बुधवार, 11 नोव्हेंबर 2026
(फोटो सौजन्य - इन्स्टाग्राम)
‘धुरंधर 2’ बॉक्स ऑफिसवर जोरदार कमाई करत असून, चित्रपटाने जगभरात १००० कोटींपेक्षा अधिक कमाई केली आहे. आता या चित्रपटाची चर्चा पाकिस्तानमध्येही जोरात रंगत असून, तेथील ल्यारी परिसरातील लोकांनीही चित्रपटाच्या यशानंतर आपल्या इच्छा व्यक्त केल्या आहेत. चाहत्यांनी दिग्दर्शकाकडे 500 कोटी रुपयांची मागणी केली आहे.
आदित्य धर यांच्याकडून ५०० कोटींची मागणी
ल्यारीतील लोकांनी आदित्य धर यांच्याकडे ५०० कोटींची मागणी केली आहे. नुकत्याच एका यूट्यूब चॅनेलने शेअर केलेल्या व्हिडिओमध्ये ‘धुरंधर 2’च्या यशावर स्थानिकांनी प्रतिक्रिया दिली आहे. एका व्यक्तीने सांगितले की, “जर चित्रपट १००० कोटी कमावत असेल, तर किमान ५०० कोटी तरी ल्यारीला द्या. अर्धी कमाई जरी दिली, तरी येथे रस्ते बनतील. मुलं या रस्त्यांवर चालताना त्यांच्या पायांना फोड येतात.” असे रहिवास्यांचे म्हणणे स्थानिकांचे म्हणणे आहे.
व्हिडिओमध्ये आणखी एका व्यक्तीने म्हटलं, “आम्ही खूप मागणी करत आहोत, पण ल्यारीच्या लोकांना काहीच मिळत नाही… दे दो भाईजान.” असे त्याने म्हटले आहे. जेव्हा यूट्यूबरने दुसऱ्या व्यक्तीला विचारलं की ‘धुरंधर 2’च्या कमाईतून ल्यारीतील लोकांना किती मिळायला हवं, तेव्हा त्याने उत्तर दिलं, “किमान कोट्यवधी तरी मिळायला हवेत. ७०-८० टक्के हिस्सा मिळायला हवा. कमाई कुठून आली आहे? ल्यारीचं नाव आणि इथली परिस्थिती दाखवण्यात आली आहे, तर त्यांना इतकं तरी द्यायला हवं.”
“Aditya Dhar ji, attention please…” 🤣🤣 Dhurandhar 2 has earned over ₹1000 crore
so far. Now, people of LYARI are demanding a 50% share for their development. 🤣 Pakistan govt is not developing Lyari despite getting billions in loans from US and IMF. pic.twitter.com/gVaHP3R39W — Suraj Kumar Bauddh (@SurajKrBauddh) March 27, 2026
भारतीय चाहत्यांनीही केली मजेदार टिप्पणी
या व्हिडिओवर भारतीय चाहत्यांनीही जोरदार प्रतिक्रिया दिल्या आहेत. एका युजरने लिहिले, “आदित्य धर, ल्यारीमध्ये तुमच्या नावाने एक रस्ता असायला हवा.” तर काहींनी याला चुकीचे ठरवत “हे खूप लाजिरवाणं आहे,” असे म्हटले. तर आणखी एका युजरने मजेशीर अंदाजात, “हे तर खूप विनोदी आहे,” अशी प्रतिक्रिया दिली आहे.
500 कोटींच्या ‘सैयारा’नंतर Yash Raj Films चा मोठा धमाका; नव्या रोमँटिक चित्रपटासाठी व्हा सज्ज!
‘धुरंधर 2’ चित्रपटाबद्दल
‘धुरंधर 2’ हा चित्रपट बॉक्स ऑफिसवर तुफान कमाई करत असून एकामागोमाग एक विक्रम मोडताना दिसत आहे. चित्रपटाचे एकूण बॉक्स ऑफिस कलेक्शन आता ७७८.७७ कोटी रुपये झाले आहे, तर जागतिक स्तरावर त्याची कमाई ११५१.२२ कोटी रुपयांपर्यंत पोहोचली आहे. या चित्रपटात रणवीर सिंग, संजय दत्त, अर्जुन रामपाल, राकेश बेदी आणि सारा अर्जुन प्रमुख भूमिकांमध्ये दिसत आहेत.
