( फोटो सौजन्य- सोशल मिडिया)
जर तुम्हाला हॉरर, थ्रिलर आणि सस्पेन्सने भरलेल्या कथा पाहायला आवडत असतील, तर नेटफ्लिक्सवरील ‘If Wishes Could Kill’ ही ८ भागांची सीरिज तुमच्यासाठी उत्तम पर्याय ठरू शकते. मालिकेतील प्रत्येक भागात भीती आणि रहस्याचा डोस पाहायला मिळतो. त्यामुळे ही सीरिज एकट्याने पाहण्याचे धाडस करण्यापूर्वी नक्कीच विचार करा.
‘If Wishes Could Kill’ची कथा पाच शाळकरी मित्रांभोवती फिरते. सुरुवातीला त्यांचं आयुष्य अगदी सामान्य असतं. मात्र, अचानक त्यांच्या आयुष्यात एका अशा मोबाईल ॲपची एंट्री होते, जे कोणाचीही इच्छा पूर्ण करू शकतं.
सुरुवातीला या ॲपमुळे मित्रांना आपल्या मनातील इच्छा पूर्ण करण्याची संधी मिळाल्याचं वाटतं. मात्र, या इच्छांची किंमत त्यांना चुकवावी लागते. ॲपवर इच्छा व्यक्त करणाऱ्या व्यक्तीला अखेरीस आपला जीव गमवावा लागतो.
कथा जसजशी पुढे जाते, तसतसे हे पाचही मित्र या रहस्यमय ॲपच्या जाळ्यात अडकत जातात. त्यांच्या जीवाला धोका निर्माण होतो आणि ॲपच्या निर्मात्यांमागचं गूढ उलगडण्याचा प्रयत्न सुरू होतो.
दरम्यान, या ॲपमागचं सत्य समोर येत असताना कथेत अनेक धक्कादायक ट्विस्ट पाहायला मिळतात. हॉररसोबतच थ्रिलर आणि सस्पेन्सचा तडका असल्याने प्रत्येक भागानंतर पुढे काय होणार, याची उत्सुकता कायम राहते.
मालिकेच्या शेवटच्या भागात कथेशी संबंधित अनेक रहस्यं उलगडतात. क्लायमॅक्समध्येही प्रेक्षकांना उत्कंठावर्धक आणि भयावह अनुभव मिळतो. त्यामुळे शेवटपर्यंत ही सीरिज प्रेक्षकांना खिळवून ठेवते.
‘If Wishes Could Kill’ ही मालिका २४ एप्रिल २०२६ रोजी नेटफ्लिक्सवर प्रदर्शित झाल्याचं सांगितलं जात आहे. ८ भागांची ही सीरिज वीकेंडला बिंज-वॉच करण्यासाठी चांगला पर्याय ठरू शकते.
‘If Wishes Could Kill’ला IMDb वर ७ रेटिंग मिळाल्याचा दावा केला जात आहे. कथानकासोबतच मालिकेतील कलाकारांच्या अभिनयालाही प्रेक्षकांकडून चांगला प्रतिसाद मिळाला आहे. हॉरर आणि सस्पेन्सचा अनुभव घेऊ इच्छिणाऱ्या प्रेक्षकांनी ही सीरिज आपल्या वॉचलिस्टमध्ये नक्कीच ठेवू शकता.
.png "Videos"){kind=small}
