( फोटो सौजन्य- सोशल मीडिया)
Baahubali: ‘बाहुबली’ या लोकप्रिय फ्रँचायझीचा विस्तार आता आणखी मोठ्या स्तरावर होणार आहे. आर्का मीडिया वर्क्सने ड्रीम थिएटर प्रायव्हेट लिमिटेडसोबत महत्त्वाची भागीदारी जाहीर केली आहे. ‘बाहुबली’ फ्रँचायझी आणि आगामी CGI अॅनिमेटेड चित्रपट ‘बाहुबली: द इटरनल वॉर – पार्ट 1’ आणि ‘पार्ट 2’ यांच्यासाठी कन्झ्युमर प्रॉडक्ट्स आणि ब्रँड पार्टनरशिप्स कार्यक्रमाच्या दृष्टीने ही भागीदारी करण्यात आली आहे.
या करारानुसार ड्रीम थिएटरला भारतासाठी एक्सक्लुझिव्ह लायसन्सिंग आणि मर्चेंडायझिंग पार्टनर म्हणून नियुक्त करण्यात आलं आहे. यासोबतच आंतरराष्ट्रीय लायसन्सिंग, स्पॉन्सरशिप्स, ब्रँड असोसिएशन्स, प्रमोशनल टाय-अप्स आणि को-ब्रँडेड इनिशिएटिव्ह्जसाठी ड्रीम थिएटर स्ट्रॅटेजिक पार्टनर म्हणून काम करणार आहे.
या भागीदारीमुळे ‘बाहुबली’ची लोकप्रिय फ्रँचायझी आणि एंटरटेनमेंट व लाइफस्टाइल क्षेत्रातील लायसन्सिंग आणि कन्झ्युमर प्रॉडक्ट्स तयार करण्याचा ड्रीम थिएटरचा अनुभव एकत्र येणार आहे.
‘बाहुबली’च्या दोन्ही चित्रपटांनी मिळून जगभरात २,४०० कोटी रुपयांहून अधिक कमाई केली आहे. त्यामुळे या फ्रँचायझीचा मोठा प्रेक्षकवर्ग भारतासोबतच आंतरराष्ट्रीय बाजारपेठांमध्येही आहे. आता ‘बाहुबली: द इटरनल वॉर’च्या माध्यमातून ही फ्रँचायझी अॅनिमेशनच्या विश्वात विस्तारत आहे.
आर्का मीडिया वर्क्स निर्मित आणि ईशान शुक्ला दिग्दर्शित हा दोन भागांचा CGI अॅनिमेटेड एपिक आहे. ‘द इटरनल वॉर’मध्ये ‘बाहुबली’च्या मृत्यूनंतरची कथा दाखवली जाणार आहे. आफ्टरलाइफमध्ये पोहोचल्यानंतर त्याच्यासमोर १४ रिअल्म्समध्ये पसरलेलं आव्हान उभं राहतं.
भारतीय पौराणिक कथांपासून प्रेरणा घेत या चित्रपटात स्टायलाइज्ड CGI अॅनिमेशनच्या माध्यमातून एक वेगळं व्हिज्युअल विश्व तयार करण्यात आलं आहे.
‘बाहुबली: द इटरनल वॉर’ या प्रोजेक्टची २०२६च्या अॅनेसी इंटरनॅशनल अॅनिमेशन फिल्म फेस्टिव्हलमध्ये वर्क-इन-प्रोग्रेस प्रोग्रामसाठी निवड झाली आहे. त्यामुळे या प्रोजेक्टला आंतरराष्ट्रीय अॅनिमेशन क्षेत्रात महत्त्वाचं व्यासपीठ मिळणार आहे.
मर्चेंडायझिंगपासून गेमिंगपर्यंत संधी
ड्रीम थिएटरकडून ‘बाहुबली’साठी अॅपरेल, कलेक्टिबल्स, फिगर्स, बॅग्स, स्टेशनरी, पब्लिशिंग, गेमिंग आणि एक्सपिरिअन्शियल इनिशिएटिव्ह्ज अशा विविध क्षेत्रांमध्ये लायसन्सिंग आणि मर्चेंडायझिंगच्या संधी विकसित केल्या जाणार आहेत.
याशिवाय स्पॉन्सरशिप्स, ब्रँड असोसिएशन्स, प्रमोशनल कोलॅबोरेशन्स आणि को-ब्रँडेड उपक्रमांसाठीही काम केलं जाणार आहे. ‘बाहुबली’च्या चाहत्यांना या युनिव्हर्सशी जोडण्याचे नवे मार्ग उपलब्ध करून देणं हा या भागीदारीमागचा मुख्य उद्देश आहे.
‘बाहुबली’ फ्रँचायझीचे क्रिएटर एस.एस. राजामौली यांनी या भागीदारीबद्दल आनंद व्यक्त केला. ‘बाहुबली’मध्ये नेहमीच चित्रपटाच्या पलीकडे जाण्याची क्षमता होती आणि ‘द इटरनल वॉर’च्या माध्यमातून या विश्वाचा नव्या पद्धतीने शोध घेण्याची संधी मिळत असल्याचं त्यांनी म्हटलं.
आर्का मीडिया वर्क्सचे सीईओ शोबू यारलागड्डा यांनीही या भागीदारीचं महत्त्व अधोरेखित केलं. ‘द इटरनल वॉर’च्या माध्यमातून ‘बाहुबली’ युनिव्हर्सला नव्या दिशेने घेऊन जाण्याची संधी मिळत असून, या विस्तारात लायसन्सिंग महत्त्वाची भूमिका बजावणार असल्याचं त्यांनी सांगितलं.
ड्रीम थिएटरचे फाउंडर आणि सीईओ जिग्गी जॉर्ज यांनीही ‘बाहुबली’ फ्रँचायझीसोबत काम करण्याबद्दल उत्सुकता व्यक्त केली. भारतासोबतच आंतरराष्ट्रीय बाजारपेठांमध्ये या फ्रँचायझीशी संबंधित विविध संधी विकसित करण्यासाठी आर्का मीडिया वर्क्ससोबत काम करण्याची तयारी असल्याचं त्यांनी स्पष्ट केलं.
.png "Videos"){kind=small}
