Tridha Concert: अहिल्यानगरमध्ये रंगणार ‘त्रिधा’ची विशेष मैफल; गायन, वादन अन् नृत्याचा अनोखा संगम

Tridha Concert: अनाहत एक कलासृष्टी, अहिल्यानगर आणि ताल चक्र, पुणे यांच्या संयुक्त विद्यमाने ‘त्रिधा’ या गायन, वादन आणि नृत्याच्या विशेष मैफलीचे आयोजन करण्यात आले आहे. या मैफलीत आंतरराष्ट्रीय कीर्तीचे तबलावादक पद्मश्री पं. विजय घाटे आणि संगीत नाटक अकादमी पुरस्कारप्राप्त गायक पं. आनंद भाटे यांचे विशेष सादरीकरण होणार आहे.

• रसिकांना संगीताची पर्वणी
• गायन-वादन-नृत्याची ‘त्रिधा’ मैफल
• दिग्गज कलाकारांच्या सादरीकरणाने अहिल्यानगर होणार मंत्रमुग्ध

अहिल्यानगर : पुनीत बालन ग्रुप प्रस्तुत अनाहत एक कलासृष्टी व ताल चक्र पुणे यांच्या संयुक्त वविद्यमाने ‘त्रिधा’ या गायन वादन व नृत्याच्या अनोख्या मैफलीचे आयोजन १ ऑक्टोबर २०२६ रोजी संध्याकाळी 6.30 वाजता माऊली सभागृह, सावेडी येथे करण्यात आले आहे.

‘त्रिधा’ या कार्यक्रमाच्या पूर्वार्धात पद्मश्री पं.विजय घाटे (तबला), सुप्रसिद्ध कथक नृत्यांगना शीतल कोलवालकर, सुप्रसिद्ध गायक नागेश आडगावकर, हार्मोनियम वादक माधव लिमये तसेच पढन्तसाठी सागर पटोकर सहभागी होणार आहेत. यामध्ये गायन, वादन व नृत्याची जुगलबंदी अनुभवायला मिळणार आहे. (Tridha Concert)

Mrutyuchakra: ‘मृत्यूचक्र’ चित्रपटाचा अंगावर शहारे आणणारा ट्रेलर प्रदर्शित! रहस्य, भय आणि नियतीचा थरारक खेळ

कार्यक्रमाच्या उत्तरार्धात संगीत नाटक अकादमी पुरस्कार विजेते, किराणा घराण्याचे सुप्रसिद्ध गायक पं. आनंद भाटे यांचे गायन सादर होणार असून त्यांना तबल्यावर सागर पटोकर आणि हार्मोनियमवर माधव लिमये साथसंगत करणार आहेत.

भारतीय संगीत आणि नृत्य परंपरेचे वैभव एका व्यासपीठावर अनुभवण्याची ही दुर्मीळ संधी असून, सर्व दिग्गज कलाकारांची कला एकाच व्यासपीठावर ऐकण्याची आणि पाहण्याची संधी सर्व अहिल्यानगरकर वासियांना उपलब्ध होणार आहे. तसेच या कार्यक्रमात ज्या संगीत साधकांनी आपली संगीत साधना चालू ठेऊन 10 वी आणि 12 वी बोर्ड परीक्षेत उत्तुंग यश प्राप्त केले अश्या संगीत साधकांचा सन्मान मान्यवर कलाकारांच्या हस्ते होणार आहे. सदर कार्यक्रमास प्रवेश विनामूल्य असून पुढील 3 रांगा मान्यवरांसाठी राखीव ठेवण्यात आल्या आहे.

तसेच यात पारंपरिक कथक नृत्याचे विविध पैलू आणि तिन्ही प्रवाहांना (लय, ताल आणि भाव) एकत्र गुंफून एक दर्जेदार सादरीकरण केले जाते. शास्त्रीय नृत्याची समृद्ध परंपरा आधुनिक प्रेक्षकांसमोर आकर्षक पद्धतीने मांडणे हा या मैफलीचा मुख्य उद्देश असतो.

या कार्यक्रमाला Central Bank of India, चंदुकाका सराफ, Radio City 91.1 FM, Brand Mantra, Hotel V-Star तसेच Nagar Stories यांचे सहकार्य लाभले आहे. अनाहत एक कलासृष्टीच्या वतीने अहिल्यानगरातील सर्व संगीत साधक, नृत्य साधक व कलारसिकांनी या कार्यक्रमास मोठ्या संख्येने वेळेपूर्वी 15 मिनिटे उपस्थित राहून कार्यक्रमाची शोभा वाढवावी, असे आवाहन आनंद कुलकर्णी व दीप्ती करंदीकर यांनी केले आहे.

Amruta Khanvilkar: अमृता खानविलकरची ‘तीन तिघी’ गँग परदेशात! फोटो शेअर करत म्हणाली, “आमच्या बॅगा…”