(फोटो सौजन्य- सोशल मीडिया)
Aamne Samne Natak: मराठी मनोरंजनविश्वातून एक महत्त्वाची बातमी समोर आली आहे. मराठी रंगभूमीवर सध्या चर्चेत असलेले नाटक म्हणजे ‘आमने सामने’ ‘आमने सामने’ या नाटकातून रोहन गुजर आणि केतकी पालव यांना अचानक बाहेरचा रस्ता दाखवण्यात आल्याचं समोर आलं आहे. या दोघांनी सोशल मीडियावर व्हिडीओ शेअर करत त्यांना नाटकातून रिप्लेस करण्यात आल्याची माहिती दिली. याशिवाय नाटकातून अचानक बाहेर काढल्यामुळे नाटकाचा शेवटचा प्रयोगही एन्जॉय करता आला नाही याची त्यांनी खंत व्यक्त केली आहे.
या दोघांनी एक व्हिडिओ इन्स्टाग्रामवर शेअर केला आहे. या व्हिडिओमध्ये ते म्हणतात, ”आता भेटूयात आमने- सामने हे वाक्य आम्ही कधीच बोलू शकणार नाही. कारण यापुढे आम्ही दोघंही आमने सामने नाटकाचा भाग नसणार आहोत”. पुढे रोहन म्हणाला की तो गेले ७-८ वर्ष हे नाटक करतोय आणि तब्बल ६७० प्रयोग त्याने केले आहेत. तर केतकी साडेतीन वर्ष हे नाटक करत आहे. तिने ५२० प्रयोग केल्याचे सांगितले. त्यांनी पुढे सांगितले की एक छान गुडबायही त्यांना दिलं गेले नाही. १८ ऑक्टोबरला रवींद्र नाट्यमंदिरला या नाटकाचा प्रयोग झाला. तो प्रयोग झाल्यानंतर एक मीटिंग झाली. यानंतर आम्हाला सांगण्यात आले की हा तुमचा शेवटचा प्रयोग होता.
शेवटचा प्रयोगही एन्जॉय करता आला नाही
“२५-२५ वेळा येऊन हे नाटक लोकांनी पाहिले आहे. नाटकाला शेवटचं गुडबाय नाही म्हणू शकलो आणि शेवटचा प्रयोगही एन्जॉय करता आला नाही.”, अशी खंत या दोघांनी व्यक्त केली आहे. रोहनच्या बाबांनी 11 वेळा नाटक पाहिलं. जर आमच्या कुटुंबाला माहिती असते की हा आमचा शेवटचा प्रयोग आहे. तर ते शेवटचा प्रयोग पाहायला आलं असते. कुठलीही पूर्वकल्पना न देता नाटकातून काढून टाकल्याचं केतकी आणि रोहने सांगितले. पैसे, मानधन वाढवून मागितल्यामुळे नाटकातून काढून टाकल्याचे त्यांनी सांगितले. कोव्हिडिमध्ये नाटक दोनवेळी बंद झाले. तेव्हा अर्ध मानधन घेऊन नाटकाचे प्रयोग केल्याचे रोहन म्हणाला. निर्मित्यांमध्ये वादामुळेही आमने- सामने नाटक बंद झालं होते. मात्र तरीदेखील आम्ही या नाटकाचे प्रयोग केले. प्रेक्षकांनी या नाटकासाठी दिलेल्या प्रेमामुळे त्यांनी प्रेक्षकांचे आभार मानले आणि शेवटी या नाटकात दिसणार नसल्याने प्रेक्षकांची रोहन आणि केतकीने माफी मागितली.
या दोघांनी शेअर केलेला व्हिडिओ व्हायरल होत असून मराठी कलाकरांनी यावर प्रतिक्रिया दिल्या आहेत. मराठी अभिनेता आस्ताद काळे म्हणाला, “खरं कारण माहीत आहे जे कळल्यानंतर मलाही संताप आला होता. तुमचं काय झालं असेल?”. याशिवाय मयुरी देशमुख, अपूर्वा नेमळेकर, शशांक केतकर, ऋतुजा बागवे, सुकन्या मोने, स्पृहा जोशी, ऋचा आपटे, विकास पाटील या कलाकरांनीही त्यांच्या या व्हिडिओवर कमेंट केल्या आहेत.
.png "Videos"){kind=small}
