Yavatmal Rod Attack: यवतमाळमध्ये खासगी वाहनचालकाची मुजोरी! साईड देण्यावरून बसचालकाला लोखंडी रॉडने केली मारहाण

Yavatmal Rod Attack: यवतमाळमधील महागाव बसस्थानकाबाहेर एक अतिशय संतापजनक प्रकार समोर आला आहे. साईड देण्यावरून झालेल्या वादातून एका खासगी प्रवासी वाहनचालकाने मानव विकास बसच्या चालकाला लोखंडी रॉडने बेदम मारहाण केली. या घटनेमुळे २० विद्यार्थिनी तासाभर रखडल्या असून व्हिडिओ व्हायरल झाला आहे.

• महागावमध्ये साईड देण्यावरून खासगी चालकाकडून बसचालकाला मारहाण
• या वादामुळे विद्यार्थिनींना घरी जाण्यासाठी तासाभर प्रतीक्षा करावी लागली
• जखमी चालकाच्या तक्रारीवरून महागाव पोलिसांत गुन्हा दाखल

Yavatmal Rod Attack: यवतमाळ जिल्ह्यातून एक अत्यंत संतापजनक आणि धक्कादायक घटना समोर आली आहे. महागाव बसस्थानकाबाहेर साईड देण्यावरून झालेल्या किरकोळ वादातून एका खासगी प्रवासी वाहनचालकाने थेट मानव विकास बसच्या चालकाला लोखंडी रॉडने बेदम मारहाण केल्याची घटना घडली आहे. या मारहाणीच्या थरारामुळे बसमधील शाळकरी विद्यार्थिनींना घरी जाण्यासाठी नाहक तासाभर प्रतीक्षा करावी लागली. या संपूर्ण घटनेचा व्हिडिओ सध्या सोशल मीडियावर वाऱ्यासारखा व्हायरल होत असून परिसरात तीव्र संताप व्यक्त होत आहे.

हेही वाचा: Gold Jewellery Theft: रास्ता पेठेत घरफोडी, तर लोणी काळभोरमध्ये पावणेतीन लाखांच्या दागिन्यांवर डल्ला; पुण्यात भीतीचे वातावरण

कशी घडली घटना? साईड देण्यावरून झाला वाद

मिळालेल्या सविस्तर माहितीनुसार, महागाव ते सेनद मार्गावर विद्यार्थिनींची वाहतूक करणारी मानव विकास बस (क्र. एमएच ४० वाय ५४१० / एमएच ४० वाय ५४०६) महागाव बसस्थानकाबाहेर आली होती. यादरम्यान एमएच २८ एएन ३०२९ क्रमांकाच्या एका खासगी प्रवासी वाहनाच्या चालकासोबत साईड देण्यावरून वाद झाला. बसचालक ज्ञानेश्वर वानखेडे यांनी आपले वाहन बाजूला घेण्यास सांगितल्यानंतर खासगी वाहनचालकाचा राग अनावर झाला आणि वाद विकोपाला गेला. रागाच्या भरात त्या खासगी वाहनचालकाने लोखंडी रॉड काढून बसचालक ज्ञानेश्वर वानखेडे यांना बेदम मारहाण केली आणि घटनास्थळावरून पोबारा केला.

हेही वाचा: ATM Theft Attempt: मध्यरात्री संधी साधून एटीएममध्ये शिरले चोरटे; पुण्यात पैशांसाठी मशीनचीच केली प्रचंड नासधूस

विद्यार्थिनींची गैरसोय अन् पोलिसांनी दाखविले तत्परता

या अचानक झालेल्या हल्ल्यामुळे बसमधील विद्यार्थिनी प्रचंड घाबरल्या होत्या. बसचालक जखमी झाल्यामुळे महागाव ते सेनद मार्गावरील सुमारे २० विद्यार्थिनींना घरी जाण्यासाठी तब्बल तासभर प्रतीक्षा करावी लागली. दरम्यान, घटनेची माहिती मिळताच महागावचे ठाणेदार सेवानंद वानखडे यांनी तातडीने घटनास्थळी धाव घेत जखमी बसचालक ज्ञानेश्वर वानखेडे यांची समजूत काढली व त्यांना धीर दिला. त्यानंतर धाडसी चालक वानखेडे यांनी स्वतःची प्रकृती बरी नसतानाही पुन्हा बसचा ताबा घेत सर्व विद्यार्थिनींना सुरक्षितपणे त्यांच्या घरी पोहोचविले. जखमी चालकाची प्रकृती सध्या चांगली असल्याची माहिती समोर आली आहे. याप्रकरणी बसचालकाच्या तक्रारीवरून महागाव पोलीस ठाण्यात गुन्हा दाखल करण्यात आला असून, पोलिसांकडून पुढील तपास सुरू आहे.