मंगळवार, 27 ऑक्टोबर 2026
सौजन्य फोटो - सोशल मिडीया
पोलिसांनी दिलेल्या सविस्तर माहितीनुसार, पुणे शहरातील सदाशिव पेठेतील शेडगे आळी रस्ता परिसरात कॅनरा बँकेची शाखा व एटीएम केंद्र आहे. मंगळवारी (२६ ऑक्टोबर) मध्यरात्रीच्या सुमारास संधी साधत अज्ञात चोरटे या एटीएम केंद्रात शिरले. चोरट्यांनी एटीएम मशिनची मोठी तोडफोड केली, तसेच शेजारील पासबुक प्रिंटिंग यंत्राचीही प्रचंड नासधूस केली. एटीएममधून रोकड लांबवण्याचा त्यांचा प्रयत्न होता. त्यानंतर मंगळवारी सकाळी बँकेचे कामकाज सुरू झाल्यानंतर हा संपूर्ण प्रकार उघडकीस आला. बँक अधिकाऱ्यांनी तात्काळ याची माहिती पोलिसांना दिली.
घटनेची माहिती मिळताच विश्रामबाग पोलीस ठाण्याचे वरिष्ठ पोलीस अधिकारी आणि तपास पथकाने तात्काळ घटनास्थळी धाव घेत पाहणी केली. पोलिसांनी बँकेच्या एटीएममधील सीसीटीव्ही कॅमेऱ्यांचे फुटेज ताब्यात घेऊन त्याचे चित्रीकरण कसून तपासले आहे. या फुटेजच्या आधारे पसार झालेल्या अट्टल चोरट्यांची ओळख पटवण्याचे काम सुरू असून, लवकरात लवकर त्यांना जेरबंद करण्यात येईल, असे पोलिसांकडून सांगण्यात आले आहे. या प्रकरणाचा पुढील तपास पोलीस उपनिरीक्षक मोकाशी करीत आहेत.
Ans: पुणे शहरातील सदाशिव पेठेतील शेडगे आळी परिसरातील कॅनरा बँकेच्या शाखेत ही घटना घडली.
Ans: चोरट्यांनी एटीएम मशिन आणि पासबुक प्रिंटिंग यंत्राची तोडफोड करून रोकड चोरीचा प्रयत्न केला.
Ans: याप्रकरणी विश्रामबाग पोलीस ठाण्यात गुन्हा दाखल झाला असून, पोलीस उपनिरीक्षक मोकाशी तपास करत आहेत.
