Hanuman Ansh Success Party: ना दारू, ना मांसाहार! ‘हनुमान अंश’च्या सक्सेस पार्टीची चर्चा; कार्तिक आर्यनचीही उपस्थिती

Hanuman Ansh Success Party: ‘हनुमान अंश’ने बॉक्स ऑफिसवर ४५३ कोटींची कमाई करत १०० दिवसांचा टप्पा पूर्ण केला. यानिमित्त मुंबईतील इस्कॉन मंदिरात अनोखी सक्सेस पार्टी आयोजित करण्यात आली. या पार्टीला कार्तिक आर्यननेही हजेरी लावली.

Hanuman Ansh Success Party: २०२६ मधील सर्वाधिक यशस्वी चित्रपटांपैकी एक ठरलेल्या ‘हनुमान अंश’ने बॉक्स ऑफिसवर अनपेक्षित कामगिरी करत प्रेक्षकांची मनं जिंकली. कमी बजेटमध्ये तयार झालेल्या या चित्रपटाने कोट्यवधींची कमाई करत ब्लॉकबस्टरचा दर्जा मिळवला. विशेष म्हणजे, चित्रपटाने चित्रपटगृहांमध्ये १०० दिवसांचा यशस्वी टप्पा पूर्ण केला आहे. यानिमित्ताने निर्मात्यांनी मुंबईतील जुहू येथील इस्कॉन मंदिरात एका अनोख्या सक्सेस पार्टीचे आयोजन केले होते. या पार्टीची सध्या सोशल मीडियावर जोरदार चर्चा सुरू आहे. अभिनेता कार्तिक आर्यननेही या सोहळ्याला हजेरी लावली.

इस्कॉन मंदिरात रंगली ‘हनुमान अंश’ची सक्सेस पार्टी

सामान्यतः चित्रपटांच्या सक्सेस पार्ट्या मोठमोठ्या हॉटेल्स किंवा आलिशान रेस्टॉरंटमध्ये आयोजित केल्या जातात. अशा पार्ट्यांमध्ये विविध प्रकारचे खाद्यपदार्थ आणि मद्याचा समावेश असतो. मात्र, ‘हनुमान अंश’च्या निर्मात्यांनी यापेक्षा वेगळा मार्ग निवडला. मुंबईतील जुहू येथील इस्कॉन मंदिरात या पार्टीचे आयोजन करण्यात आले होते. या कार्यक्रमात मद्य किंवा मांसाहारी पदार्थांना स्थान नव्हते. पाहुण्यांसाठी पूर्णपणे शाकाहारी आणि सात्त्विक भोजनाची व्यवस्था करण्यात आली होती.

कार्तिक आर्यनची उपस्थिती ठरली चर्चेचा विषय

या खास सोहळ्याला अभिनेता कार्तिक आर्यननेही उपस्थिती लावली. सोशल मीडियावर व्हायरल होत असलेल्या व्हिडिओंमध्ये कार्तिक कार्यक्रमाच्या ठिकाणी पोहोचताना आणि चित्रपटाच्या टीमची भेट घेताना दिसत आहे. त्याने भजन किंवा आरतीमध्येही सहभाग घेतल्याचे व्हिडिओतून दिसते. याशिवाय, एका व्हायरल व्हिडिओमध्ये कार्यक्रमाचा सूत्रसंचालक कार्तिकला बॉलिवूडमधील इतर कलाकारांनाही अशा प्रकारच्या सक्सेस पार्ट्या आयोजित करण्यास सांगण्याची विनंती करताना दिसत आहे.

Kartik Aaryan at the 100-day celebration of Hanuman Ansh. #kartikaaryan #hanumanansh https://t.co/OcjFY6ioIC — Kartik Aaryan Universe (@UniverseKA1) November 14, 2026

 

Actor Nandish Sandhu: रश्मी देसाईचा एक्स पती नंदिश संधू पुन्हा चढला बोहल्यावर, ४४ व्या वर्षी कविता बॅनर्जीसोबत थाटला संसार

संथ सुरुवात, पण बॉक्स ऑफिसवर घेतली मोठी झेप

‘हनुमान अंश’च्या बॉक्स ऑफिस प्रवासाची सुरुवात फारशी दमदार नव्हती. पहिल्या आठवड्याच्या अखेरीस चित्रपटाने भारतात केवळ १.०८ कोटी रुपयांची निव्वळ कमाई केली होती. दुसऱ्या आठवड्यातही चित्रपटाच्या कमाईत फारशी वाढ झाली नाही. या काळात चित्रपट लवकरच चित्रपटगृहांमधून बाहेर पडेल, अशी शक्यता व्यक्त केली जात होती.

मात्र, तिसऱ्या आठवड्यापासून चित्रपटाच्या कमाईत अनपेक्षित वाढ झाली. प्रेक्षकांकडून मिळालेल्या प्रतिसादामुळे चित्रपटाने बॉक्स ऑफिसवर जोरदार मुसंडी मारली. दिलेल्या आकडेवारीनुसार, ‘हनुमान अंश’ने भारतात ३४२.८६ कोटी रुपयांची निव्वळ कमाई केली असून, जगभरातील एकूण कमाई ४५३.३३ कोटी रुपयांवर पोहोचली आहे. विशेष म्हणजे, १०० दिवसांचा टप्पा पूर्ण करूनही हा चित्रपट काही चित्रपटगृहांमध्ये अजूनही सुरू आहे. त्यामुळे या चित्रपटाच्या अनोख्या यशासोबतच त्याच्या सात्त्विक सक्सेस पार्टीचीही सध्या चर्चा रंगली आहे.

 

Samay Raina Controversy: समय रैनाच्या ‘त्या’ विनोदावरून नवा वाद; मुस्लिम समुदायाचा उल्लेख करताच मौलानांनी व्यक्त केली नाराजी