(फोटो सौजन्य- सोशल मिडिया)
Mirzapur The Movie: ‘मिर्झापूर’ या लोकप्रिय फ्रँचायझीच्या चाहत्यांसाठी एक खास सरप्राइज समोर आलं आहे. एक्सेल एंटरटेनमेंट आणि अमेझॉन MGM स्टुडिओज प्रस्तुत ‘मिर्झापूर: द मूव्ही’मधील नवीन गाणं ‘वारुँ फॉरएवर’ रिलीज करण्यात आलं आहे. श्रेया घोषाल आणि रोमी यांच्या आवाजात साकारलेलं हे गाणं फ्रँचायझीच्या लोकप्रिय ‘वारुँ’ या ट्रॅकचा नव्या अंदाजातील अवतार आहे.
‘वारुँ फॉरएवर’मध्ये मूळ गाण्याची भावनिक ओळख कायम ठेवत त्याला नवी म्युझिकल ट्रीटमेंट देण्यात आली आहे. श्रेया घोषाल आणि रोमी यांच्या आवाजातील जुगलबंदी या ट्रॅकला वेगळीच रंगत आणते. त्यांच्या आवाजातील व्होकल डायनॅमिक्स गाण्याच्या सूफी-प्रेरित साउंडला पूरक ठरतात.
नव्या व्हर्जनमध्ये ‘वारुँ’ची ओळखीची सोलफुल क्वालिटी कायम ठेवण्यात आली आहे. त्यामुळे हे गाणं जुन्या आठवणींना उजाळा देतानाच ‘मिर्झापूर: द मूव्ही’च्या कथानकासाठी नव्या ऊर्जेसह समोर येतं.
मूळ ‘वारुँ’ हे गाणं २०२० मध्ये रिलीज झालं होतं. त्यानंतर हे गाणं ‘मिर्झापूर’ युनिव्हर्सचा अविभाज्य भाग बनलं. सोलफुल साउंड आणि प्रभावी लिरिक्समुळे हे गाणं चाहत्यांच्या आवडत्या ट्रॅक्सपैकी एक ठरलं.
‘वारुँ फॉरएवर’साठी आनंद भास्कर यांनी संगीतकार म्हणून, तर गिन्निया दीवान यांनी गीतकार म्हणून पुन्हा जबाबदारी सांभाळली आहे. त्यामुळे नव्या व्हर्जनमध्येही मूळ गाण्याचा आत्मा आणि भावनिक ओळख कायम राहिली आहे.
‘वारुँ फॉरएवर’ हा एक्सेल म्युझिकच्या अंतर्गत रिलीज होणारा पहिला अल्बम रिलीज आहे. त्यामुळे ‘मिर्झापूर’च्या म्युझिकल विश्वातही आणखी एका अध्यायाची भर पडली आहे.
ट्रेलर रिलीज झाल्यापासून ‘मिर्झापूर: द मूव्ही’बद्दल चाहत्यांमध्ये मोठी उत्सुकता आहे. आता या नव्या गाण्यामुळे चित्रपटाच्या चर्चेला आणखी उधाण आलं आहे.
अमेझॉन MGM स्टुडिओज आणि एक्सेल एंटरटेनमेंट प्रस्तुत या चित्रपटाचं दिग्दर्शन गुरमीत सिंह यांनी केलं आहे, तर पटकथा पुनीत कृष्णा यांची आहे. रितेश सिधवानी आणि फरहान अख्तर यांनी एक्सेल एंटरटेनमेंटच्या बॅनरखाली चित्रपटाची निर्मिती केली आहे. कासिम जगमगिया आणि विशाल रामचंद्रानी सहनिर्माते आहेत
.png "Videos"){kind=small}
