सोमवार, 26 ऑक्टोबर 2026
86th Aundh Music Festival: (फोटो सौजन्य- सोशलमीडिया)
रसिकांना आतुरता लागलेला 86 वा औंध संगीत महोत्सव शुक्रवारी 30ऑक्टोबर रोजी होणार आहे. पद्मश्री पं.उल्हास कशाळकर ,पं.सुरेश तळवलकर यांच्या सह दिग्गज कलाकारांच्या गायन,वादनाची मेजवानी रसिक श्रोत्यांना मिळणार आहे. अशी माहिती शिवानंद संगीत प्रतिष्ठानच्या विश्वस्त श्रीमती अपूर्वा गोखले व पल्लवी जोशी यांनी दिली. 86th Aundh Music Festival:
दरवर्षी शिवानंद स्वामी संगीत प्रतिष्ठानतर्फे ‘ औंध संगीत महोत्सवाचे आयोजन करण्यात येते. गेली 85वर्षे ग्रामीण भागातील अव्याहतपणे हा महोत्सव सुरू आहे.हा महोत्सव भारतातील महत्वाच्या महोत्सवांपैकी एक असून या संगीत महोत्सवाची सुरुवात १९४० साली औंध संस्थानचे दरबारी गायक पं.अनंत मनोहर जोशी उर्फ अंतुबुवा व त्यांचे चिरंजीव व्हायोलिन वादक पं. गजानन बुवा जोशी या पितापुत्रांनी केली. पुढे महोत्सवाचे स्वरूप वाढत गेले आणि १९८१ साली पं. गजानन बुवा जोशी यांच्या अध्यक्षतेखाली ‘ शिवानंद स्वामी संगीत प्रतिष्ठान ‘ या संस्थेची स्थापना करण्यात आली.
संगीत महोत्सवात पं.जितेंद्र अभिषेकी, पं. भीमसेन जोशी, श्रीमती रोहिणी भाटे, गिरिजादेवी, पंडित के.जी. गिंडे, सुलतान खाँसाहेब, पं. मधुकर जोशी, पद्मश्री पं.उल्हास कशाळकर, पद्मश्री पं.सुरेश तळवलकर, यशवंत बुवा जोशी, अश्विनी भिडे-देशपांडे, योगेश समसी, पं.वेंकटेश कुमार, निलाद्रीकुमार,शुभा मुद्गल अशा अनेक ज्येष्ठ व श्रेष्ठ कलाकारांनी हजेरी लावली आहे.
औंधच्या कलाप्रेमी राजघराण्याचा आशीर्वाद देखील पहिल्यापासूनच या महोत्सवास लाभला आहे.जोशी कुटुंबातील नवीन पिढीने महोत्सवाच्या आयोजनाची जबाबदारी खांद्यावर घेऊन शास्त्रीय संगीताचा अभिजात वारसा जपण्याचा प्रयत्न पल्लवी जोशी आणि अपूर्वा गोखले यांचा आहे.वादन व नृत्य या संगीताच्या तिन्ही प्रकारांचे सादरीकरण या महोत्सवात होते. अनेक युवा कलाकारांना या महोत्सवात आपली कला सादर करण्यास व्यासपीठ उपलब्ध करून दिले जाते.
सदर महोत्सव तीन सत्रांमध्ये सादर होईल. सकाळी ९ वाजता किर्लोस्कर ग्रुप कंपनीचे मॅनेजिंग डायरेक्टर रविंद्र सामंत, यांच्या हस्ते , तसेच प्रशासक व ग्रामविकास अधिकारी चाॅदशा काझी मान्यवरांच्या उपस्थितीत महोत्सवाचे उदघाटन करण्यात येणार आहे. संस्थेचे अध्यक्ष पं. अरुण कशाळकर यांचा ‘ संगीत नाटक अकादमी पुरस्कार ‘ मिळाल्याबद्दल प्रमुख पाहुणे रवींद्र सामंत यांच्या हस्ते सत्कार करण्यात येईल.
प्रथम सत्राची सुरुवात युवा गायिका प्रिया पुरूषोत्तमन यांच्या गायनाने होईल.
ज्येष्ठ संवादिनीवादक पं. विश्वनाथ कान्हेरे यांचे संवादिनीवादन सादर होईल. पं. गजाननबुवा जोशी यांच्या नाती व सुप्रसिद्ध गायिका अपूर्वा गोखले आणि पल्लवी जोशी यांचे सहगायन सादर करणार आहेत. प्रथम सत्राची सांगता ज्येष्ठ गायक पद्मश्री पं. उल्हास कशाळकर यांच्या गायनाने होईल. त्यांना तबला संगत ज्येष्ठ तबलावादक तालयोगी पं. सुरेश तळवलकर करणार आहेत.
दुपारी 3.15 वाजता द्वितीय सत्राची सुरुवात युवागायक अनिरुद्ध ऐताळ यांच्या गायनाने होईल. त्यानंतर सुप्रसिद्ध तबलावादक अनीश प्रधान यांचे एकल तबलावादन सादर होईल. यानंतर ज्येष्ठ गायक पं. अरुण कशाळकर यांच्या गायनाचा आनंद श्रोत्यांना घेता येईल. यानंतर औंध संगीत महोत्सवानिमित्त प्रकाशित केल्या जाणाऱ्या ‘ रियाझ ‘ या स्मरणिकेचा प्रकाशन सोहळा मान्यवर अतिथी आणि प्रशासक , ग्रामविकास अधिकारी , ग्रामपंचायत औंध यांच्या उपस्थितीत संपन्न होईल.
Bepanwah Movie: अहान पांडे-शर्वरीची ‘बेपरवाह’ झेप! यशराज फिल्म्सकडून नव्या सिनेमाची घोषणा
त्यानंतर पं. विकास कशाळकर यांचा पंच्याहत्तरी निमित्त संस्थेतर्फे सत्कार करण्यात येईल.रात्री १० वाजता अखेरच्या तिसऱ्या सत्राची सुरुवात निखिल परिहार यांच्या कथ्थक नृत्याने होईल. सुप्रसिद्ध बासरीवादक प्रविण गोटखिंडी यांचे बासरीवादन सादर होईल. तालयोगी पं. सुरेश तळवलकर यांचे शिष्य कृष्णा साळुंके यांचे पखवाज वादन सादर होईल. किराणा घराण्याचे गायक अंबरीश दास यांच्या गायनाने महोत्सवाची सांगता होईल.
संपूर्ण महोत्सवात सुमित नाईक , यति भागवत , यशवंत वैष्णव आणि स्वप्निल भिसे हे तबला संगत करतील. तर संवादिनी साथ असेल चिन्मय कोल्हटकर ,सिद्धेश बिचोलकर व सुयोग कुंडलकर यांची.कथक साठी ईशान परांजपे,पार्थ भुमकर,अथर्व वैरागकर आणि स्वानंद राजोपाध्ये साथ करतील.
सदर महोत्सव सर्व संगीत रसिकांना खुला असणार आहे तरी सर्व रसिक श्रोत्यांनी जास्तीत जास्त संख्येने या महोत्सवाचा लाभ घ्यावा असे आवाहन अपूर्वा गोखले व पल्लवी जोशी यांनी केले आहे.
Ans: शिवानंद स्वामी संगीत प्रतिष्ठानतर्फे या महोत्सवाचे आयोजन केले जाते.
Ans: या महोत्सवाची सुरुवात १९४० साली पं. अनंत मनोहर जोशी उर्फ अंतुबुवा आणि त्यांचे चिरंजीव पं. गजाननबुवा जोशी यांनी केली.
Ans: होय. हा महोत्सव सर्व संगीत रसिकांसाठी खुला असणार आहे.
