Haryana Election Results 2024 : लालू यादव यांचे जावई रेवाडीत पिछाडीवर; मुख्यमंत्री सैनी-हुड्डा आघाडीवर
चंदीगड : हरियाणा विधानसभा निवडणूक 5 ऑक्टोबरला रोजी पार पडली. आता या निवडणुकीची मतमोजणी सकाळपासून सुरु झाली आहे. असे असताना यामध्ये सुरुवातीच्या ट्रेंडमध्ये काँग्रेस आघाडीवर दिसत होते. इतकेच नाहीतर काँग्रेसने बहुमताचा आकडा पार केल्याचेही ट्रेंडमध्ये दिसून आले होते. पण आता काँग्रेस कमालीच्या पिछाडीवर तर भाजप आघाडीवर दिसत आहे.
हरियाणातील सर्व 90 जागांचे कल समोर येत आहेत. आधी काँग्रेसने आघाडी घेतली, आता भाजपला बहुमत मिळताना दिसत आहे. एकंदरीत हरियाणात कडवी टक्कर पाहायला मिळत आहे. मुख्यमंत्री नायबसिंग सैनी, भूपिंदर सिंग हुडा, विनेश फोगट, रणजित सिंह चौटाला, दुष्यंत चौटाला, गोपाल कांडा आणि सावित्री जिंदाल यांच्यासह अनेक मोठे चेहरे निवडणुकीच्या रिंगणात आहेत.
त्यात अंबाला कॅन्टमध्ये अपक्ष उमेदवार चित्रा सरवरा आघाडीवर आहेत. अनिल विज त्यांच्यापेक्षा 940 मतांनी पिछाडीवर आहेत. तर हिसारमधून अपक्ष उमेदवार म्हणून निवडणूक लढवणाऱ्या सावित्री जिंदाल आघाडीवर आहेत. याशिवाय, लालू यादव यांचे जावई आणि काँग्रेसचे चिरंजीव राव रेवाडी मतदारसंघात पिछाडीवर गेले आहेत. या जागेवर भाजपचे उमेदवार लक्ष्मण यादव यांनी 1908 मतांनी आघाडी घेतली आहे.
अनिल विज पिछाडीवर तर अपक्ष उमेदवार चित्रा सरवरा आघाडीवर
अंबाला कँटमध्ये अपक्ष उमेदवार चित्रा सरवरा आघाडीवर आहेत. अनिल विज त्यांच्यापेक्षा 940 मतांनी पिछाडीवर आहेत. हिसार मतदारसंघातून अपक्ष उमेदवार म्हणून निवडणूक लढवणाऱ्या सावित्री जिंदाल आघाडीवर आहेत.
विनेश फोगट कमालीच्या पिछाडीवर
जुलाना मतदारसंघातून विनेश फोगट दोन हजारांहून अधिक मतांनी पिछाडीवर आहेत. या जागेवर भाजपचे उमेदवार योगेश बैरागी यांनी आघाडी घेतली आहे. तर कर्नालमधून भाजपचे उमेदवार जगमोहन आनंद 4479 मतांनी आघाडीवर आहेत. हरियाणा काँग्रेसचे अध्यक्ष उदय भान त्यांच्या होडल जागेवर 637 मतांनी आघाडीवर आहेत.
