(फोटो सौजन्य- इन्स्टाग्राम)
‘आनंदी’ नंतर स्टार प्रवाहवर लवकरच प्रेक्षकांच्या भेटीला येत आहे नवी मालिका ‘बाई तुझा आशीर्वाद’. ही मालिका घराला घरपण देणाऱ्या स्त्रीच्या कथाभोवती फिरते – म्हणजेच ‘बाई’च्या भूमिकेवर लक्ष केंद्रीत आहे. कथेच्या सुरुवातीला ज्या घराला बाईच्या असण्याची सवय नाही, अशा पूर्णपणे पुरुषप्रधान घरात अवनीचं आगमन होतं आणि तिथून नात्यांचा नवा प्रवास सुरू होतो. अवनीच्या येण्याने त्या घरात फक्त एक व्यक्ती नाही तर समज, संवाद, आपुलकी आणि घरपण येतं.
या घराला घरपण देणाऱ्या अवनीच्या भूमिकेत दिसणार आहे नवोदित अभिनेत्री Akshata Anita Pramod. प्रेक्षक आता या मालिकेच्या कथानकाची आणि नवोदित अभिनेत्रीच्या अभिनयाची उत्सुकतेने वाट पाहत आहेत.
रुईया कॉलेजमधून फिलॉसॉफी विषय़ात ड्रिग्री घेतलेल्या अवनीला लहानपणापासूनच अभिनय क्षेत्र खुणावत होतं. ७ वर्षांची असतानाच तिने कथ्थक शिकायला सुरुवात केली. अवनीच्या नृत्यकलेतूनच तिला तिच्या आयुष्यातली ‘स्टार’ ही पहिली एकांकिका मिळाली. ही एकांकिका खूप गाजली. त्यानंतर गुड बाय किस, अत्तरमन अश्या अनेक एकांकिका अवनीने केल्या. याच दरम्यान तिला बाई तुझा आशीर्वाद या मालिकेतल्या अवनी या मुख्य नायिकेच्या भूमिकेसाठी विचारणा झाली. अवनी दिसायला सुंदर.. बोलायला लाघवी.. मीतभाषी. घरात आई-बाबांची लाडकी असली तरी तिला आई वडिलांच्या प्रेमळ शब्दांपुढे आपला हट्ट रेटता येत नाही. अवनी आपल्या स्वप्नांचा पाठलाग कसा करणार याची गोष्ट मालिकेतून उलगडेल.
अवनी या भूमिकेप्रमाणेच अक्षता देखिल खूप महत्त्वाकांक्षी आहे. खऱ्या आयुष्यातही अभ्यासात प्रचंड हुशार आणि सतत नवं काहीतरी करण्याची धडपड यामुळेच अवनी हे पात्र खूप भावल्याचं अक्षता म्हणते. त्यामुळेच ही मालिका केवळ एक अभिनयाची संधी नसून स्वत:ला व्यक्त करायची संधी असल्याची भावना अवनीने व्यक्त केली.
.png "Videos"){kind=small}
