सोमवार, 5 ऑक्टोबर 2026
(फोटो सौजन्य- सोशल मीडिया)
Amruta Khanvilkar: मनोरंजनविश्वातील अनेक कलाकार ऑनस्क्रीन जोडीदार असण्यासोबतच खऱ्या आयुष्यातही एकमेकांचे जवळचे मित्र असतात. अभिनेत्री अमृता खानविलकर, नेहा पेंडसे आणि सोनाली यांची मैत्रीही अशीच आहे. तिघीही एकमेकींच्या खास मैत्रिणी असून अनेकदा त्यांचं बॉन्डिंग सोशल मीडियावर पाहायला मिळतं. सध्या या तिघींनीही कामाच्या धावपळीतून ब्रेक घेतला असून त्या इटलीमध्ये सुट्टीचा आनंद घेत आहेत.
या ट्रिपमधील फोटो आणि व्हिडीओ तिघीही सोशल मीडियावर शेअर करत आहेत. नुकताच अमृता खानविलकरने तिघींचा एक खास डान्स व्हिडीओ शेअर केला असून, तो चाहत्यांचं लक्ष वेधून घेत आहे.
अमृताने शेअर केलेल्या व्हिडीओमध्ये इटलीतील डोलोमाइट्सच्या निसर्गरम्य परिसरात अमृता, नेहा आणि सोनाली ‘जिंदगी ना मिलेगी दोबारा’ या चित्रपटातील लोकप्रिय ‘सेनोरिटा’ गाण्यावर थिरकताना दिसत आहेत.
या व्हिडीओमध्ये तिघींचाही स्टायलिश आणि कॅज्युअल अंदाज पाहायला मिळतो. अमृताने डेनिम वनपीस परिधान केला आहे. तर सोनाली पर्पल रंगाचा टॉप आणि डेनिममध्ये दिसत आहे. नेहाने स्काय ब्लू टॉप, ऑफ-व्हाइट पॅन्ट आणि त्यावर लाँग जॅकेट असा लूक केला आहे. तिघींचा हा स्टायलिश अंदाजही चाहत्यांना पसंत पडत आहे.
या व्हिडीओसोबत अमृताने लिहिलेलं कॅप्शनही विशेष चर्चेत आलं आहे. ‘हे घडलं… यासाठी ‘जिंदगी ना मिलेगी दोबारा’ला ब्लेम करा. आमची जिंदगी मिलेगी ना दोबारा आहे,’ अशा मजेशीर शब्दांत तिने या ट्रिपचा आनंद व्यक्त केला आहे.
‘जिंदगी ना मिलेगी दोबारा’मधील ‘सेनोरिटा’ गाण्याचा संदर्भ घेत अमृताने आपल्या मैत्रिणींसोबतच्या या खास क्षणांना हटके अंदाजात कॅप्शन दिलं आहे.
View this post on Instagram
चाहत्यांकडून तिघींच्या मैत्रीचं कौतुक
अमृता, नेहा आणि सोनाली यांचा हा डान्स व्हिडीओ सोशल मीडियावर चर्चेत आहे. चाहत्यांनी त्यांच्या रिलवर लाइक्स आणि कमेंट्सचा वर्षाव केला आहे. तिघींचा उत्साह, त्यांच्यातील सुंदर बॉन्डिंग आणि एकत्र घालवलेले हे खास क्षण चाहत्यांना भावले आहेत. काहींनी त्यांच्या डान्सचं कौतुक केलं आहे, तर काहींनी तिघींच्या मैत्रीवर प्रेम व्यक्त केलं आहे.
