crime (फोटो सौजन्य: SOCIAL MEDIA )
पश्चिम बंगाल येथून एक धक्कदायक घटना समोर आली आहे. एका MBBS च्या विद्यार्थिनीवर सामूहिक अत्याचार झाल्याचे समोर आले आहे. ती एका खाजगी मेडिकल कॉलेजमध्ये MBBS च्या दुसऱ्या वर्षाचं शिक्षण घेत आहे. पश्चिम बंगालच्या वर्धमान दुर्गापुरमध्ये ही घटना घडल्याची माहिती आहे. येथे, तीन तरुणांनी मिळून कॉलेजमधील एक विद्यार्थिनीवर बलात्कार केला.
हॉटेलमध्ये वेटरकडून ग्राहकावर हल्ला, दांडक्याने मारहाण; नेमकं काय घडलं?
नेमकं काय घडलं?
१० ऑक्टोबर शुक्रवारी रात्री पीडिता तिच्या मैत्रिणीसोबत डिनरला गेली होती. तेव्हा दोघी रस्त्यावरून जात असतांना अचानक, तीन अज्ञात तरुण त्यांच्यासमोर आले. त्या तरुणांना पाहून पीडितेच्या मैत्रिणी घाबरली आणि तिथून तिने पळ काढला. मात्र, त्यावेळी पीडित तरुणी ही आरोपींच्या कचाट्यात सापडली. तेव्हा एका तरुणाने पीडितेच्या मोबाईल हिसकावून घेतला आणि इतर दोघांनी तिला जवळच्या जंगलात फरफटत नेलं. निर्जन जंगलात तिन्ही नराधमांनी तरुणीवर आळीपाळीने बलात्कार केला. इतकेच नव्हे तर, घटनेननंतर तरुणांनी पीडितेला याबद्दल कोणालाही सांगितल्यास जीवे मारण्याची डंकी दिली. तसेच, शेवटी जाता जाता आरोपींनी तिला सांगितलं की मोबाईल पाहिजे असेल तर, पैसे द्यावे लागतील.
कशीबशी कॉलेजमध्ये पोहोचली
तरुणांनी तिला तिथे सोडून फरार झाले. त्यानंतर पीडिता कशीबशी जखमी अवस्थेत तिच्या कॉलेजमध्ये पोहोचली. त्यांनतर, कॉलेजमधील विध्यार्थिनीनेच तिला लगेच रुग्णालयात दाखल केल. तरुणीची प्रकृती नाजूक असल्याचं डॉक्टरांनी सांगितलं. पीडिता ही ओडिशाच्या जळेश्वर येथील मूळ रहिवासी असून ती डॉक्टर बनण्याचं स्वप्न घेऊन दुर्गापूरला शिक्षण घेण्यासाठी आली होती. शनिवारी ओडिशामधील पीडितेच्या घरच्यांपर्यंत हि माहिती पोहोचली. कुटुंबीयांना मोठा धक्का बसला. ते तातडीने दुर्गापूरला पोहोचले. आता तरुणीचे आई-वडील आरोपीच्या अटकेची पोलिसांकडे मागणी करत आहेत.
पोलीस तपस सुरु
पोलिसांनी यासंबंधी गुन्हा दाखल केला असून प्रकरणाचा तपास सुरु केला आहे. दरम्यान, पीडितेचा जबाब नोंदवण्यात आला असून तिच्या मैत्रिणीची सुद्धा चौकशी केली जात आहे. पोलीस घटनास्थळावरील सीसीटीव्ही फुटेज तपास करत आहे, तसेच फॉरेन्सिक टीमकडून पुरावे सुद्धा गोळा करण्यात येत आहेत. राष्ट्रीय महिला आयोगाने या घटनेची दखल घेतली असून त्यांनी दुर्गापूरला एक पथक पाठवलं आहे.
.png "Videos"){kind=small}
