मंगळवार, 27 ऑक्टोबर 2026
सौजन्य फोटो - सोशल मिडीया
हेही वाचा: ATM Theft Attempt: मध्यरात्री संधी साधून एटीएममध्ये शिरले चोरटे; पुण्यात पैशांसाठी मशीनचीच केली प्रचंड नासधूस
रास्ता पेठेतील पद्मजी पार्कमधील सीतामहल सोसायटीत पहिली घरफोडीची घटना घडली. अज्ञात चोरट्यांनी बंद फ्लॅटचे कुलूप तोडून आत प्रवेश केला आणि कपाटात ठेवलेले २८ हजार रुपये किमतीचे सोन्या-चांदीचे दागिने लांबविले. याबाबत ३९ वर्षीय महिलेने समर्थ पोलीस ठाण्यात फिर्याद दिली आहे. या तक्रारीवरून समर्थ पोलिसांनी अज्ञात चोरट्यांविरोधात गुन्हा दाखल केला असून, सहाय्यक पोलीस फौजदार संतोष पागार या प्रकरणाचा सखोल तपास करत आहेत.
दुसरी घटना लोणी काळभोर पोलीस ठाण्याच्या हद्दीतील म्हातोबाची आळंदी येथील शितळादेवीनगर परिसरात घडली. तेथे एका ६७ वर्षीय ज्येष्ठ नागरिकाचे बंद घर चोरट्यांनी लक्ष्य केले. घराचे कुलूप तोडून आत शिरलेल्या चोरट्यांनी कपाटाची तोडफोड करत ज्येष्ठ नागरिकाच्या पत्नीचे पावणेतीन लाख रुपये किमतीचे सोने-चांदीचे सोन्याचे दागिने चोरून नेले. सकाळी हा प्रकार उघडकीस आल्यानंतर परिसरात प्रचंड खळबळ उडाली. याप्रकरणी पीडित ज्येष्ठ नागरिकाने लोणी काळभोर पोलीस ठाण्यात तक्रार नोंदवली आहे. पोलीस उपनिरीक्षक योगेश पैठणे या घरफोडीचा पुढील तपास करत आहेत.
Ans: या घटना रास्ता पेठेतील पद्मजी पार्क (सीतामहल सोसायटी) आणि लोणी काळभोरमधील म्हातोबाची आळंदी (शितळादेवीनगर) परिसरात घडल्या.
Ans: रास्ता पेठेतून २८ हजार रुपये आणि लोणी काळभोरमधून पावणेतीन लाख रुपयांचे सोन्या-चांदीचे दागिने असा एकूण ३ लाखांहून अधिकचा ऐवज लांबवला.
Ans: रास्ता पेठ प्रकरणाचा तपास समर्थ पोलीस ठाण्याचे सहाय्यक पोलीस फौजदार संतोष पागार, तर लोणी काळभोर प्रकरणाचा तपास पोलीस उपनिरीक्षक योगेश पैठणे करत आहेत.
