( फोटो सौजन्य- सोशल मिडिया)
Abhishek Bachchan ETPL: अभिनेता आणि क्रीडा उद्योजक अभिषेक बच्चन याच्या महत्त्वाकांक्षी क्रिकेट प्रोजेक्टला अखेर सुरुवात झाली आहे. European T20 Premier League (ETPL)च्या उद्घाटनाच्या दिवशी अभिषेकने थेट मैदानावरून खास फोटो शेअर करत चाहत्यांना या नव्या क्रिकेट लीगची झलक दाखवली. ट्रॉफीजवळ उभा राहून फोटो शेअर करत त्याने “Here we go! European T20 League.” असे लिहिले आहे.
युरोपमध्ये व्यावसायिक T20 क्रिकेटला नवी दिशा देण्याच्या उद्देशाने सुरू करण्यात आलेल्या ETPLच्या पहिल्या हंगामाला सुरुवात झाली आहे. या उद्घाटन सामन्याचा साक्षीदार होण्यासाठी अभिषेक बच्चन स्वतः मैदानावर उपस्थित राहिला. त्याच्या पोस्टमधून लीगच्या पहिल्या दिवसाचा उत्साह पाहायला मिळत आहे.
या आठवड्यात वूरबर्ग येथे सामन्यांची मालिका रंगणार असून, त्यानंतर आयर्लंड, स्कॉटलंड आणि नेदरलँड्समध्येही सामने खेळवले जाणार आहेत. त्यामुळे युरोपमधील क्रिकेट चाहत्यांसाठी ही नवी स्पर्धा खास ठरणार आहे.
अभिषेक बच्चनने सौरभ बॅनर्जी, प्रियांका कौल आणि धीरज मल्होत्रा यांच्यासोबत European T20 Premier Leagueची सहसंस्थापना केली आहे. तो या लीगशी संस्थापक म्हणून जोडलेला असण्यासोबतच टीमचा सहमालकही आहे.
भारतामध्ये कबड्डी आणि फुटबॉलच्या क्षेत्रात काम केल्यानंतर अभिषेकने क्रिकेटमध्येही मोठी झेप घेतली आहे. ETPL हा त्याचा आतापर्यंतचा महत्त्वाकांक्षी क्रीडा उपक्रम मानला जात आहे.
युरोपमध्ये क्रिकेटची लोकप्रियता वाढत असताना व्यावसायिक T20 क्लब स्पर्धा उभी करण्याचा ETPLचा प्रयत्न आहे. यापूर्वी मोठ्या प्रमाणावर अशा प्रकारची क्लब T20 स्पर्धा नसलेल्या बाजारपेठेत क्रिकेटचा नवा पाया तयार करण्याचे उद्दिष्ट या लीगमागे आहे.
अभिषेक बच्चनच्या या पोस्टनंतर चाहत्यांमध्येही उत्सुकता वाढली आहे. ट्रॉफी मैदानावर आली, पहिला सामना सुरू झाला आणि European T20 Leagueच्या नव्या पर्वाला सुरुवात झाली, असा उत्साह त्याच्या पोस्टमधून व्यक्त होत आहे. आता या पहिल्या हंगामाला क्रिकेट चाहत्यांकडून कसा प्रतिसाद मिळतो, याकडे सर्वांचे लक्ष लागले आहे.
.png "Videos"){kind=small}
