कार करण्यात आल्याचा आरोप केला आहे. कुटुंबाचा जबाब आणि वैद्यकीय अहवालाच्या आधारे पोलिसांनी प्रकरणात बीएनएसचे कलम 66 आणि पोक्सो (POCSO) कायद्याची कलमे वाढवली आहेत. पोलिसांनी आरोपीची रवानगी तुरुंगात करण्यात आली आहे. पुढील कायदेशीर कारवाई पोलीस करत आहे.

पुण्यातील बाणेरमध्ये एकाचा खून, चाकूने सपासप वार करत जागीच संपवलं; कारण…