रविवार, 25 ऑक्टोबर 2026
( फोटो सौजन्य- सोशल मीडिया)
शरत सक्सेना यांनी मुंबईतील एका रुग्णालयातील MRI रूममधील चार फोटो पोस्ट केले आहेत. या फोटोंमध्ये ते उभं राहून MRI करताना दिसत आहेत. त्यांच्या चेहऱ्यावर वेदनाही स्पष्टपणे जाणवत आहेत. या पोस्टच्या माध्यमातून त्यांनी आपल्या आरोग्याबाबत चाहत्यांना माहिती दिली.
हे फोटो शेअर करताना शरत सक्सेना यांनी सांगितलं की, मुंबईतील रुग्णालयात लंबर स्पाइन म्हणजेच कंबरेच्या खालच्या भागाच्या शस्त्रक्रियेपूर्वी त्यांनी उभं राहून MRI करून घेतली. हे फोटो शस्त्रक्रियेच्या अगदी आधीचे असल्याचंही त्यांनी स्पष्ट केलं आहे.
त्यांच्या या पोस्टनंतर चाहत्यांनी आणि हितचिंतकांनी कमेंट्सच्या माध्यमातून त्यांच्या प्रकृतीबद्दल चिंता व्यक्त केली. अनेकांनी शरत सक्सेना लवकर बरे व्हावेत आणि त्यांची शस्त्रक्रिया यशस्वी व्हावी, यासाठी शुभेच्छा दिल्या.
View this post on Instagram
चाहत्यांनी दिलेल्या शुभेच्छांनंतर शरत सक्सेना यांनी कमेंट्सच्या माध्यमातून सर्वांचे आभार मानले. त्यांनी आशा व्यक्त केली की, शस्त्रक्रियेनंतर ते पुन्हा व्यवस्थित चालू शकतील आणि कामही करू शकतील.
शरत सक्सेना यांनी आपल्या हितचिंतकांचे आभार मानताना, ‘ज्या सर्वांनी माझ्यासाठी शुभेच्छा दिल्या त्या सर्वांचे आभार. मला आशा आहे की मी पुन्हा व्यवस्थित चालू शकेन आणि काम करू शकेन. तुम्हा सर्वांचे आभार,’ असं म्हटलं आहे.
शरत सक्सेना यांनी आपल्या प्रदीर्घ अभिनय कारकिर्दीत विविध प्रकारच्या भूमिका साकारल्या आहेत. विशेषतः ९०च्या दशकात त्यांच्या अभिनयाची आणि खलनायकी भूमिकांची मोठी चर्चा होती. त्यांनी खलनायकासोबतच विनोदी भूमिका आणि नायकाच्या वडिलांच्या भूमिकाही साकारल्या आहेत.
शरत सक्सेना यांनी आपल्या कारकिर्दीत २५० हून अधिक चित्रपटांमध्ये काम केल्याचं सांगितलं जातं. नुकतेच ते अजय देवगणच्या ‘सन ऑफ सरदार 2’ या चित्रपटातही दिसले होते. आता त्यांच्या शस्त्रक्रियेपूर्वीचे फोटो समोर आल्यानंतर चाहते त्यांच्या प्रकृतीत लवकर सुधारणा व्हावी, यासाठी प्रार्थना करत आहेत.
