स्टार प्लसच्या ‘मिस्टर अँड मिसेस परशुराम’ मध्ये ‘या’ अभिनेत्याची दमदार एन्ट्री; साकारणार खलनायकाची भूमिका!

आता मालिकेच्या कथानकात एक मोठा ट्विस्ट येणार असून, नव्या पात्राची एन्ट्री होणार आहे. हे पात्र म्हणजेच मालिकेतील मुख्य खलनायक असणार आहे.

स्टार प्लसच्या ‘मिस्टर अँड मिसेस परशुराम’ या मालिकेत लवकरच एक दमदार नवीन एन्ट्री होणार आहे. या मालिकेत अभिनेता नील भट्ट शिवप्रसाद आणि परशुराम अशा दुहेरी भूमिकेत दिसत आहेत. त्यांची प्रेमळ पत्नी शालिनी (शांभवी सिंह) हिला आपल्या पतीच्या गुप्त गुप्तहेर आयुष्याबद्दल काही कल्पना देखील नसते आणि अश्यातच या मालिकेच्या रंजक कथानकात नव्या पात्राची एन्ट्री होणार असल्याचं कळतंय.आता मालिकेच्या कथानकात एक मोठा ट्विस्ट येणार असून, नव्या पात्राची एन्ट्री होणार आहे. हे पात्र म्हणजेच मालिकेतील मुख्य खलनायक असणार आहे. त्यामुळे कथा अधिक रंगतदार होणार असून प्रेक्षकांना मोठा धक्का बसणार आहे. या नव्या एन्ट्रीमुळे मालिकेतील सस्पेन्स आणि थरार आणखी वाढणार आहे, आणि पुढे काय होणार याची उत्सुकता प्रेक्षकांमध्ये नक्कीच वाढणार आहे.

खालिद सिद्दीकी हे “करण कुलकर्णी” असणाऱ्या खलनायकाच्या भूमिकेत एन्ट्री घेणार असून हे पात्र शालिनीच्या आयुष्यात मोठी उलथापालथ घडवणार आहे. करणमुळे शालिनीचं आयुष्य पूर्णपणे बदलून जाणार असून त्याच्या उपस्थितीमुळे रहस्य आणि धोका यांचं सावट निर्माण होणार आहे जे तिच्या कल्पनेपलीकडचे परिणाम घडवेल. करण कुलकर्णी हा कबीर कुलकर्णीचा वडील आहे तोच मुलगा ज्याने शालिनीच्या मुलांचे अपहरण केले आहे. त्याची एन्ट्री शालिनीच्या आयुष्याला हादरवून टाकणारी ठरणार असून ड्रामा आणि धोका निर्माण करणार आहे. त्याच्या एंट्रीने कथानकाला वेगळाच ट्विस्ट मिळणार का ? हे बघण उत्कंठावर्धक ठरणार आहे.

करण कुलकर्णीच्या भूमिकेबद्दल बोलताना खालिद सिद्दीकी म्हणाले “मी करण कुलकर्णी कबीरचा वडील ही भूमिका साकारत असून करण आपल्या मुलावर खूप प्रेम करतो आणि त्याच्यासाठी तो कोणत्याही टोकाला जाऊ शकतो. त्यामुळेच त्याचा देशमुख कुटुंबाशी संघर्ष झाला आहे आणि याचे पडसाद आता मालिकेत दिसणार आहेत”

Prime Video वर ‘मटका किंग’चा वर्ल्डवाइड प्रीमियर; Vijay Varma चा दमदार लूक पाहण्यासाठी व्हा सज्ज

खालिद सिद्दीकी यांनी “मिस्टर अँड मिसेस परशुराम”च्या टीमबद्दल सांगितले की, “ही एक खूप छान टीम आहे. सर्व कलाकार खूप सपोर्टिव्ह आहेत आणि या टीमचा भाग होणं माझ्यासाठी खूप आनंदाची गोष्ट आहे.”आपल्या चाहत्यांसाठी त्यांनी संदेश दिला, “मी प्रेक्षकांना सांगू इच्छितो की त्यांनी या शोवर भरभरून प्रेम करावे आणि दररोज रात्री ८:३० वाजता हा शो नक्की पाहावा.”

“दे दो भाईजान!” Dhurandhar 2 च्या यशानंतर पाकिस्तानी चाहत्यांची Aditya Dhar ला 500 कोटींची मागणी

स्टार प्लसबरोबर काम करण्याच्या अनुभवाबद्दल ते म्हणाले, “मला वाटतं मी स्टार प्लसचा इन-हाऊस अभिनेता आहे कारण माझ्या आयुष्यातील बहुतेक सर्व शो मी स्टार प्लससाठीच केले आहेत. पुन्हा एकदा त्यांच्या सोबत काम करणं म्हणजे जणू माझंच घर आहे.”