१५ दिवसांत मोदींचा तिसरा महाराष्ट्र दौरा! चिमूर-सोलापूर आणि पुण्यात आज सभा, वाहतूक व्यवस्थेत मोठे बदल

महाराष्ट्रातील विधानसभा निवडणुकीच्या प्रचारासाठी पंतप्रधान नरेंद्र मोदी आज महाराष्ट्र दौऱ्यावर आहेत. नरेंद्र मोदी यांच्या दौऱ्यानिमित्त आज पुणे शहरातील वाहतूक व्यवस्थेत मोठे बदल करण्यात येणार आहेत.

भारतीय जनता पक्षाचे प्रमुख नेते आणि पंतप्रधान नरेंद्र मोदी मंगळवारी (१२ नोव्हेंबर) महाराष्ट्रात प्रचार करणार आहेत. पक्षाचे इतर प्रमुख नेते आणि केंद्रीय गृह व सहकार मंत्री अमित शहा हे देखील महाराष्ट्रातच आज सभा घेणार आहेत. पण ते आधी झारखंडमध्ये प्रचार करणार आहेत. यानंतर शाह देशाच्या आर्थिक राजधानीत पोहोचतील. स्टार प्रचारक जोडी मोदी आणि शहा जाहीर सभांना संबोधित करणार आहेत. भाजपने आपल्या X हँडलवर पंतप्रधान मोदी आणि केंद्रीय गृहमंत्री शाह यांचा कार्यक्रम शेअर करण्यात आलं.

पंतप्रधान नरेंद्र मोदी आज तीन सभा घेणार असून दुपारी 1 वाजता महाराष्ट्रातील चिमूर येथे मोठ्या जाहीर सभेला संबोधित करतील. त्यांची दुसरी जाहीर सभा सोलापुरात होणार आहे. दुपारी 4:15 वाजता पंतप्रधान सोलापुरात मतदारांची भेट घेणार आहेत. त्यानंतर संध्याकाळी 6.30 वाजता पंतप्रधान पुण्यात महायुतीच्या उमेदवाराला पाठिंबा मागणार आहेत.

हे सुद्धा वाचा: पंतप्रधान नरेंद्र मोदी आज पुण्यात सभा; वाहतुकीत मोठे बदल, वाचा सविस्तर

सायंकाळी 6.30 वाजता येथे त्यांची जाहीर सभा होणार आहे. केंद्रीय मंत्री शाह आधी झारखंडला पोहोचणार आहेत. पाच दिवसांतील मोदींचा हा तिसरा दौरा आहे. दोन दिवसांपूर्वी त्यांनी अकोला आणि नांदेडमध्ये जाहीर सभांना संबोधित केले. त्याआधी ८ नोव्हेंबरला धुळे आणि नाशिकमध्ये पंतप्रधानांनी सभा घेतल्या होत्या. महाराष्ट्रात या चारही सभांमध्ये मोदींनी ‘एक सुरक्षित तर एक सुरक्षित’चा नारा दिला आहे. गेल्या 4 सभांमध्ये मोदींनी उद्धव ठाकरे आणि शरद पवारांवर निशाणा साधला नाही. त्यांनी काँग्रेसवर जातींमध्ये फूट पाडल्याचा आरोप केला.

वाहतूक व्यवस्थेत मोठे बदल

पंतप्रधान नरेंद्र मोदी यांच्या दौऱ्यामुळे पुणे शहरातील वाहतूक व्यवस्थेत आज मोठे बदल करण्यात येणार आहेत. टिळक रोडवर पंतप्रधान मोदींची जाहीर सभा असणार आहे. पंतप्रधान मोदी यांची जाहीर सभा टिळक रोडवरील स. प. महाविद्यालयाच्या प्रांगणात होणार आहे. त्यामुळे या भागातील रस्ते वाहतुकीस बंद ठेवण्यात येणार आहे. पुणे वाहतूक शाखेचे पोलीस उपायुक्त अमोल झेंडे यांनी दिलेल्या माहितीनुसार, सदाशिव पेठेतील विजयानगर कॉलनी परिसरातील ना. सी. फडके चौक ते नाथ पै चौक दरम्यानचा रस्ता वाहतुकीस बंद ठेवण्यात येणार आहे. वाहनचालकांनी ना. सी. फडके चौकातून डावीकडे वळून निलायम चित्रपटगृहमार्गे पर्वती उड्डाणपुलाखालील रस्त्याने सिंहगड रस्त्याकडे जावे. नाथ पै चौकातून वाहनचालकांनी सरळ सिंहगड रस्त्याकडे जावे, असे आवाहन वाहतूक पोलिसांनी केले आहे.

तसेच बाबुराव घुले पथ, टिळक आयुर्वेद महाविद्यालय, आंबील ओढा परिसरातील रस्ते वाहतुकीस बंद ठेवण्यात आले आहेत. त्यासोबतच साने गुरुजी पथ परिसरात (टिळक रस्ता चौक ते निलायम चित्रपटगृह) सर्व प्रकारची वाहने लावण्यास मनाई करण्यात आली आहे. तसेच पंतप्रधान मोदी यांच्या दौऱ्यानिमित्त पुण्यात जड वाहनांना बंदी घालण्यात आली आहे. मंगळवारी मध्यरात्री बारापर्यंत जड वाहनांना शहरात बंदी असणार आहे. टिळक चौक ते भिडे पूल चौक दरम्यान एकेरी वाहतूक करण्यात येणार आहे.

हे सुद्धा वाचा: ‘माझं मन साफ, माझ्या मनात तेच ओठावर, वळसे-पाटील मोठ्या मताधिक्क्याने निवडून येणार’; शिवाजीराव आढळराव पाटील यांचा विश्वास