Abhijeet Sawant Song: अभिजीत सावंतने बाप्पासाठी गायलं ‘गणा धाव रे’; लेकींच्या सुरेल साथीने गाणं झालं खास

Abhijeet Sawant Song: गणपती बाप्पाच्या स्वागतासाठी अभिजीत सावंतने ‘गणा धाव रे’ हे खास गाणं गायलं आहे. या गाण्यात त्याच्या लेकी अहाना आणि समीरा सावंत यांचीही सुरेल साथ लाभली आहे.

Abhijeet Sawant Song:  सगळीकडे गणपती बाप्पाच्या आगमनाची जोरदार तयारी सुरू असताना ट्रेंडसेटर गायक अभिजीत सावंतने बाप्पाच्या स्वागतासाठी खास गाणं प्रेक्षकांच्या भेटीला आणलं आहे. ‘गणा धाव रे’ असं म्हणत अभिजीतने आपल्या सुमधुर आवाजात बाप्पाचं स्वागत केलं आहे. विशेष म्हणजे या गाण्यात अभिजीतला त्याच्या दोन्ही लेकींची सुरेल साथ लाभली आहे.

बाप्पाच्या आगमनानंतर संपूर्ण वातावरण भक्तिमय आणि चैतन्यमय होतं. अशा वातावरणात गणरायाच्या स्वागतासाठी खास गाणं असावं, या भावनेतून ‘गणा धाव रे’ हे गाणं साकारण्यात आलं आहे. अभिजीत सावंतने या गाण्यात गायनासोबत अभिनयही केला आहे.

‘गणा धाव रे’ची खासियत काय?

अभिजीत सावंतच्या या गाण्याला त्याच्या मुली अहाना आणि समीरा सावंत यांचीही साथ मिळाली आहे. दोघींनी या गाण्यासाठी बॅकग्राऊंड व्होकल्स दिले आहेत. त्यामुळे अभिजीतसाठी हे गाणं अधिक खास ठरलं आहे.

अभिजीत सावंतने स्वतः ‘गणा धाव रे’ हे गाणं गायलं आहे.
अहाना आणि समीरा सावंत यांनी बॅकग्राऊंड व्होकल्स दिले आहेत.
गाण्यात अभिजीतचा अभिनयही पाहायला मिळत आहे.
बाप्पाच्या स्वागतासाठी भक्तिमय वातावरणाला साजेसं हे गाणं आहे.
अभिजीतसाठी मुलींसोबतचं हे पहिलं गाणं असल्याने त्याचं विशेष महत्त्व आहे.
‘मुलींसोबत गाणं रेकॉर्ड करतानाची भावना खूप भावनिक होती’

या गाण्याबद्दल बोलताना अभिजीत सावंतने आपल्या भावना व्यक्त केल्या आहेत. “बाप्पाच्या गाण्याला माझ्या मुलीची साथ लाभणं हा बाप्पाचा योगायोग आहे. अहाना आणि समीरा यांच्यासोबत ‘गणा धाव रे’ रेकॉर्ड केलं तेव्हाची भावना खूप भावनिक होती,” असं अभिजीतने म्हटलं आहे.

पुढे तो म्हणाला, “माझ्या संगीत प्रवासातील आमच्या तिघांचं हे पहिलं गाणं खास बाप्पासाठी केलं, याहून मोठी गोष्ट काय असणार! बाप्पाचं सगळ्यांसोबत एक सुंदर नातं असतं, तेच या गाण्यातून प्रेक्षकांना अनुभवायला मिळणार आहे.”

Shilpa Shetty Ganesh Chaturthi: शिल्पा शेट्टीच्या घरी बाप्पाचं आगमन; जयघोषात केलं गणरायाचं स्वागत, VIDEO व्हायरल

अभिजीतची गाणी नेहमीच ठरतात ट्रेंडिंग

अभिजीत सावंतने आपल्या वैविध्यपूर्ण गायनशैलीने कायमच प्रेक्षकांच्या मनात वेगळं स्थान निर्माण केलं आहे. त्याची गाणी केवळ जुन्या पिढीलाच नाही, तर आजची पिढीही तितक्याच उत्साहाने ऐकते. त्यामुळे त्याची नवीन गाणी प्रदर्शित होताच सोशल मीडियावरही त्यांची चर्चा रंगताना दिसते.

आता ‘गणा धाव रे’ या खास गणपती गीतातून अभिजीतने आपल्या चाहत्यांना भक्तीमय संगीताची मेजवानी दिली आहे. त्यातच आपल्या दोन्ही लेकींसोबत गायलेलं हे गाणं त्याच्यासाठी आणि त्याच्या चाहत्यांसाठीही खास ठरणार आहे.

Mary Kom Statement : मैरी कॉमच्या ‘त्या’ कमेंटवरून वाद; सानिया मिर्झा-सायना नेहवालवर बोलणं पडलं महागात, टीमने मागितली माफी