रविवार, 15 नोव्हेंबर 2026
संग्रहित फोटो
नांदेड शहरातील जबरी चोरीच्या घटनांचा तपास करताना पोलीस पथक संशयितांचा शोध घेत होते. याचदरम्यान चैतन्यनगर रोडवरील जबरी चोरीतील संशयित अमेरखान उर्फ एएमके आणि शेख रेहान हे चोरीच्या दुचाकी विक्रीच्या तयारीत बोंडार-हवेली रोडलगतच्या उसाच्या शेताजवळ थांबल्याची माहिती पोलिसांना मिळाली. या माहितीच्या आधारे पोलिसांनी पंचांसह घटनास्थळी धाव घेत सापळा रचला. पोलिसांची चाहूल लागताच दोघांनी पळून जाण्याचा प्रयत्न केला. मात्र, दबा धरून बसलेल्या पोलिसांनी पाठलाग करून दोघांनाही ताब्यात घेतले.
अटक करण्यात आलेल्यांमध्ये अमेरखान उर्फ एएमके उर्फ जिहादी (वय २३, रा. इरफाननगर, गाडेगाव रोड, नांदेड) आणि शेख रेहान उर्फ चिल्ला शेख महेबुब (वय १९, रा. मिल्लतनगर, नांदेड) यांचा समावेश आहे.
खंजिराचा धाक दाखवून लूट, आसनाची घटना
चैतन्यनगर रोडवर दुचाकीवरून आलेल्या आरोपींनी एका व्यक्तीला मारहाण करून त्याच्या हातातील अंगठी लुटली होती. हा गुन्हा भाग्यनगर पोलीस ठाण्यात नोंद आहे. तर ७ नोव्हेंबर २०२६ रोजी सकाळी आसना पुलावर भाजीपाला आणण्यासाठी जाणारे प्रभू काळाबा मोरे यांना आरोपींनी अडविले. त्यांच्या दुचाकीला धक्का देऊन खाली पाडल्यानंतर खंजिराचा धाक दाखवत ५ हजार २०० रुपये हिसकावून घेतले होते. या प्रकरणी विमानतळ पोलीस ठाण्यात गुन्हा दाखल आहे.
चोरट्यांकडून सहा महागड्या दुचाकी हस्तगत
आरोपींच्या चौकशीतून आणि निशानदेहीवरून बोंडार-हवेली रोडलगतच्या झाडाझुडपांत लपवून ठेवलेल्या सहा मोटारसायकली पोलिसांनी जप्त केल्या. यामध्ये बजाज पल्सर-२२०, हिरो स्प्लेंडर, येझदी रोडस्टर आणि रॉयल एनफिल्डसारख्या वाहनांचा समावेश आहे. भाग्यनगर, रामतीर्थ, विमानतळ, बिलोली आणि नांदेड ग्रामीण पोलीस ठाण्यांतील सहा दुचाकी चोरीचे गुन्हे या कारवाईत उघड झाले आहेत. विशेष म्हणजे, जप्त वाहनांमध्ये अडीच लाख रुपये किमतीच्या येझदी रोडस्टरचाही समावेश आहे. दोन्ही आरोपींना जप्त मुद्देमालासह पुढील कायदेशीर कारवाईसाठी भाग्यनगर पोलीस ठाण्याच्या स्वाधीन करण्यात आले आहे. इतर साथीदारांचा सहभाग आणि आणखी काही गुन्हे उघडकीस येतात का, याचा तपास सुरू आहे. पोलीस अधीक्षक डॉ. नीलाभ रोहन आणि अपर पोलीस अधीक्षक संजय जाधव यांच्या मार्गदर्शनाखाली पोलिसांच्या पाथकाने ही कारवाई केली.
Ans: नागरिकांना अडवून मारहाण करणे, खंजिराचा धाक दाखवून लूट करणे आणि महागड्या दुचाकी चोरणाऱ्या टोळीचा पोलिसांनी पर्दाफाश केला.
Ans: एलसीबीच्या पथकाने अमेरखान उर्फ एएमके उर्फ जिहादी (वय २३) आणि शेख रेहान उर्फ चिल्ला (वय १९) या दोन आरोपींना अटक केली.
Ans: पोलिसांनी सहा मोटारसायकलींसह तब्बल ५ लाख ९५ हजार रुपयांचा मुद्देमाल जप्त केला. या कारवाईत जबरी चोरीचे दोन आणि दुचाकी चोरीचे सहा, असे एकूण आठ गुन्हे उघडकीस आले आहेत.
