Mrunal Thakur : मृणाल ठाकूर १० वर्षांनी लहान क्रिकेटरला डेट करतेय? अभिनेत्रीने दिलं सडेतोड उत्तर

Mrunal Thakur: मृणाल ठाकूर आणि क्रिकेटपटू यशस्वी जैस्वाल यांच्या डेटिंगच्या अफवा चर्चेत आहेत. १० वर्षांनी लहान क्रिकेटरसोबतच्या नात्याच्या चर्चांवर अभिनेत्रीने दिलं सडेतोड उत्तर.

• मृणाल ठाकूर-यशस्वी जैस्वालच्या डेटिंगच्या चर्चांना उधाण
• मृणाल ठाकूरने डेटिंगच्या अफवांवर दिलं सडेतोड उत्तर
• धनुषसोबतही जोडले गेले होते मृणाल ठाकूरचे नाव

 

Mrunal Thakur : चित्रपट आणि क्रिकेट यांचं नातं काही नवीन नाही. या दोन क्षेत्रांतील अनेक सेलिब्रिटींच्या नात्यांच्या चर्चा यापूर्वीही रंगल्या आहेत. आता अभिनेत्री मृणाल ठाकूर आणि क्रिकेटपटू यशस्वी जैस्वाल यांच्या डेटिंगच्या अफवांनी सोशल मीडियावर जोर धरला आहे. मृणाल तिच्यापेक्षा तब्बल १० वर्षांनी लहान असलेल्या यशस्वीला डेट करत असल्याची चर्चा सुरू झाली होती. मात्र, आता अभिनेत्रीने या चर्चांवर मौन सोडलं असून सडेतोड प्रतिक्रिया दिली आहे.

एकत्र दिसल्यानंतर डेटिंगच्या चर्चांना उधाण

मृणाल ठाकूर आणि यशस्वी जैस्वाल नुकतेच मुंबईतील एका कॅफेजवळ दिसले होते. दोघे वेगवेगळ्या वेळी कॅफेमधून बाहेर पडताना दिसले. त्यांचे फोटो आणि व्हिडिओ सोशल मीडियावर व्हायरल झाल्यानंतर दोघे रिलेशनशिपमध्ये असल्याच्या चर्चांना सुरुवात झाली.

यानंतर सोशल मीडियावर मृणाल आणि यशस्वी यांच्या वयातील अंतराचीही चर्चा होऊ लागली. मृणाल ठाकूर ही यशस्वी जैस्वालपेक्षा सुमारे १० वर्षांनी मोठी असल्याचं सांगितलं जात आहे. मात्र, या चर्चांवर अभिनेत्रीने थेट प्रतिक्रिया देत अफवांना फेटाळून लावलं आहे.

मृणाल ठाकूरने दिलं सडेतोड उत्तर

मृणाल ठाकूरने सोशल मीडियावर व्हायरल झालेल्या एका व्हिडिओवर प्रतिक्रिया देताना अफवा पसरवणाऱ्याला चांगलंच सुनावलं. अभिनेत्रीने लिहिलं, “भाऊ, शांत हो… आपण शोमध्ये एकत्र कुठे आहोत? तू इतका शिकलेला असूनही अशा अफवांवर विश्वास कसा ठेवू शकतोस?”

पुढे तिने सोशल मीडियावरील अफवांवर भाष्य करत म्हटलं, “आपल्या देशात काहीच घडत नाहीये का? Gen-G कडून काहीतरी शिक आणि खऱ्या समस्यांवर व्हिडिओ बनव, तुला जास्त व्ह्यूज मिळतील.”

मृणालच्या या प्रतिक्रियेनंतर तिने यशस्वी जैस्वालसोबत डेटिंग करत असल्याच्या चर्चांना स्पष्टपणे नकार दिल्याचं दिसत आहे.

Aamir Khan: ‘चौथं लग्न कधी करणार?’, KBC 18मध्ये आमिर खानची एंट्री; प्रोमो रिलीज होताच सोशल मीडियावर रंगली चौथ्या लग्नाची चर्चा

धनुषसोबतही जोडलं गेलं होतं नाव

यापूर्वी मृणाल ठाकूरचं नाव दाक्षिणात्य अभिनेता धनुष याच्यासोबतही जोडलं गेलं होतं. दोघे लग्न करणार असल्याच्या चर्चाही सोशल मीडियावर रंगल्या होत्या. मात्र, मृणालने त्या अफवा फेटाळून लावल्या होत्या.

मृणाल ठाकूरचा आगामी प्रोजेक्ट

दरम्यान, कामाच्या आघाडीवर मृणाल ठाकूर शेवटची ‘है जवानी तो इश्क होना है’ या चित्रपटात दिसली होती. आता ती ‘पूजा मेरी जान’ या आगामी चित्रपटातून प्रेक्षकांच्या भेटीला येणार आहे. हा चित्रपट ZEE5 या ओटीटी प्लॅटफॉर्मवर प्रदर्शित होणार आहे. मात्र, चित्रपटाच्या प्रदर्शनाची तारीख अद्याप जाहीर करण्यात आलेली नाही.

Amey Wagh: TVFचा पहिला मराठी चित्रपट जाहीर; अमेय वाघसह ‘या’ कलाकारांची फौज, नावही भन्नाट!