मंगळवार, 29 सप्टेंबर 2026
Amruta Khanvilkar: (फोटो सौजन्य- सोशलमीडिया)
अमृता खानविलकर, नेहा पेंडसे आणि सोनाली खरे या तिघी सध्या इटलीला फिरायला गेल्या आहेत. या ट्रिपचे फोटो अमृताने स्वतः शेअर असून फोटोच्या खाली “आम्ही तीन तिघी” असे लिहिले. सुरुवातीला लोकांना समजत नव्हतं की, या नक्की कुठे चालल्या आहेत. तेव्हा अमृताने पिझ्झा, पास्ता, तिरामिसू असं लिहिलं एक हिंट तिच्या चाहत्यांना दिली. त्यावरुन सर्वांना समजले की, या इटलीला गेल्या आहेत.
इटलीला पोहोचल्यावर अमृताने एक गंमतशीर व्हिडिओ शेअर केला. त्या व्हिडिओत तिघी स्वतःच्या बॅगा ओढताना दिसत आहेत.अमृता म्हणते, “तुम्ही रील्समध्ये बघितलं असेल, स्वतःचं सामान उचलून प्रवास करायचा. तेच आम्ही करतोय आता. आम्ही आता बसने फ्लोरेन्सला चाललोय. या बॅगांचं काय सांगू? बॅगांनी पुरता दम काढलाय आमचा.” तिचं हे बोलणं ऐकून फॅन्सना पण हसू आलं. मोठ्या हिरोइन्स पण सामान्य लोकांसारख्याच बॅगा उचलून दमतात हे बघून लोकांना भारी वाटलं.
Gondhal Marathi Movie: ‘गोंधळ’ची ऑस्करवारी सुरू! मुख्यमंत्र्यांची भेट घेत टीमने केली ‘ही’ खास मागणी
आता तिघी इटलीत पोहोचल्या आहेत. पुढे काय धमाल करणार याकडे सगळ्यांचं लक्ष आहे. इटली म्हणजे सुंदर जागा, जुन्या बिल्डिंग, चांगलं खाणं. तिघी मैत्रिणी एकत्र आल्या की धमाल तर होणारच. अमृता नेहमीच तिच्या ट्रिपचे फोटो, व्हिडिओ शेअर करत असते. यावेळी पण ती रोज काही ना काही अपडेट देत आहे. नेहा पेंडसे पण खूप दिवसांनी अशी मैत्रिणींसोबत फिरायला गेली आहे. सोनाली खरे पण या ट्रिपमध्ये एकदम खुश दिसत आहे.मराठी इंडस्ट्रीत अशी मैत्री बघायला मिळणं हीच मोठी गोष्ट आहे. कामाच्या टेन्शनमधून वेळ काढून या तिघींनी ही ट्रिप प्लॅन केली आहे. आता इटलीतून त्यांचे अजून कोणते फोटो येतात, काय मज्जा करतात हे बघण्यासाठी चाहते वाट बघत आहेत.तिघींची ही मैत्री आणि ही इटली ट्रिप सध्या सोशल मीडियावर चर्चेचा विषय बनली आहे.
