(फोटो सौजन्य-सोशल मीडिया)
Actor Nandish Sandhu: ‘उतरन’ या लोकप्रिय मालिकेतून घराघरांत पोहोचलेला टीव्ही अभिनेता नंदीश संधू पुन्हा एकदा विवाहबंधनात अडकला आहे. वयाच्या ४४ व्या वर्षी नंदीशने गर्लफ्रेंड कविता बॅनर्जीसोबत लग्नगाठ बांधली. १४ नोव्हेंबर २०२६ रोजी पश्चिम बंगालमध्ये पारंपरिक पद्धतीने हा विवाहसोहळा पार पडला. त्यांच्या लग्नाचे फोटो सध्या सोशल मीडियावर व्हायरल होत असून चाहत्यांकडून नवदाम्पत्यावर शुभेच्छांचा वर्षाव केला जात आहे.
नंदीश आणि कविता यांच्या लग्नाला कुटुंबीयांसह जवळच्या मित्रमंडळींनी हजेरी लावली होती. या दोघांनी ऑक्टोबर २०२५ मध्ये साखरपुडा करून चाहत्यांना सुखद धक्का दिला होता. त्यांच्या साखरपुड्याचे फोटोही सोशल मीडियावर चर्चेत आले होते. आता लग्नासोबतच हळद, संगीत आणि मेहंदी सोहळ्यातील फोटो आणि व्हिडीओदेखील समोर आले आहेत. या फोटोंवर चाहत्यांनी लाईक्स आणि कमेंट्सचा वर्षाव केला आहे.
नंदीशचा शाही लूक, तर कविता दिसली सुंदर
लग्नासाठी नंदीशने खास पारंपरिक लूक केला होता. त्याने क्रीम आणि गोल्डन रंगाची शेरवानी परिधान केली होती. तर त्याची पत्नी कविता बॅनर्जी लाल आणि गोल्डन रंगाच्या लेहेंग्यात अतिशय सुंदर दिसत होती. या लूकला साजेसे सोन्याचे दागिने, नथ आणि आकर्षक बांगड्या तिने परिधान केल्या होत्या. दोघांच्या पारंपरिक लूकची सध्या सोशल मीडियावर चर्चा रंगली आहे.
नंदीश संधूचे हे दुसरे लग्न आहे. यापूर्वी त्याने टीव्ही अभिनेत्री रश्मी देसाईसोबत लग्न केले होते. ‘उतरन’ मालिकेच्या सेटवर दोघांची ओळख झाली आणि पुढे त्यांच्या मैत्रीचे रूपांतर प्रेमात झाले. २०१२ मध्ये दोघांनी लग्न केले होते. मात्र, काही काळानंतर त्यांच्या नात्यात मतभेद निर्माण झाल्याच्या चर्चा सुरू झाल्या. अखेर २०१६ मध्ये दोघांचा घटस्फोट झाला. आता घटस्फोटानंतर तब्बल दहा वर्षांनी नंदीशने आयुष्याची नवी सुरुवात केली आहे.
.png "Videos"){kind=small}
